iQOO Z10R మోడల్ ధర రూ. 19,498 నుంచి రూ. 17,499 కి పొందవచ్చు

అమెజాన్ గ్రేట్ ఇండియన్ ఫెస్టివల్ సేల్ 2025 ఈ సంవత్సరం సెప్టెంబర్ 23 నుంచి ప్రారంభం కానుంది. యూఎస్ ఆధారిత ఈ-కామర్స్ దిగ్గజం ఈ సేల్‌లో స్మార్ట్‌ఫోన్లు, స్మార్ట్‌వాచ్‌లు, ట్రూ వైర్లెస్ స్టీరియో (TWS) ఇయర్‌బడ్‌లు, ఫ్రిజ్‌లు, వాషింగ్ మెషీన్లు, పీసీలు, ల్యాప్‌టాప్‌లు, స్మార్ట్ హోమ్ అప్లయెన్సెస్ వంటి పలు ఎలక్ట్రానిక్ ఉత్పత్తులపై భారీ డిస్కౌంట్లు, క్యాష్‌బ్యాక్ ఆఫర్లు, ఎక్స్ఛేంజ్ బోనస్‌లు, వడ్డీ లేని EMI ఆప్షన్లు అందించనుంది. సేల్ ప్రారంభానికి ముందు, వివో సబ్-బ్రాండ్ iQOO తన స్మార్ట్‌ఫోన్‌లపై ఆఫర్లను అధికారికంగా ప్రకటించింది. ఇందులో బ్రాండ్ ఫ్లాగ్‌షిప్ iQOO 13 కూడా ఉంది.

ఈ సేల్‌లో iQOO స్మార్ట్‌ఫోన్ కొనుగోలు చేసే కస్టమర్లు గరిష్టంగా రూ. 4,000 వరకు ఆదా చేసుకోవచ్చు. ఈ డిస్కౌంట్లు కేవలం అమెజాన్‌ లోనే కాకుండా iQOO అధికారిక ఆన్‌లైన్ స్టోర్‌లో కూడా అందుబాటులో ఉంటాయని కంపెనీ తెలిపింది.

అంతేకాదు, ఎంపిక చేసిన హ్యాండ్‌సెట్‌లపై వడ్డీ లేని EMI ఆప్షన్లు కూడా అందిస్తున్నట్లు iQOO ప్రకటించింది. ఉదాహరణకు, iQOO Z10R, iQOO Z10, iQOO Neo 10R లేదా iQOO Neo 10 కొనుగోలు చేసే వారికి మూడు లేదా ఆరు నెలల నో-కాస్ట్ EMI ఆప్షన్ లభిస్తుంది. ఇక ఫ్లాగ్‌షిప్ iQOO 13 కొనుగోలు చేసే వారికి మూడు, ఆరు లేదా తొమ్మిది నెలల వడ్డీ లేని EMI ఆప్షన్లు అందుబాటులో ఉంటాయి.

సెప్టెంబర్ 23 నుంచి ప్రారంభమయ్యే ఈ అమెజాన్ గ్రేట్ ఇండియన్ ఫెస్టివల్ సేల్‌లో, ప్రైమ్ మెంబర్‌షిప్ ఉన్నా లేకపోయినా, కస్టమర్లు ఈ iQOO బెస్ట్ డీల్స్‌ను పొందవచ్చు. కొత్త ఫోన్ కోసం ఎదురు చూస్తున్నవారికి ఇది మంచి అవకాశం కావొచ్చు. iQOO Z10 Lite మోడల్ అసలు ధర రూ. 9,998 ఉండగా ఇప్పుడు రూ. 8,999 కి లభిస్తోంది. iQOO Z10x ని రూ. 13,498 నుంచి రూ. 11,999 కి తగ్గించారు. iQOO Z10R మోడల్ ధర రూ. 19,498 నుంచి రూ. 17,499 కి, iQOO Z10 ని రూ. 21,998 నుంచి రూ. 18,999 కి అందిస్తున్నారు.

పవర్ యూజర్ల కోసం ఉన్న iQOO Neo 10R ని రూ. 26,999 బదులు రూ. 23,999 కి, iQOO Neo 10 ని రూ. 33,998 నుంచి రూ. 29,999 కి కొనుగోలు చేయవచ్చు. బ్రాండ్ ఫ్లాగ్‌షిప్ iQOO 13 కూడా తగ్గింపు ధరలోనే లభిస్తోంది – దీని ధర రూ. 54,998 నుంచి రూ. 50,999 కి తగ్గించబడింది. iQOO మోడల్ కొనాలి అని ఎదురుచూస్తున్న కస్టమర్లు ఈ అద్భుతమైన అవకాశాన్ని సద్వినియోగం చేసుకొని స్మార్ట్ ఫోన్ ని సొంతం చేసుకోవచ్చు.