నాలుగు స్టోరేజ్ ఆప్ష‌న్‌ల‌లో Realme 15 5G హ్యాండ్‌సెట్ అందుబాటులోకి.. నివేదిక‌లు ఏం చెబుతున్నాయంటే

Realme తాజా బడ్జెట్ ఫోన్ Realme 15 5G ని మన దేశంలో విడుదల చేసేందుకు సన్నాహాలు చేస్తున్నట్లు తెలుస్తోంది. ఇది 45W ఫాస్ట్ ఛార్జింగ్ సపోర్ట్ తో 6300mAh భారీ బ్యాటరీతో రానున్నట్లు ఓ నివేదిక ఆధారంగా బహిర్గతం అయ్యింది. అంతే కాదు, దీనికి సంబంధించిన కలర్ ఆప్షన్లతోపాటు RAM, స్టోరేజీ సామర్థ్యం వంటి వివరాలు వెల్లడి అయ్యాయి. ఈ Realme 15 5G గతంలో వచ్చిన Realme 14 5Gకి కొనసాగింపుగా రానుంది. తాజాగా లిక్ అయిన దీని ఫీచ‌ర్స్ తోపాటు ధరల వివరాలను చూద్దాం.మూడు కలర్ ఆప్షన్ ల‌లో,91Mobiles నివేదిక ప్రకారం.. రాబోయే Realme 15T 5G మన దేశంలో RMX5106 మోడల్ నెంబర్లో విడుదల కానుంది. ఇది 8GB + 128GB, 8GB + 256GB, 12GB + 256GB, 12GB + 512GB మొత్తం నాలుగు స్టోరేజీ వేరియంట్లలో లభించనుంది. అయితే, వీటి ధరలు రూ. 18,000 నుంచి రూ. 20,000 మద్య ఉంటే అవకాశాలు ఉన్నట్లు మార్కెట్ వర్గాలు అంచనా వేస్తున్నాయి. ఈ స్మార్ట్ ఫోన్ సిల్స్ పింక్, ఫ్లోయింగ్ సిల్వర్, వెల్వెట్ గ్రీన్ అనే మూడు కలర్ ఆప్షన్ ల‌లో లభించనుంది.6300mAh బ్యాట‌రీతో,ఈ నివేదిక ప్ర‌క‌రాం, కొత్త Realme 15T 5G ఫోన్ స్పాప్‌డ్రాగ‌న్ 7 జెన్ 4 ప్రాసెస‌ర్‌ను అందిస్తున్న‌ట్లు ప్ర‌చారం జ‌రుగుతోంది. ఈ ప్రాసెస‌ర్ వేగవంత‌మైన ప‌ని తీరును క‌న‌బ‌రుస్తుంద‌ని చెబుతున్నారు. అలాగే, ఇది 45 W ఫాస్ట్ ఛార్జింగ్ స‌పోర్ట్‌తో 6300mAh బ్యాట‌రీతో రూపొందించ‌బ‌డుతోంది. దీని ఆక‌ర్ష‌ణీయ‌మైన క‌ల‌ర్ ఆప్ష‌న్ లు అమ్మ‌కాల‌ను మ‌రింత పెంచుతాయ‌ని కంపెనీ గ‌ట్టి న‌మ్మ‌కంతో ఉన్న‌ట్లు మార్కెట్ వ‌ర్గాలు చెబుతున్నాయి.

ట్రిపుల్ రియ‌ల్ కెమెరా యూనిట్

రాబోయే స్మార్ట్ ఫోన్ డిస్‌ప్లే విష‌యానికి వ‌స్తే, దీనికి 120 హెచ్‌జెడ్ రిఫ్రెష్ రేట్‌తో ఫ్లాట్ AMOLED డిస్‌ప్లేను అందించే అవ‌కాశాలు ఉన్న‌ట్లు అంచ‌నా. అలాగే, ఈ హ్యాండ్‌సెట్ ట్రిపుల్ రియ‌ల్ కెమెరా యూనిట్ తో వ‌చ్చే అవ‌కాశాలు ఉన్న‌ట్లు అభిప్రాయ‌ప‌డుతున్నారు. దీనిలో ఓఐఎస్ తో కూడిన 50 మెగాపిక్సెల్ మెయిన్ కెమెరాను అందించ‌నున్నారు. దీంతో పాటు ఈ ఫోన్ ముందు భాగంలో 32 మెగాపిక్సెల్ సెల్ఫీ కెమెరా కూడా క‌లిగి ఉంటుంది.

Realme 14 5Gతో పోల్చి చూస్తే

మొత్తంగా రాబోయే ఈ Realme 15 5G ఫోన్ గ‌త మార్చి నెల‌లో వ‌చ్చిన Realme 14 5Gతో పోల్చి చూస్తే, పూర్తి అప్‌గ్రేడ్‌ల‌లో రానున్న‌ట్లు అంచ‌నా. Realme 14 మోడ‌ల్ స్నాప్‌డ్రాగ‌న్ 6 జెన్ 4 ప్రాసెస‌ర్‌తో అందుబాటులోకి వ‌చ్చింది. అలాగే, ఇది 45 W ఫాస్ట్ ఛార్జింగ్ స‌పోర్ట్‌తో 6000mAh బ్యాట‌రీని క‌లిగి ఉంది. 6.67 అంగుళాల ఫుల్ హెచ్‌డీ+ డిస్‌ప్లే, 50 మెగాపిక్స‌ల్ ప్ర‌ధాన కెమెరా, 16 మెగాపిక్సెల్ సెల్ఫీ కెమెరాతో ఈ స్మార్ట్ ఫోన్‌ మార్కెట్‌లోకి వ‌చ్చింది.