భార‌త్‌తోపాటు గ్లోబ‌ల్ మార్కెట్‌లో అడుగుపెట్టిన OnePlus 13, OnePlus 13R.. ధ‌ర ఎంతంటే

OnePlus 13, OnePlus 13R హ్యాండ్‌సెట్‌లు భార‌త్‌తోపాటు గ్లోబ‌ల్ మార్కెట్‌లోకి విడుద‌ల‌య్యాయి. తాజా ఈ OnePlus స్మార్ట్ ఫోన్‌లు స్నాప్‌డ్రాగన్ ప్రాసెస‌ర్‌తోపాటు 100W వరకు ఛార్జింగ్ స‌పోర్ట్‌తో 6,000mAh సామ‌ర్థ్యం ఉన్న భారీ బ్యాటరీతో అందుబాటులోకి వ‌చ్చాయి. ఈ రెండు మోడ‌ల్స్‌ 50-మెగాపిక్సెల్ ప్రైమరీ సెన్సార్‌తో కూడిన ట్రిపుల్ వెనుక కెమెరా యూనిట్లను కలిగి ఉన్నాయి. గత ఏడాది అక్టోబర్‌లో OnePlus 13 చైనాలో లాంచ్ అయ్యింది. బ్రాండ్-న్యూ స్నాప్‌డ్రాగన్ 8 ఎలైట్ ప్రాసెస‌ర్‌తో ప్రారంభించిన మొదటి స్మార్ట్ ఫోన్‌ల‌లో ఒక‌టిగా నిలిచింది. OnePlus 13R ఫోన్‌ OnePlus Ace 5 గ్లోబల్ వెర్షన్‌గా క‌నిపిస్తోంది.

మ‌న దేశీయ మార్కెట్‌లో

OnePlus 13 ప్రారంభ ధర 12GB RAM + 256GB స్టోరేజ్ వేరియంట్ రూ. 69,999గా నిర్ణ‌యించారు. అలాగే, 16GB RAM + 512GB, 24GB + 1TB వేరియంట్‌ల ధర వ‌రుస‌గా రూ. 76,999, రూ. 86,999గా ఉన్నాయి. ఇది ఆర్కిటిక్ డాన్, బ్లాక్ ఎక్లిప్స్‌తోపాటు మిడ్‌నైట్ ఓషన్ షేడ్స్‌లో అందుబాటులో ఉన్నాయి. OnePlus 13R ఫోన్‌ 12GB+256GB వెర్షన్ ధ‌ర రూ. 42,999, 16GB+512GB మోడల్ ధ‌ర రూ. 49,999గా ఉన్నాయి. ఆస్ట్రల్ ట్రైల్, నెబ్యులా నోయిర్ కలర్ ఆప్షన్‌ల‌లో అందుబాటులో ఉన్నాయి.

OnePlus 13 స్పెసిఫికేష‌న్స్‌

డ్యూయల్-సిమ్ (నానో)తో OnePlus 13 Android 15-ఆధారిత ఆక్సిజన్‌OS 15.0పై ర‌న్ అవుతోంది. అలాగే, 6.82-అంగుళాల క్వాడ్-HD+ (1,440x3,168 పిక్సెల్‌లు) LTPO 4.1 ProXDR డిస్‌ప్లేతో వ‌స్తోంది. దీని డిస్‌ప్లేలో డాల్బీ విజన్ సపోర్ట్, సిరామిక్ గార్డ్ ప్రొటెక్షన్‌ను అందించారు. ఇది 1TB వరకు UFS 4.0 ఇన్‌బిల్ట్ స్టోరేజీని అందిస్తోంది. ఇది Hasselblad-బ్రాండెడ్ ట్రిపుల్ రియర్ కెమెరా సెటప్‌తో వ‌స్తుంది. ముందు భాగంలో 32-మెగాపిక్సెల్ సోనీ IMX615 కెమెరాతోపాటు ఫోన్‌లో అలర్ట్ స్లైడర్‌ను అమ‌ర్చారు. ఇది అల్ట్రాసోనిక్ ఫింగర్ ప్రింట్ సెన్సార్‌తో వ‌స్తుంది. అలాగే, నాయిస్ క్యాన్సిలేషన్, ORReality ఆడియో సపోర్ట్‌ని కలిగి ఉంటుంది. 162.9x76.5x8.9mm ప‌రిమాణంతో 213 గ్రాముల బ‌రువు ఉంటుంది.

OnePlus 13R స్పెసిఫికేష‌న్స్‌

డ్యూయల్-సిమ్ (నానో)తో OnePlus 13R ఆండ్రాయిడ్ 15లో ఆక్సిజన్ OS 15.0తో ర‌న్ అవుతుంది. 93.9 శాతం స్క్రీన్-టు-బాడీ రేషియో, 450ppi పిక్సెల్ టుడెన్సిటీ పిక్సెల్‌తో 6.78-అంగుళాల ఫుల్‌-HD+ (1,264x2,780 పిక్సెల్‌లు) LTPO డిస్‌ప్లేతో వ‌స్తుంది. డిస్‌ప్లే కార్నింగ్ గొరిల్లా గ్లాస్ 7i ప్రొట‌క్ష‌న్‌తో వ‌స్తుంది. ఇది అండ‌ర్ ది హుడ్ స్నాప్‌డ్రాగన్ 8 Gen 3 ప్రాసెస‌ర్‌తో గరిష్టంగా 16GB RAM, 512GB వరకు ఆన్‌బోర్డ్ స్టోరేజీతో అటాచ్ చేయ‌బ‌డింది. OIS స‌పోర్ట్‌తో 50-మెగాపిక్సెల్ Sony LYT-700 1/1.56-అంగుళాల ప్రైమరీ సెన్సార్ క‌లిగిన ట్రిపుల్ రియర్ కెమెరా సెటప్‌ను అందించారు. సెల్ఫీలు, వీడియో చాట్‌ల కోసం దీనికి ముందు భాగంలో 16-మెగాపిక్సెల్ సెన్సార్‌ను కలిగి ఉంటుంది. ఇన్-డిస్‌ప్లే ఫింగర్‌ప్రింట్ సెన్సార్‌తోపాటు అలెర్ట్‌ స్లయిడర్‌తో వ‌స్తుంది. 161.72x75.8x8.02mm ప‌రిమాణంతో 206 గ్రాముల బరువు ఉంటుంది.