Earbuds : మ్యూజిక్ లవర్స్‌కు పండగే.. రూ.5,000 లోపు అదిరిపోయే ఫీచర్లున్న టాప్-5 ఇయర్‌బడ్స్ ఇవే

 Earbuds :  ప్రస్తుతం భారత ఆడియో మార్కెట్లో వైర్‌లెస్ ఇయర్‌బడ్స్ క్రేజ్ విపరీతంగా పెరిగిపోయింది. ఒకప్పుడు కేవలం ప్రీమియం ఇయర్‌బడ్స్‌లో మాత్రమే కనిపించే యాక్టివ్ నాయిస్ క్యాన్సిలేషన్, హై-రెస్ ఆడియో, లాంగ్ బ్యాటరీ లైఫ్, మల్టీ-డివైజ్ కనెక్టివిటీ వంటి అధునాతన ఫీచర్లు ఇప్పుడు రూ.5,000 లోపు బడ్జెట్ సెగ్మెంట్‌లోనే లభిస్తున్నాయి. మార్కెట్లో పోటీ పెరగడంతో ఒరిజినల్ సౌండ్ క్వాలిటీ, సూపర్ గేమ్ మోడ్స్‌తో విభిన్న బ్రాండ్లు కస్టమర్లను ఆకట్టుకుంటున్నాయి. మీ బడ్జెట్ ఐదు వేల లోపు ఉండి.. బెస్ట్ ఇయర్‌బడ్స్ కొనాలని ప్లాన్ చేస్తుంటే, ప్రస్తుతం ట్రెండింగ్‌లో ఉన్న టాప్-5 ఇయర్‌బడ్స్ వివరాలు మీకోసం.  

1. ఒప్పో ఎన్కో బడ్స్ 3 ప్రో+ 
తక్కువ ధరలో అన్ని రకాల ప్రీమియం ఫీచర్లు కావాలనుకునే వారికి ఒప్పో ఎన్కో బడ్స్ 3 ప్రో+ ఒక అద్భుతమైన ఎంపిక. ఇందులో 12.4mm డైనమిక్ డ్రైవర్లను అమర్చారు. ఇది 32dB వరకు యాక్టివ్ నాయిస్ క్యాన్సిలేషన్‌ను (ANC) సపోర్ట్ చేస్తుంది, దీనివల్ల బయట ఉండే ట్రాఫిక్ లేదా అనవసర శబ్దాలు మనకు వినబడవు.
బ్యాటరీ & ప్రత్యేకత: బ్లూటూత్ 5.4 కనెక్టివిటీ ఉన్న ఈ బడ్స్.. కేస్ సహాయంతో ఏకంగా 43 గంటల సుదీర్ఘ బ్యాటరీ లైఫ్‌ను అందిస్తుంది. కేవలం 10 నిమిషాల పాటు ఛార్జ్ చేస్తే చాలు.. 11 గంటల పాటు నాన్‌స్టాప్‌గా వాడుకోవచ్చు. దీనికి IP55 వాటర్ రెసిస్టెన్స్ రేటింగ్ కూడా ఉంది.
ధర: భారత మార్కెట్లో దీని ప్రస్తుత ధర కేవలం రూ.2,999 మాత్రమే.

2. గోబోల్ట్ టెనెట్ 
చాలా తక్కువ బడ్జెట్‌లో గేమింగ్, అదిరిపోయే బ్యాటరీ లైఫ్ ఆశించే వారికి గోబోల్ట్ టెనెట్ పక్కాగా సూట్ అవుతుంది. ఇందులో 13mm భారీ డైనమిక్ డ్రైవర్లు ఉన్నాయి. క్లియర్ వాయిస్ కాల్స్ కోసం ఇందులో ఎన్విరాన్‌మెంటల్ నాయిస్ క్యాన్సిలేషన్ టెక్నాలజీతో కూడిన నాలుగు మైక్రోఫోన్లను ఇచ్చారు.
బ్యాటరీ & గేమింగ్: ఈ ఇయర్‌బడ్స్ ఏకంగా 75 గంటల టోటల్ బ్యాటరీ లైఫ్‌ను అందిస్తూ ఈ సెగ్మెంట్‌లోనే రికార్డు సృష్టిస్తోంది. ఇందులో అల్ట్రా-లో లేటెన్సీ గేమింగ్ మోడ్, డ్యూయల్-డివైజ్ కనెక్టివిటీ (ఒకేసారి రెండు ఫోన్లకు కనెక్ట్ చేసుకునే వీలు) ఉన్నాయి.
ధర: మార్కెట్లో దీని ధర కేవలం రూ.1,499 గా ఉంది.

