Vivo V70 FE 5G : రూ.19 వేల భారీ డిస్కౌంట్.. 200MP కెమెరాతో Vivo V70 FE 5G ఇప్పుడు సూపర్ డీల్

Vivo V70 FE 5G : ప్రముఖ స్మార్ట్‌ఫోన్ బ్రాండ్ వివో గతేడాది ఏప్రిల్‌లో ఆవిష్కరించిన వివో V70 FE 5G ఫోన్ లాంచ్ అయినప్పటి నుంచి భారీ ఆదరణ పొందుతోంది. అదిరిపోయే ఫీచర్లతో మార్కెట్లో ట్రెండ్ సృష్టించిన ఈ మోడల్‌ను ఇప్పుడు భారీ డిస్కౌంట్‌తో సొంతం చేసుకునే అవకాశం లభిస్తోంది. ప్రీమియం ఫీచర్లు, పవర్‌ఫుల్ ప్రాసెసర్, భారీ బ్యాటరీ బ్యాకప్ కోరుకునే కొనుగోలుదారులకు ఈ ఆఫర్ ఒక పండగ లాంటి వార్త అని చెప్పవచ్చు.

విజయ్ సేల్స్‌లో రూ.19,000 వరకు తగ్గింపు
వివో V70 FE 5G స్మార్ట్‌ఫోన్ అసలు ఎమ్ఆర్‌పి  ధర రూ.53,999 కాగా, ప్రముఖ ఈ-కామర్స్ ప్లాట్‌ఫామ్ విజయ్ సేల్స్‎లో దీనిని ఏకంగా 28 శాతం తగ్గింపుతో కేవలం రూ.38,999 లకే లిస్ట్ చేశారు. దీనితో పాటు వినియోగదారులకు మరింత లబ్ధి చేకూర్చేలా బ్యాంక్ ఆఫర్‌ను కూడా అందిస్తున్నారు. ఎస్‌బీఐ బ్యాంక్ క్రెడిట్ కార్డ్ ఇఎమ్‌ఐ లావాదేవీల ద్వారా ఈ ఫోన్‌ను కొనుగోలు చేస్తే తక్షణమే రూ.4,000 అదనపు ఇన్‌స్టంట్ డిస్కౌంట్ లభిస్తుంది. దీనివల్ల ఫోన్ ప్రారంభ ధర మరింత అందుబాటులోకి వస్తుంది.

అద్భుతమైన డిస్ప్లే, ప్రాసెసర్ పెర్ఫార్మెన్స్
వివో V70 FE 5G ఫోన్ 6.83 ఇంచుల 1.5K అమోలెడ్ డిస్ప్లేతో వస్తోంది. ఇది 120Hz రిఫ్రెష్ రేట్, 1900 నిట్స్ పీక్ బ్రైట్‌నెస్‌కు సపోర్ట్ చేస్తుంది. గేమింగ్, మల్టీటాస్కింగ్ సులువుగా సాగేందుకు ఇందులో ఆక్టా-కోర్ మీడియాటెక్ డైమెన్సిటీ 7360-టర్బో ప్రాసెసర్‌ను అమర్చారు. సేఫ్టీ కోసం ఇన్-డిస్ప్లే ఆప్టికల్ ఫింగర్‌ప్రింట్ సెన్సార్ ఉంది. ఇక ఈ ఫోన్ ఆండ్రాయిడ్ 16 ఆధారిత ఆరిజిన్ ఓఎస్ 6 పై పనిచేస్తుంది.

iPhone Ultra : అన్‌ఫోల్డ్ చేస్తే ఐప్యాడ్.. ఫోల్డ్ చేస్తే ఐఫోన్.. యాపిల్ లవర్స్‌కు గుడ్ న్యూస్

200 మెగాపిక్సెల్ కెమెరా,  7000mAh బ్యాటరీ
ఫొటోగ్రఫీ ప్రియుల కోసం ఈ ఫోన్‌లో వెనుక వైపు OIS సపోర్ట్‌తో కూడిన 200 మెగాపిక్సెల్ ప్రైమరీ కెమెరా, అలాగే 8 మెగాపిక్సెల్ ఆల్ట్రా-వైడ్ యాంగిల్ లెన్స్ ఇచ్చారు. సెల్ఫీలు, వీడియో కాల్స్ కోసం ముందర ఏకంగా 50 మెగాపిక్సెల్ ఐ ఆటో-ఫోకస్ ఫ్రంట్ కెమెరాను పొందుపరిచారు. ఇక బ్యాటరీ విషయానికి వస్తే.. ఇందులో ఏకంగా 7000mAh సామర్థ్యం గల భారీ బ్యాటరీని అమర్చారు, ఇది 90W ఫాస్ట్ ఛార్జింగ్‌కు సపోర్ట్ చేస్తుంది. నీరు, ధూళి నుంచి రక్షణ కోసం IP68, IP69 రేటింగ్‌ను కూడా అందించారు.