Vivo X500 Pro Max: వివో లవర్స్‌కు గుడ్ న్యూస్.. త్వరలోనే వివో X500 ఫ్లాగ్‌షిప్ సిరీస్ రాక

Vivo X500 Pro Max: భారత స్మార్ట్‌ఫోన్ మార్కెట్లో భారీ డిమాండ్ ఉన్న వివో మరో అద్భుతమైన ఫ్లాగ్‌షిప్ సిరీస్‌ను ప్రవేశపెట్టేందుకు సిద్ధమవుతోంది. వివో X500 పేరుతో రానున్న ఈ సిరీస్‌లో మొత్తం మూడు మోడళ్లను తీసుకొచ్చే అవకాశం ఉందని సమాచారం. ముఖ్యంగా ఈ సిరీస్‌లోని టాప్ వేరియంట్ అయిన వివో X500 ప్రో మ్యాక్స్ మోడల్ సరికొత్త ఇమేజింగ్ టెక్నాలజీతో రూపుదిద్దుకుంటున్నట్లు తెలుస్తోంది. చైనా 3C సర్టిఫికేషన్ వెబ్‌సైట్‌లో V2602DA మోడల్ నంబర్‌తో ఈ హ్యాండ్‌సెట్ కనిపించడంతో లాంచ్ అతి సమీపంలోనే ఉందనే వార్త వినియోగదారులలో ఉత్సాహాన్ని నింపుతోంది.  

200 మెగాపిక్సెల్ కెమెరా.. సూపర్ జూమ్ 
కెమెరా టెక్నాలజీలో వివో ఎల్లప్పుడూ కొత్త ప్రమాణాలు నెలకొల్పుతుంది. ప్రఖ్యాత టిప్‌స్టర్ డిజిటల్ చాట్ స్టేషన్ కథనం ప్రకారం వివో X500 ప్రో మ్యాక్స్ వెనుక భాగంలో 50 మెగాపిక్సెల్ సోనీ LOFIC ప్రైమరీ కెమెరాను అమర్చనున్నారు. దీనికి అదనంగా 85mm ఫోకల్ లెంగ్త్‌తో కూడిన 200 మెగాపిక్సెల్ పెరిస్కోప్ టెలిఫోటో కెమెరా ప్రధాన ఆకర్షణగా నిలవనుంది. ఇది టెలిఫోటో మ్యాక్రో ఫోటోగ్రఫీ ప్రేమికులకు కొత్త అనుభూతిని అందిస్తుంది. వీటితో పాటు 50 మెగాపిక్సెల్ అల్ట్రా-వైడ్ కెమెరా కూడా లభించనుంది.  

డైమెన్సిటీ 9600 ప్రో ప్రాసెసర్..ఫాస్ట్ ఛార్జింగ్ 
పర్‌ఫార్మెన్స్ విషయంలో రాజీ పడకుండా మీడియాటెక్ నుంచి రాబోతున్న అత్యంత శక్తివంతమైన డైమెన్సిటీ 9600 ప్రో చిప్‌సెట్‌ను వివో X500 ప్రో మ్యాక్స్ వర్షన్‌లో అందించబోతున్నారు. ఈ ఫోన్ 5G కనెక్టివిటీతో పాటు 90W ఫాస్ట్ ఛార్జింగ్ సపోర్ట్‌ను కలిగి ఉండనుంది. ఈ సిరీస్‌లోని మరొక కాంపాక్ట్ మోడల్ వివో X500 ప్రో కూడా ఇదే ప్రాసెసర్‌తో రానుంది. X500 ప్రో మోడల్ 6.37 ఇంచీల స్క్రీన్, 50MP ప్రైమరీ, 50MP అల్ట్రా-వైడ్, 64MP పెరిస్కోప్ కెమెరాతో పాటు 7,000 mAh కంటే ఎక్కువ కెపాసిటీ ఉన్న భారీ బ్యాటరీతో మార్కెట్లోకి అడుగుపెట్టనుంది.  

iQOO Buds: ఐకూ లవర్లకు గుడ్ న్యూస్.. ఆగస్టు 20న మార్కెట్లోకి అదిరిపోయే బడ్స్

గత మోడళ్లకు అప్‌గ్రేడ్‌గా రాక 
గత ఏడాది చివరిలో భారత మార్కెట్లోకి వచ్చి విశేష ప్రజాదరణ పొందిన వివో X300 ప్రో మోడల్‌కు అప్‌గ్రేడ్‌గా ఈ కొత్త సిరీస్ స్థానం దక్కించుకోనుంది. X300 ప్రోలో 6.78-ఇంచీల 1.5K LTPO OLED డిస్‌ప్లే, డైమెన్సిటీ 9500 ప్రాసెసర్, 6,510mAh బ్యాటరీ వంటి ఫీచర్లు ఉండేవి. ఇప్పుడు రాబోయే X500 సిరీస్ అంతకంటే మెరుగైన ప్రాసెసర్, భారీ బ్యాటరీ, అప్గ్రేడెడ్ కెమెరా సెటప్‌తో వినియోగదారులను ఆకట్టుకోవడానికి సిద్ధమవుతోంది.