Vi-Spotify Deal : వోడాఫోన్ ఐడియా అదిరిపోయే ఆఫర్.. పోస్ట్‌పెయిడ్ యూజర్లకు 3 నెలలు స్పాటిఫై ప్రీమియం ఫ్రీ

Vi-Spotify Deal : భారతదేశంలో ఉన్న తమ పోస్ట్‌పెయిడ్ సబ్‌స్క్రైబర్లకు వినోదాన్ని మరింత పెంచేందుకు వోడాఫోన్ ఐడియా (Vi) ఒక అద్భుతమైన నిర్ణయం తీసుకుంది. స్పాటిఫై సంస్థతో జతకట్టి, కస్టమర్లకు మూడు నెలల పాటు ఉచిత ప్రీమియం యాక్సెస్‌ను ఇస్తోంది. ఈ ఆఫర్ ద్వారా యూజర్లు ఎటువంటి యాడ్స్ లేకుండా నాన్-స్టాప్‌గా మ్యూజిక్ ఎంజాయ్ చేయవచ్చు. అంతేకాకుండా పాటలను డివైజ్‌లో సేవ్ చేసుకుని ఇంటర్నెట్ లేనప్పుడు కూడా ఆఫ్‌లైన్‌లో వినే అవకాశం లభిస్తుంది.

ఎవరికి ఈ ఆఫర్ అందుబాటులో ఉంటుంది?
ఈ సరికొత్త బెనిఫిట్ కొత్తగా పోస్ట్‌పెయిడ్ కనెక్షన్ తీసుకునే వారితో పాటు, ప్రస్తుతం ఉన్న పాత వీఐ పోస్ట్‌పెయిడ్ కస్టమర్లకు కూడా అందుబాటులో ఉంటుంది. అయితే ఒక ముఖ్యమైన కండిషన్ ఏంటంటే.. గతంలో ఎప్పుడూ స్పాటిఫై ప్రీమియం సబ్‌స్క్రిప్షన్ తీసుకోని వారు మాత్రమే దీనికి అర్హులు. అర్హత గల కస్టమర్లు తమ మొబైల్‌లోని అధికారిక  Vi యాప్‎లోకి వెళ్లి ఈ త్రీ-మంత్స్ ఫ్రీ ఆఫర్‌ను చాలా సులభంగా క్లెయిమ్ చేసుకోవచ్చు.

ఉచిత ఆఫర్ లభించే ఇండివిడ్యువల్ ప్లాన్స్
సింగిల్ యూజర్ల కోసం అందుబాటులో ఉన్న పలు రకాల వీఐ పోస్ట్‌పెయిడ్ ప్లాన్స్‌పై ఈ ఉచిత బెనిఫిట్ లభిస్తుంది. ముఖ్యంగా రూ. 451, రూ. 551, రూ. 751 లతో పాటు ప్రీమియం ప్లాన్ అయిన రూ. 1,201 ప్లాన్‌పై కూడా ఈ స్పాటిఫై ప్రీమియం ఆఫర్ ఫిక్స్‌డ్ బెనిఫిట్‌గా యాడ్ చేయబడింది. యూజర్లు ఈ ప్లాన్స్ రీఛార్జ్ చేసుకున్న వెంటనే ఉచిత మ్యూజిక్ సర్వీస్ యాక్టివేట్ అవుతుంది.

ఫ్యామిలీ ప్లాన్స్ వివరాలు, కండిషన్స్
ఇక ఫ్యామిలీ పోస్ట్‌పెయిడ్ ప్లాన్స్ విషయానికి వస్తే, ఇందులో చాలా ఆప్షన్లు ఉన్నాయి. రూ. 701, రూ. 751, రూ. 871, రూ. 1201, రూ. 1301, రూ. 1401, రూ. 1526,  రూ. 1601 ప్లాన్లపై ఈ ఆఫర్ లభిస్తుంది. అయితే ఫ్యామిలీ ప్లాన్స్‌లో కేవలం ప్రైమరీ అకౌంట్ హోల్డర్ (అంటే ఎవరి పేరు మీద మెయిన్ సిమ్ కార్డ్ ఉందో వారు) మాత్రమే ఈ 3 నెలల ఉచిత స్పాటిఫై ప్రీమియంను వాడుకోవడానికి వీలుంటుందని కంపెనీ స్పష్టం చేసింది.

Android 17 : ఆండ్రాయిడ్ 17 వచ్చేసింది.. సరికొత్త బబుల్స్ ఫీచర్‌తో కంప్యూటర్‌లా మారిపోనున్న మీ మొబైల్

ఆఫర్ ముగిసిన తర్వాత ధర ఎంత?
మూడు నెలల ఉచిత ప్రమోషనల్ పీరియడ్ పూర్తయిన తర్వాత కూడా కస్టమర్లు ఈ ప్రీమియం మెంబర్‌షిప్‌ను అలాగే కొనసాగించవచ్చు. ఇందుకోసం స్పాటిఫై యాప్‌కు విడిగా పేమెంట్ చేయాల్సిన అవసరం లేదు. వీఐ సంస్థ అందిస్తున్న యాడ్ టు బిల్ ఫెసిలిటీ ద్వారా నేరుగా మీ నెలవారీ మొబైల్ బిల్లులోనే ఈ ఖర్చు యాడ్ అవుతుంది. ఈ సర్వీస్ కొనసాగించాలనుకుంటే నెలకు రూ.139 చొప్పున ఛార్జ్ చేస్తారు.

స్పాటిఫై ప్రీమియం ప్రత్యేకతలు ఇవే
సాధారణ యూజర్లతో పోలిస్తే స్పాటిఫై ప్రీమియం సబ్‌స్క్రైబర్లకు బంపర్ బెనిఫిట్స్ ఉంటాయి. ఈ ప్లాట్‌ఫారమ్‌లో 100 మిలియన్లకు పైగా సాంగ్స్ అందుబాటులో ఉన్నాయి. ప్రీమియం యూజర్లు నచ్చిన పాటను షఫుల్ మోడ్‌తో సంబంధం లేకుండా ఏ ఆర్డర్‌లోనైనా ప్లే చేసుకోవచ్చు. దీనితో పాటు హై క్వాలిటీ ఆడియో ప్లేబ్యాక్, ఓన్ లిజనింగ్ క్యూస్ ఆర్గనైజ్ చేసుకోవడం, మన మ్యూజిక్ అలవాట్లను బట్టి స్మార్ట్ ఇన్‌సైట్స్ పొందడం లాంటి ఫీచర్లు ఇందులో లభిస్తాయి.