3. జేబీఎల్ వేవ్ బీమ్ 2  
ఆడియో రంగంలో జేబీఎల్ బ్రాండ్‌కు ఉన్న క్రేజ్ గురించి ప్రత్యేకంగా చెప్పక్కర్లేదు. జేబీఎల్ వేవ్ బీమ్ 2 ఇయర్‌బడ్స్ 8mm డైనమిక్ డ్రైవర్లతో వస్తాయి. ఇందులో యాక్టివ్ నాయిస్ క్యాన్సిలేషన్‌తో పాటు చుట్టుపక్కల శబ్దాలను కూడా గమనించేందుకు వీలుగా స్మార్ట్ యాంబియంట్ మోడ్‎ను కూడా ఇచ్చారు.
ఫీచర్లు & బ్యాటరీ: వాయిస్ కాల్స్ కోసం క్వాడ్-మైక్రోఫోన్ సిస్టమ్, గూగుల్ ఫాస్ట్ పెయిర్, మల్టీ-పాయింట్ కనెక్టివిటీ ఫీచర్లు ఇందులో ఉన్నాయి. ఇది పూర్తిగా 40 గంటల బ్యాటరీ లైఫ్‌ను ఇస్తుంది. ధూళి, నీటి చినుకుల నుంచి రక్షణ కోసం IP54 రేటింగ్‌తో వస్తుంది.
ధర: భారత మార్కెట్లో దీని ధర రూ.2,999 గా నిర్ణయించబడింది.

4. రియల్‌మి బడ్స్ ఎయిర్ 8 
ఫీచర్ల పరంగా రియల్‌మి బడ్స్ ఎయిర్ 8 మార్కెట్‌ను షేక్ చేస్తోంది. ఇందులో 11mm, 6mm లతో కూడిన శక్తివంతమైన డ్యూయల్-డ్రైవర్ సెటప్‌ను ఇచ్చారు. ఇది హై-రెస్ ఆడియో సర్టిఫికేషన్‌తో పాటు ఏకంగా 55dB వరకు అత్యుత్తమ యాక్టివ్ నాయిస్ క్యాన్సిలేషన్‌ను అందిస్తుంది. దీని త్రీడీ స్పేషియల్ ఆడియో మనకు థియేటర్ లాంటి ఫీలింగ్‌ను ఇస్తుంది.
స్మార్ట్ ఫీచర్లు: ఇందులో గూగుల్ జెమిని ఆధారిత వాయిస్ అసిస్టెన్స్, రియల్-టైమ్ ఏఐ ట్రాన్స్‌లేషన్ వంటి అడ్వాన్స్‌డ్ ఫీచర్లు ఉన్నాయి. బ్లూటూత్ 5.4, ట్రిపుల్-డివైజ్ కనెక్టివిటీ ఉన్న ఈ బడ్స్ 58 గంటల ప్లేబ్యాక్‌ను అందిస్తాయి.
ధర: ఈ అధునాతన ఇయర్‌బడ్స్ ధర రూ.3,799 గా ఉంది.

5. వన్‌ప్లస్ నార్డ్ బడ్స్ 4 ప్రో  
ప్రీమియం లుక్, అల్టిమేట్ సౌండ్ క్వాలిటీ కోరుకునే వారి కోసం వన్‌ప్లస్ నార్డ్ బడ్స్ 4 ప్రో సిద్ధంగా ఉంది. ఇందులో 12mm టైటానియం-కోటెడ్ డైనమిక్ డ్రైవర్లను అమర్చారు. ఇది 55dB యాక్టివ్ నాయిస్ క్యాన్సిలేషన్, స్పేషియల్ ఆడియోను సపోర్ట్ చేస్తుంది. ఏఐ నాయిస్ రిడక్షన్ సిస్టమ్‌తో కూడిన 6 మైక్రోఫోన్లు ఇందులో ఉండటం విశేషం.
కనెక్టివిటీ & బ్యాటరీ: ఈ ఇయర్‌బడ్స్ అత్యంత లేటెస్ట్,  ఫాస్ట్ అయిన బ్లూటూత్ 6.0 టెక్నాలజీతో వస్తాయి. ఇది కేస్‌తో కలిపి 54 గంటల బ్యాటరీ లైఫ్‌ను ఇస్తుంది. స్మార్ట్ టచ్ కంట్రోల్స్, ఐపీ55 రేటింగ్ దీని సొంతం.
ధర: వన్‌ప్లస్ అభిమానుల కోసం ఈ ప్రీమియం బడ్స్ ధర రూ.3,999 గా అందుబాటులో ఉంది.