iQOO Neo 11 Ultra: ఐకూ నుంచి పవర్ ఫుల్ స్మార్ట్‌ఫోన్..9100mAh బ్యాటరీ.. ఫీచర్లు చూస్తే మైండ్ బ్లాకే

 iQOO Neo 11 Ultra: స్మార్ట్‌ఫోన్ లవర్స్ ఎంతగానో ఎదురుచూస్తున్న అత్యంత శక్తివంతమైన మోడల్ రాకకు ముహూర్తం ఖరారైంది. వివో సబ్ బ్రాండ్ ఐకూ వచ్చే వారంలో సరికొత్త ఐకూ నియో 11 అల్ట్రా స్మార్ట్‌ఫోన్‌ను మార్కెట్లోకి లాంచ్ చేసేందుకు వేగంగా అడుగులు వేస్తోంది. దీనితో పాటు ఐకూ జెడ్11ఎస్ మోడల్‌ను కూడా పరిచయం చేయబోతోంది. ఈ కొత్త ఫోన్‌లో అద్భుతమైన డిస్‌ప్లే, మెరుపు వేగంతో పనిచేసే ప్రాసెసర్, భారీ బ్యాటరీ బ్యాకప్‌ను పొందుపరిచారు. మైక్రోబ్లాగింగ్ ప్లాట్‌ఫారమ్ వేబో వేదికగా కంపెనీ స్వయంగా ఈ ఫోన్ కీలక వివరాలను వెల్లడించడంతో టెక్ వర్గాల్లో సందడి మొదలైంది.

కంటికి ఎంతగానో మేలు చేసే డిస్‌ప్లే టెక్నాలజీ 
ఈ స్మార్ట్‌ఫోన్ ప్రధాన ఆకర్షణ దీని స్క్రీన్ అని చెప్పవచ్చు. ఎఫ్2 ల్యుమినిసెంట్ మెటీరియల్‌తో రూపొందించిన మొదటి డిస్‌ప్లేతో ఈ ఫోన్ వస్తోంది. ఇందులో 2కే రిజల్యూషన్ కలిగిన టచ్‌స్క్రీన్‌ను అందించారు. ఇది 2,000 నిట్స్ పీక్ బ్రైట్‌నెస్‌కు సపోర్ట్ చేస్తుంది. అవుట్‌డోర్‌లో కూడా స్క్రీన్ స్పష్టంగా కనిపించేలా 98 శాతం ఫస్ట్ ఫ్రేమ్ బ్రైట్‌నెస్ రేషియోను ఇచ్చారు. హానికరమైన బ్లూ లైట్ ప్రభావం 5 శాతం కంటే తక్కువగా ఉండేలా డిజైన్ చేశారు. సరికొత్త 'సర్క్యులర్ పొలరైజ్డ్ లైట్ 2.0' ఫీచర్ ద్వారా సూర్యకాంతిలో కూడా కళ్లకు ఎలాంటి శ్రమ లేకుండా సహజమైన లైటింగ్‌ను ఈ డిస్‌ప్లే అందిస్తుంది.

ప్రత్యేకంగా అభివృద్ధి చేసిన చిప్‌సెట్ పవర్!
ఐకూ నియో 11 అల్ట్రా పనితీరు విషయంలో సరికొత్త రికార్డులను తిరగరాసేందుకు సిద్ధమైంది. ఇందుకోసం మీడియాటెక్‌తో కలిసి ప్రత్యేకంగా మీడియాటెక్ డైమెన్సిటీ 9500ఎమ్ చిప్‌సెట్‌ను డెవలప్ చేశారు. నెక్స్ట్ జెనరేషన్ మోన్స్టర్ సూపర్ కోర్ ఇంజిన్ ఈ చిప్‌సెట్‌లో భాగమై ఉంటుంది. ఇది ఫోన్ వేగాన్ని పెంచడమే కాకుండా బ్యాటరీ వినియోగాన్ని గణనీయంగా తగ్గిస్తుందని కంపెనీ ధీమా వ్యక్తం చేస్తోంది. చైనా టెలికామ్ వెబ్‌సైట్ సమాచారం ప్రకారం, ఈ మోడల్ MT6993M నంబర్‌తో లీస్ట్ అయింది. 8జీబీ, 12జీబీ, 16జీబీ ర్యామ్ ఆప్షన్లతో పాటు 256జీబీ, 512జీబీ భారీ స్టోరేజ్ వేరియంట్లలో ఈ ఫోన్ అందుబాటులోకి రానుంది.

Google Pixel 11 Pro xl vs Vivo x300 Ultra vs Samsung Galaxy s26 Ultra: ఏది కొనడం బెస్ట్ ?

9100mAh భారీ బ్యాటరీ, మెటల్ ఫ్రేమ్ లుక్ 
వినియోగదారులను ఎంతగానో ఆకట్టుకునే మరో కీలక అంశం దీని బ్యాటరీ కెపాసిటీ. సాధారణ ఫోన్లతో పోలిస్తే అత్యంత భారీగా ఏకంగా 9100mAh బ్యాటరీని ఈ ఫోన్‌లో అమర్చారు. ఇది ఒకసారి ఛార్జ్ చేస్తే రోజుల తరబడి పనిచేస్తుంది. ఫోన్ వెనుక భాగంలో 3డి ఫ్లోయింగ్ లైట్ ఎఫెక్ట్ డిజైన్‌ను పొందుపరిచారు. మ్యాట్ ఫినిషింగ్‌తో ఉండే మెటల్ ఫ్రేమ్ ఫోన్‌కు ప్రీమియం లుక్‌ను అందిస్తుంది. మూడు విభిన్న ఆకర్షణీయమైన రంగుల్లో ఈ ఫోన్ వినియోగదారులకు లభించనుంది.