Realme : భారత మార్కెట్లోకి రియల్‌మి సరికొత్త 5G ఫోన్.. అధికారిక టీజర్ విడుదల చేసిన కంపెనీ

Realme : ప్రముఖ చైనా హ్యాండ్‌సెట్ తయారీ సంస్థ రియల్‌మి భారతీయ స్మార్ట్‌ఫోన్ ప్రియులను ఆకట్టుకునేందుకు మరో సరికొత్త 5G మొబైల్‌ను సిద్ధం చేసింది. మిడ్-బడ్జెట్ సెగ్మెంట్‌లో మంచి గుర్తింపు తెచ్చుకున్న నార్జో సిరీస్‌ను మరింత విస్తరిస్తూ రియల్‌మి నార్జో 100ఎక్స్ 5G మోడల్‌ను త్వరలోనే లాంచ్ చేయబోతున్నట్లు కంపెనీ అధికారికంగా ప్రకటించింది. ఈ మేరకు కంపెనీ తన సోషల్ మీడియా ఛానెళ్ల ద్వారా ఒక ప్రత్యేకమైన ప్రమోషనల్ ఇమేజ్‌ను షేర్ చేయడంతో పాటు, భారతదేశ అధికారిక వెబ్‌సైట్‌లో ఈ అప్‌కమింగ్ ఫోన్ కోసం ఒక ప్రత్యేకమైన  మైక్రోసైట్ ని కూడా లైవ్ చేసింది. ఈ టీజర్ ద్వారా ఈ స్మార్ట్‌ఫోన్ అతి త్వరలోనే భారత మార్కెట్లోకి అడుగుపెట్టబోతున్నట్లు స్పష్టమైంది.

 స్పెసిఫికేషన్లపై కొనసాగుతున్న సస్పెన్స్ 
కంపెనీ విడుదల చేసిన తాజా టీజర్ పోస్టర్ ప్రకారం.. ఈ సరికొత్త రియల్‌మి నార్జో 100ఎక్స్ 5G స్మార్ట్‌ఫోన్ వెనుక భాగంలో ఆకర్షణీయమైన రెక్టాంగులర్ కెమెరా మాడ్యూల్‌ను అందించారు. ఇందులో ఎల్‌ఈడీ ఫ్లాష్ లైట్‌తో కూడిన డ్యూయల్ రేర్ కెమెరా సిస్టమ్ ఉండబోతున్నట్లు డిజైన్ ద్వారా తెలుస్తోంది. అయితే, ఈ ఫోన్ లాంచ్ తేదీని కానీ, దీని పూర్తి స్పెసిఫికేషన్లు, ఫీచర్ల వివరాలను కానీ రియల్‌మి సంస్థ ఇంకా అధికారికంగా వెల్లడించలేదు. రాబోయే రోజుల్లో ఈ ఫోన్ ధర, ఫీచర్లకు సంబంధించిన మరిన్ని వివరాలు బయటకు వచ్చే అవకాశం ఉంది.

ఇటీవలే లాంచ్ అయిన నార్జో 100 లైట్ 5G ఫీచర్లు ఇవే 
ఈ కొత్త ఫోన్ రాకకంటే ముందే రియల్‌మి సంస్థ మనదేశంలో  రియల్‌మి నార్జో 100 లైట్ 5G మోడల్‌ను గ్రాండ్‌గా లాంచ్ చేసిన సంగతి తెలిసిందే. ఈ బడ్జెట్ ఫ్రెండ్లీ స్మార్ట్‌ఫోన్ మొత్తం మూడు వేరియంట్లలో లభిస్తోంది. అందులో 4GB రామ్ + 64GB స్టోరేజ్, 4GB రామ్ + 128GB స్టోరేజ్, 6GB రామ్ + 128GB స్టోరేజ్ మోడళ్లు ఉన్నాయి. ఈ ఫోన్ కొనాలనుకునే వారికి ఫ్రాస్ట్ సిల్వర్, థండర్ బ్లాక్ అనే రెండు కలర్ ఆప్షన్లు అందుబాటులో ఉన్నాయి. ఫీచర్ల విషయానికొస్తే.. ఇందులో 144 Hz హై రిఫ్రెష్ రేట్, 180 Hz టచ్ శాంప్లింగ్ రేట్, 900 నిట్స్ పీక్ బ్రైట్‌నెస్ సపోర్ట్ చేసే భారీ 6.9 ఇంచుల ఎల్‌సీడీ డిస్‌ప్లేను అమర్చారు. ఈ ఫోన్ పర్ఫార్మెన్స్ కోసం మీడియాటెక్ డిమెన్సిటీ 6300 ప్రాసెసర్‌ను ఉపయోగించారు.

