Tecno Pova 8 Pro 5G: బ్యాక్ సైడ్ క్రేజీ డిస్‌ప్లే.. 6500mAh భారీ బ్యాటరీతో టెక్నో కొత్త 5జీ ఫోన్ రచ్చ

Tecno Pova 8 Pro 5G: మొబైల్ ప్రేమికులకు సరికొత్త అనుభూతిని అందించేందుకు టెక్నో సంస్థ రంగంలోకి దిగింది. అత్యాధునిక ఫీచర్లతో టెక్నో పోవా 8 ప్రో 5జీ స్మార్ట్‌ఫోన్‌ను అధికారికంగా విడుదల చేసింది. గతంలో ఎన్నడూ చూడని విధంగా వెనుక వైపు వినూత్నమైన డిజైన్, మినీ ఎల్‌ఈడీ డిస్‌ప్లేతో ఈ డివైజ్ టెక్ ప్రియుల దృష్టిని ఆకర్షిస్తోంది. గేమింగ్ ప్రియులను, రోజంతా ఫోన్ వాడే వారిని దృష్టిలో ఉంచుకుని అత్యంత శక్తివంతమైన హార్డ్‌వేర్‌ను ఈ మోడల్‌లో పొందుపరిచారు. కంపెనీ తన అధికారిక వెబ్‌సైట్‌లో ఈ ఫోన్ వివరాలన్నింటినీ పొందుపరిచి కస్టమర్లలో ఆసక్తిని పెంచేసింది.

చూపు తిప్పుకోనిచ్చే స్టార్‌షిప్ డిజైన్ 
ఈ స్మార్ట్‌ఫోన్ ప్రధాన ఆకర్షణ దీని వెనుక భాగంలో ఉన్న స్టార్‌షిప్ డిజైన్. త్రిభుజాకారంలో ఉండే కెమెరా మాడ్యూల్‌తో పాటు మినీ ఎల్‌ఈడీ డాట్ మ్యాట్రిక్స్ డిస్‌ప్లేను అమర్చారు. వినియోగదారులు ఈ వెనుక డిస్‌ప్లేపై ఏ సమాచారం కనిపించాలో స్వయంగా ఎంచుకునే వెసులుబాటును కంపెనీ కల్పించింది. ముందరి భాగంలో 6.78 ఇంచుల అమోలెడ్ స్క్రీన్ లభిస్తుంది. ఇది 144Hz రిఫ్రెష్ రేట్, 4500 నిట్స్ పీక్ బ్రైట్‌నెస్‌కు సపోర్ట్ చేస్తుంది. స్క్రీన్ రక్షణ కోసం కార్నింగ్ గొరిల్లా గ్లాస్ 7i ప్రొటెక్షన్ ఇచ్చారు.

గేమింగ్ లవర్లకు పండగే 
పనితీరు విషయంలో ఈ ఫోన్ ఏమాత్రం తగ్గలేదు. మీడియాటెక్ డైమెన్సిటీ 7400 ఆల్టిమేట్ ప్రాసెసర్‌తో పాటు 12జీబీ ర్యామ్, 512జీబీ భారీ స్టోరేజ్‌ను ఇచ్చారు. గేమర్స్ కోసం ప్రత్యేకంగా పి1 గ్రాఫిక్స్ చిప్‌ను కూడా అందించడం విశేషం. ఇది 144fps వరకు గేమింగ్ ఫ్రేమ్ రేట్‌ను సులువుగా సపోర్ట్ చేస్తుంది. ఫోన్ వేడెక్కకుండా ఉండేందుకు 5000 స్క్వేర్ మిమీ విస్తీర్ణం కలిగిన వేపర్ ఛాంబర్ కూలింగ్ సిస్టమ్‌ను పొందుపరిచారు. ఆండ్రాయిడ్ 16 ఆధారిత హైఓఎస్ 16తో పనిచేసే ఈ ఫోన్‌కు రెండేళ్ల ఆండ్రాయిడ్ అప్‌డేట్లు, మూడేళ్ల సెక్యూరిటీ ప్యాచులు ఇస్తామని కంపెనీ హామీ ఇచ్చింది.

Flipkart Freedom Sale: ఫ్లిప్ కార్ట్ ఫ్రీడమ్ సేల్ ధమాకా..శామ్‌సంగ్ ఫ్లాగ్‌షిప్ 5జీ ఫోన్‌పై ఊహించని డిస్కౌంట్లు

సూపర్ కెమెరా, కొండంత బ్యాటరీ బ్యాకప్ 
ఫోన్ వెనుక వైపు 50 మెగాపిక్సెల్ ప్రైమరీ కెమెరా ఉంచారు. ఇందులో ల్యాటియా 700సి సెన్సార్ ఉపయోగించారు. ఇది ఆప్టికల్ ఇమేజ్ స్టెబిలైజేషన్ (OIS) సపోర్ట్‌తో వస్తుంది. దీంతో పాటు 8 మెగాపిక్సెల్ అల్ట్రావైడ్ కెమెరా, సెల్ఫీల కోసం 13 మెగాపిక్సెల్ ఫ్రంట్ కెమెరా ఉన్నాయి. ఏకంగా 6500mAh భారీ బ్యాటరీని అమర్చడం ఈ ఫోన్ లో పెద్ద ప్లస్ పాయింట్. ఇది 45W ఫాస్ట్ ఛార్జింగ్, బైపాస్ ఛార్జింగ్, 10W రివర్స్ ఛార్జింగ్‌కు సపోర్ట్ చేస్తుంది. నీరు, ధూళి నిరోధకత కోసం ఐపీ66, ఐపీ68, ఐపీ69 కేటగిరీ రేటింగులు ఇచ్చారు.