OnePlus Nord Buds : వన్‌ప్లస్ నుంచి సరికొత్త ఇయర్‌బడ్స్.. తక్కువ ధరలో ప్రీమియం లుక్, మైండ్ బ్లోయింగ్ ఫీచర్స్

OnePlus Nord Buds : ప్రముఖ టెక్ బ్రాండ్ వన్‌ప్లస్‎కి 2026 సంవత్సరం ఎంతో కీలకమైనదిగా మారింది. ఇటీవల ఈ కంపెనీ తన కార్యకలాపాలను ముగించుకోబోతుందనే పుకార్లు వచ్చినప్పటికీ, వాటన్నిటికీ చెక్ పెడుతూ ఒప్పో గొడుగు కింద రియల్‌మీతో వన్‌ప్లస్ చేతులు కలిపింది. ఈ విలీనం తర్వాత కూడా వన్‌ప్లస్ వరుసగా సరికొత్త ప్రొడక్ట్స్‌ను మార్కెట్లోకి వదులుతోంది. ఇందులో భాగంగానే ఆడియో విభాగంలో సరికొత్త వన్‌ప్లస్ నోర్డ్ బడ్స్ 4 ఇయర్‌బడ్స్‌ను భారత మార్కెట్లోకి తీసుకువచ్చింది. తక్కువ బడ్జెట్‌లో ఎక్కువ ఫీచర్లు ఆశించే మ్యూజిక్ లవర్స్ కోసం వీటిని డిజైన్ చేశారు. కేవలం రూ.3,299 ధరకే లభించే ఈ ఇయర్‌బడ్స్  అందిస్తోంది. ఇందులో ఉన్న స్పెషల్ ఫీచర్లు ఏంటో తెలుసుకుందాం.

డిజైన్, కంఫర్ట్ చాలా బాగున్నాయి
వన్‌ప్లస్ నోర్డ్ బడ్స్ 4 డిజైన్ గత మోడల్స్ కంటే చాలా డిఫరెంట్‌గా, క్లాస్‌గా ఉంది. పాత ఇయర్‌బడ్స్‌లా మెరిసే గ్లోసీ ఫినిషింగ్ కాకుండా, వీటికి ప్రీమియం మ్యాట్ టెక్స్చర్ ఫినిషింగ్‌ను ఇచ్చారు. దీనివల్ల వీటిపై వేలిముద్రలు పడవు, స్క్రాచెస్ కూడా పడకుండా ఉంటాయి. గుండ్రని అంచులతో కూడిన దీని చార్జింగ్ కేస్ చాలా స్ట్రాంగ్‌గా ఉంది. ఇవి స్టెల్లార్ బ్లాక్, ఆస్ట్రల్ టీల్ అనే రెండు రంగుల్లో లభిస్తాయి. ఇందులో ఆస్ట్రల్ టీల్ కలర్ వేరియంట్ బాడీపై చిన్న చిన్న నక్షత్రాల లాంటి చుక్కలు ఉండి మరింత అందంగా కనిపిస్తుంది. ప్రతి ఇయర్‌బడ్ కేవలం 4.3 గ్రాముల బరువు మాత్రమే ఉండటం వల్ల చెవుల్లో పెట్టుకున్నప్పుడు చాలా కంఫర్ట్‌గా ఉంటుంది.
 

నెక్స్ట్ లెవెల్ బ్లూటూత్ 6.1 టెక్నాలజీ
ఈ ప్రైస్ రేంజ్‌లో బ్లూటూత్ 6.1 కనెక్టివిటీతో వస్తున్న అత్యంత అరుదైన ఇయర్‌బడ్స్ ఇవే కావడం విశేషం. దీనివల్ల మీ స్మార్ట్‌ఫోన్‌తో కనెక్షన్ చాలా స్ట్రాంగ్‌గా ఉంటుంది, లాంగ్ రేంజ్ వరకు డిస్‌కనెక్ట్ అవ్వదు. ఇందులో 12mm టైటానియం కోటెడ్ డైనమిక్ డ్రైవర్లను అమర్చారు. గూగుల్ ఫాస్ట్ పెయిర్, మైక్రోసాఫ్ట్ స్విఫ్ట్ పెయిర్ సపోర్ట్ ఉంది. ఒకేసారి రెండు డివైజ్‌లకు కనెక్ట్ చేసుకునే డ్యూయల్-డివైస్ కనెక్టివిటీ ఫీచర్ కూడా ఇందులో ఉంది. రాబోయే వర్షాకాలాన్ని దృష్టిలో ఉంచుకుని వీటికి ఐపీ55 వాటర్, డస్ట్ రెసిస్టెన్స్ రేటింగ్ కూడా ఇచ్చారు, కాబట్టి చిన్నపాటి వర్షానికి ఇవి పాడవుతాయనే భయం లేదు.