 కూలింగ్ సిస్టమ్‌తో అదిరిపోయే కెమెరా 
నార్జో 100 లైట్ 5G కెమెరా విభాగం విషయానికి వస్తే.. దీని వెనుక వైపు 13 మెగాపిక్సెల్ ప్రైమరీ కెమెరాతో కూడిన డ్యూయల్ సెటప్ ఉంది. అలాగే సెల్ఫీలు, వీడియో కాల్స్ కోసం ముందు భాగంలో 5 మెగాపిక్సెల్ కెమెరాను ఇచ్చారు. ఈ స్మార్ట్‌ఫోన్‌లో అమర్చిన 7,000 mAh భారీ బ్యాటరీ దీనికి ప్రధాన ఆకర్షణగా నిలిచింది. ఇది 15W వైర్డ్ ఫాస్ట్ ఛార్జింగ్‌తో పాటు రివర్స్ వైర్డ్ ఛార్జింగ్, గేమింగ్ ప్రియుల కోసం బ్యాటరీని బైపాస్ చేస్తూ నేరుగా మదర్‌బోర్డుకు పవర్ అందించే బైపాస్ ఛార్జింగ్ ఫీచర్‌ను కూడా సపోర్ట్ చేస్తుంది. ఫోన్ హీట్ ఎక్కకుండా ఉండేందుకు ఇందులో వేపర్ చాంబర్ కూలింగ్ సిస్టమ్ టెక్నాలజీని కూడా జోడించారు.


Samsung : మార్కెట్లోకి శామ్‌సంగ్ సరికొత్త 5G ఫోన్.. గీక్‌బెంచ్‌లో లీకైన గెలాక్సీ M67 ఫీచర్లు

మార్కెట్లో దూసుకెళ్తున్న రియల్‌మి P4x 
నార్జో సిరీస్‌తో పాటు రియల్‌మి గతేడాది తన P సిరీస్‌లో భాగంగా రియల్‌మి P4x స్మార్ట్‌ఫోన్‌ను కూడా ఇండియన్ మార్కెట్లోకి తెచ్చింది. తక్కువ బడ్జెట్‌లో మంచి ఫీచర్లు కోరుకునే వారిని టార్గెట్ చేస్తూ వచ్చిన ఈ ఫోన్‌లో 120 Hz రిఫ్రెష్ రేట్ కలిగిన 6.8 ఇంచుల HD+ LCD డిస్‌ప్లేను అందించారు. ఈ మొబైల్ వేగవంతమైన పనితీరు కోసం  యునిసోక్ T7250 ప్రాసెసర్‌ను ఉపయోగించారు. ఇక కెమెరా పరంగా ఇందులో ఆటోఫోకస్ ఫీచర్ ఉన్న 50 మెగాపిక్సెల్ మెయిన్ రేర్ కెమెరా, ముందు భాగంలో 5 మెగాపిక్సెల్ సెల్ఫీ షూటర్ ఉన్నాయి. మొత్తానికి సరికొత్త డిజైన్లతో వస్తున్న నార్జో 100 సిరీస్ ఫోన్లు భారతీయ మొబైల్ మార్కెట్లో శామ్‌సంగ్, రెడ్‌మి బ్రాండ్లకు గట్టి పోటీ ఇవ్వనున్నాయి.