జనవరి 22న Samsung Galaxy Unpacked 2025 ఈవెంట్‌.. కొత్త Galaxy S సిరీస్ లాంచ్ టీజ్

దక్షిణ కొరియా టెక్నాలజీతో కూడిన ఇది మొబైల్ ఆర్టిఫిషియల్ ఇంటెలిజెన్స్ (AI) అనుభవాలలో బిగ్ లీప్‌ను అందిస్తుంది. మ‌న దేశంలో కూడా Samsung ఫోన్‌ల కోసం ప్రీ-రిజర్వేషన్‌లను అందుబాటులో ఉంచింది

Written by నవీకరించబడింది: 8 జనవరి 2025 13:29 IST

జనవరి 22న Samsung Galaxy Unpacked 2025 ఈవెంట్‌.. కొత్త Galaxy S సిరీస్ లాంచ్ టీజ్

Photo Credit: Samsung

Samsung Galaxy S25 సిరీస్ గెలాక్సీ అన్‌ప్యాక్డ్ 2025లో ప్రకటించబడుతుందని ఊహించబడింది

ముఖ్యాంశాలు

AR, VR, AIతో కూడిన ప్రాజెక్ట్ Moohan XR హెడ్‌సెట్ కూడా ప్రారంభించ‌వ‌చ్చు
రూ. 1,999 చెల్లించి కస్టమర్లు తమ స్పాట్‌ను ప్రీ-రిజర్వ్ చేసుకోవచ్చు
Galaxy S25, S25+, టాప్-ఆఫ్-ది-లైన్ Galaxy S25 అల్ట్రా మూడు మోడళ్లను ప్ర‌క

ప్రకటన

Samsung Galaxy Unpacked 2025 ఈ నెలాఖరులో కాలిఫోర్నియాలోని శాన్ జోస్‌లో నిర్వహించబడుతుందని కంపెనీ ప్ర‌క‌టించింది. ఈ వార్షిక ఈవెంట్ న్యూ జ‌న‌రేష‌న్‌ గెలాక్సీ S సిరీస్‌కు గుర్తుగా Galaxy S25 సిరీస్ అని చెప్ప‌బ‌డుతుంద‌ని భావిస్తున్నారు. దక్షిణ కొరియా టెక్నాలజీతో కూడిన ఇది మొబైల్ ఆర్టిఫిషియల్ ఇంటెలిజెన్స్ (AI) అనుభవాలలో బిగ్ లీప్‌ను అందిస్తుంది. మ‌న దేశంలో కూడా Samsung ఫోన్‌ల కోసం ప్రీ-రిజర్వేషన్‌లను అందుబాటులో ఉంచింది.

జనవరి 22న కార్య‌క్ర‌మం

కంపెనీ నుంచి త‌న‌ రాబోయే Galaxy Unpacked 2025 వివరాలను Samsung ఒక న్యూస్‌రూమ్ పోస్ట్‌లో వెల్ల‌డించింది. ఈ కార్య‌క్ర‌మం జనవరి 22న కాలిఫోర్నియాలోని శాన్ జోస్‌లో జ‌ర‌గ‌నుంది. ఈ ఈవెంట్ Samsung.com, Samsung న్యూస్‌రూమ్, కంపెనీ అధికారిక YouTube ఛానెల్‌లో ప్రత్యక్ష ప్రసారం చేయబడుతుంది. అలాగే, రూ. 1,999 చెల్లించి కస్టమర్లు తమ స్పాట్‌ను ప్రీ-రిజర్వ్ చేసుకోవచ్చని కంపెనీ వెల్ల‌డించింది. గెలాక్సీ ప్రీ-రిజర్వ్ VIP పాస్‌ను పొందేందుకు, రాబోయే Galaxy ఫోన్‌లను కొనుగోలు చేసేటప్పుడు e-Store వోచర్ ద్వారా రూ. 5,000 విలువైన ప్రయోజనాలను పొంద‌వ‌చ్చు.

మునుపటి ట్రెండ్‌ల మాదిరిగానే

Samsung Galaxy Unpacked 2025 ఈవెంట్‌లో తన కొత్త Galaxy S సిరీస్‌ను ప్రారంభిస్తుందని ఇప్పటికే స్ప‌ష్టం చేసింది. మునుపటి ట్రెండ్‌ల మాదిరిగానే Galaxy S25, Galaxy S25+, టాప్-ఆఫ్-ది-లైన్ Galaxy S25 అల్ట్రా అనే మూడు మోడళ్లను ప్రకటించే అవకాశం ఉంది. ఇందులో అన్ని వేరియంట్‌లు కూడా క్వాల్‌కామ్ స్నాప్‌డ్రాగన్ 8 ఎలైట్ ప్రాసెస‌ర్‌ ద్వారా 12GB RAMతో అందించ‌బ‌డ‌తాయ‌ని అంచ‌నా వేస్తున్నారు.

లీకైన రెండర్‌లు ద్వారా

స్టాండర్డ్ గెలాక్సీ S25 మోడల్‌లో 4,000mAh బ్యాటరీ అందించ‌నున్న‌ట్లు భావిస్తున్నారు. అలాగే, ప్లస్, అల్ట్రా వేరియంట్‌లు వరుసగా 4,900mAh, 5,000mAh సెల్‌లలో రావచ్చు. గ‌తంలో Samsung అల్ట్రా మోడల్ అంటేనే బాక్సీ డిజైన్ గుర్తుకువ‌చ్చేది. తాజాగా ఈ డిజైన్‌ను తొలగించే అవకాశం ఉందని, రాబోయే Galaxy S25 Ultra గుండ్రని మూలలతో రావచ్చని లీకైన రెండర్‌లు ద్వారా తెలుస్తోంది. మిగిలిన రెండు మోడల్‌లు ఎలాంటి మార్పులేని డిజైన్‌తో ల‌భించ‌నున్న‌ట్ల మార్కెట్ వ‌ర్గాలు భావిస్తున్నాయి.

Google న్యూ Android XR ప్లాట్‌ఫారమ్‌

Galaxy S25 సిరీస్‌తో పాటు దక్షిణ కొరియా కంపెనీ దీనిని ఎక్స్‌టెండెడ్‌ రియాలిటీ (XR) హెడ్‌సెట్ ప్రాజెక్ట్ మూహన్ అని పిలువబడుతుంది డిసెంబర్ 2024లో ప్రకటించింది. ఇది Google న్యూ Android XR ప్లాట్‌ఫారమ్‌లో ర‌న్ అవుతుంది. ఆగ్మెంటెడ్ రియాలిటీపై ఆధారపడే ఫీచర్లకు స‌పోర్ట్ చేసేలా రూపొందించ‌బ‌డింది. శామ్సంగ్ కొత్త గెలాక్సీ ఎస్ 25 స్లిమ్‌ను టీజ్ చేసే అవకాశం కూడా ఉంది. ఇతర నివేదికల ప్రకారం.. గెలాక్సీ రింగ్ 2 ఈవెంట్‌లో ప్ర‌త్యేక ఆక‌ర్ష‌ణ‌గా నిలుస్తంద‌ని భావిస్తున్నారు. మొదటి తరం గెలాక్సీ రింగ్‌తో పోలిస్తే సుల‌భంగా వినియోగించేందుకు, మరింత ఖచ్చితమైన హెల్త్‌ డేటా సెన్సార్‌లు, మెరుగైన AI ప‌నితీరు, సుదీర్ఘ బ్యాటరీ లైఫ్ టైం వ‌స్తుంద‌ని అంచ‌నా.

ces_story_below_text