OPPO Find X9 Ultraను ముందుగా చైనాలో Q2 ప్రారంభంలో లాంచ్ చేయనున్నారు.

ఇటీవల మార్కెట్లో ఎన్నో శక్తివంతమైన స్మార్ట్ఫోన్లు వచ్చాయి. కానీ ఇప్పుడు OPPO మరోసారి ప్రమాణాలను మరింత ఎత్తుకు తీసుకెళ్లేందుకు సిద్ధమవుతోంది. మా నమ్మకమైన ఇండస్ట్రీ ఇన్సైడర్ యోగేష్ బ్రార్ అందించిన ప్రత్యేక సమాచారం, రెండర్స్ ఆధారంగా OPPO యొక్క తదుపరి ఫ్లాగ్షిప్ ఫోన్ OPPO Find X9 Ultra పై స్పష్టమైన అవగాహన లభించింది. Find X9 Ultra డిజైన్ చూస్తే OPPO ఈసారి సాధారణ గ్లాస్ స్లాబ్లకు భిన్నంగా ఆలోచించినట్టు తెలుస్తోంది. రెట్రో టచ్తో పాటు రగ్గ్డ్, ప్రీమియమ్ లుక్ను కలిపి ఈ ఫోన్ను డిజైన్ చేశారు. డ్యూయల్-టోన్ ఫినిష్తో వచ్చే ఈ మోడల్ గ్లాస్, మెటల్, ఫాక్స్ లెదర్ మేళవింపుతో ప్రత్యేకంగా కనిపిస్తుంది. సాధారణ ఆల్-గ్లాస్ వేరియంట్ కూడా ఉంటుందని సమాచారం.

యోగేష్ బ్రార్ వెల్లడించిన వివరాల ప్రకారం, ఈ ఫోన్ కనీసం మూడు కలర్ ఆప్షన్లలో లాంచ్ కానుంది. క్లాసిక్ ఆల్-బ్లాక్, ఆకర్షణీయమైన ఆరెంజ్, అలాగే ఎర్తీ బ్రౌన్ డ్యూయల్-టోన్ కలర్లు ఇందులో ఉంటాయి. ఇవి కాకుండా మరికొన్ని రంగులు కూడా లాంచ్ సమయంలో రావొచ్చని అంచనా. ముఖ్యంగా డ్యూయల్-టోన్ మోడళ్లలో పాత పాయింట్-అండ్-షూట్ కెమెరా స్టైల్ను గుర్తు చేసే రెట్రో లుక్ స్పష్టంగా కనిపిస్తుంది. లీక్ల ప్రకారం OPPO Find X9 Ultraలో 6.82 అంగుళాల భారీ 2K AMOLED ఫ్లాట్ డిస్ప్లే ఉంటుంది. 120Hz రిఫ్రెష్ రేట్తో ఈ స్క్రీన్ మల్టీమీడియా అనుభవాన్ని కొత్త స్థాయికి తీసుకెళ్తుంది. Snapdragon 8 Elite Gen 5 చిప్సెట్తో పనిచేసే ఈ ఫోన్, Android 16 ఆధారిత ColorOS 16పై రన్ అవుతుంది. అంతేకాదు, 7,300mAh భారీ బ్యాటరీతో పాటు ఫాస్ట్ వైర్డ్, వైర్లెస్ ఛార్జింగ్ సపోర్ట్ కూడా ఉండనుంది.

OPPO ఎప్పటినుంచో కెమెరాలకు ప్రాధాన్యం ఇస్తోంది. Find X9 Ultra ఈ విషయంలో మరింత

ముందడుగు వేసింది. 200MP Sony LYT-901 ప్రధాన కెమెరా, 50MP అల్ట్రా-వైడ్ లెన్స్ ఇందులో ఉన్నాయి. అసలు ప్రత్యేకత డ్యూయల్ టెలిఫోటో సెటప్. 3X ఆప్టికల్ జూమ్తో 200MP సెన్సార్, 10X ఆప్టికల్ జూమ్తో 50MP లెన్స్, అదనంగా 13.2X ఆప్టికల్ జూమ్ అందించే టెలిఫోటో ఎక్స్టెండర్ ఈ ఫోన్ను ఫోటోగ్రఫీ పరంగా ప్రత్యేకంగా నిలబెడతాయి. ముందు వైపు 50MP సెల్ఫీ కెమెరా కూడా ఉంది.
OPPO Find X9 Ultraను ముందుగా చైనాలో Q2 ప్రారంభంలో లాంచ్ చేయనున్నారు. ఆ తర్వాత భారతదేశంతో పాటు గ్లోబల్ మార్కెట్లలో కూడా ఈ ఫ్లాగ్షిప్ అందుబాటులోకి వచ్చే అవకాశం ఉంది. డిజైన్, స్పెసిఫికేషన్స్, కెమెరా పరంగా చూస్తే ఇది నిజంగా OPPO నుంచి వచ్చే ఒక పవర్ఫుల్ స్టేట్మెంట్గా చెప్పొచ్చు.