సూపర్బ్ నాయిస్ క్యాన్సిలేషన్ ఫీచర్
ఈ వన్‌ప్లస్ నోర్డ్ బడ్స్ 4 లోని అతిపెద్ద ప్లస్ పాయింట్ ఏంటంటే ఇందులో ఏకంగా 52dB యాక్టివ్ నాయిస్ క్యాన్సిలేషన్ (ANC) ఫీచర్‌ను అందించడం. రూ.3,500 లోపు బడ్జెట్‌లో ఇంత భారీ స్థాయిలో ఏఎన్‌సీ ఇవ్వడం ఇదే మొదటిసారి. ఇది ఇంట్లోని ఏసీ శబ్దాలు, సీలింగ్ ఫ్యాన్ల హోరును, ప్రయాణాల్లో మెట్రో రైలు శబ్దాలను చాలావరకు సమర్థవంతంగా అడ్డుకుంటుంది. దీనివల్ల మీరు పాటలు వినేటప్పుడు లేదా ఆఫీస్ కాల్స్ మాట్లాడేటప్పుడు బయటి డిస్టర్బెన్స్ లేకుండా ప్రశాంతంగా ఉంటుంది. ఇక కాల్స్ మాట్లాడటానికి ఇందులో 6 మైక్రోఫోన్ల అరేను ఉపయోగించారు, ఇది మీ వాయిస్‌ను అవతలి వారికి స్పష్టంగా వినబడేలా చేస్తుంది.

హేమెలడీ యాప్ ఇంటెగ్రేషన్, ఏఐ ఫీచర్లు
ఈ ఇయర్‌బడ్స్‌ను కంట్రోల్ చేయడానికి వన్‌ప్లస్ బ్రాండ్ కి చెందిన హేమెలడీ అప్లికేషన్ అద్భుతంగా పనిచేస్తుంది. ఈ యాప్ ద్వారా మీకు నచ్చిన విధంగా టచ్ కంట్రోల్స్ మార్చుకోవచ్చు, ఈక్వలైజర్ ప్రిసెట్స్ సెట్ చేసుకోవచ్చు. అలాగే గేమింగ్ ఆడేవారి కోసం ప్రత్యేకంగా  గేమ్ మోడ్ కూడా ఉంది. అంతేకాకుండా ఇందులో 3D స్పేషియల్ ఆడియో, గేమ్ సౌండ్ స్పేషియల్ ఆడియో మరియు ఏఐ అసిస్టెంట్, ఏఐ ట్రాన్స్‌లేట్ లాంటి సరికొత్త ఏఐ ఫీచర్లను కూడా గూగుల్ జోడించింది. అయితే ఇందులో ఎల్‌హెచ్‌డీసీ లాంటి హై-రెస్ ఆడియో కోడెక్స్ లేవు, కేవలం ఎస్‌బీసీ, ఏఏసీ కోడెక్స్ మాత్రమే ఉన్నాయి. కానీ సాధారణ శ్రోతలకు దీనివల్ల ఎలాంటి తేడా తెలియదు.

సౌండ్ క్వాలిటీ, మైండ్ బ్లోయింగ్ బ్యాటరీ లైఫ్
వన్‌ప్లస్ నోర్డ్ బడ్స్ 4 సౌండ్ సిగ్నేచర్ చాలా ఎంటర్‌టైనింగ్‌గా ఉంటుంది. పాటల్లోని బేస్ చాలా డీప్‌గా వస్తుంది, వోకల్స్ కూడా చాలా క్లియర్గా వినబడతాయి. ఇక బ్యాటరీ విషయానికి వస్తే ఇది మార్కెట్లోని మిగతా ఇయర్‌బడ్స్ కంటే చాలా ముందుంది. ఏఎన్‌సీ ఫీచర్ ఆఫ్ చేసి వాడితే చార్జింగ్ కేస్‌తో కలిపి ఏకంగా 54 గంటల ప్లేబ్యాక్ టైమ్ వస్తుంది. ఒకవేళ ఏఎన్‌సీ ఆన్ చేసి వాడినా కూడా 27 గంటల పాటు బ్యాటరీ బ్యాకప్ లభిస్తుంది. దీనితో పాటు ఫాస్ట్ చార్జింగ్ సపోర్ట్ కూడా ఉంది. కేవలం 10 నిమిషాలు చార్జ్ చేస్తే చాలు, కొన్ని గంటల పాటు నాన్-స్టాప్‌గా వాడుకోవచ్చు. బడ్జెట్ ధరలో ఒక బెస్ట్ ఆల్ రౌండర్ ఇయర్‌బడ్స్ కొనాలనుకునే వారికి వన్‌ప్లస్ నోర్డ్ బడ్స్ 4 ఒక పర్ఫెక్ట్ ఛాయిస్.