Vivo Y05e : బడ్జెట్ యూజర్లకు వివో గుడ్ న్యూస్.. సైలెంట్‌గా మార్కెట్లోకి వచ్చిన సరికొత్త వివో Y05e

Vivo Y05e : ప్రముఖ చైనా స్మార్ట్‌ఫోన్ తయారీ సంస్థ వివో బడ్జెట్ సెగ్మెంట్‌లో కస్టమర్లను ఆకట్టుకోవడానికి మరో సరికొత్త మొబైల్‌ను పరిచయం చేసింది. తమ పాపులర్ Y-సిరీస్‌లో భాగంగా వివో Y05e స్మార్ట్‌ఫోన్‌ను మార్కెట్లోకి తీసుకువచ్చింది. అయితే, సాధారణంగా కొత్త ఫోన్లు లాంచ్ చేసేటప్పుడు కంపెనీలు భారీ ఈవెంట్లు లేదా అధికారిక ప్రకటనలు చేస్తుంటాయి. కానీ, ఈ ఫోన్ విషయంలో వివో ఎలాంటి హడావుడి చేయకుండా, సైలెంట్‌గా అధికారిక వెబ్‌సైట్‌లో కొనుగోలు చేయడానికి అందుబాటులో ఉంచింది. తక్కువ బడ్జెట్‌లో ఎక్కువ బ్యాకప్ ఇచ్చే ఫోన్ కావాలనుకునే వారిని టార్గెట్ చేస్తూ ఈ మొబైల్‌ను డిజైన్ చేశారు.

ధర, లభ్యత విషయానికి వస్తే.. వివో సంస్థ ఈ సరికొత్త వివో Y05e స్మార్ట్‌ఫోన్‌ను ప్రస్తుతం దక్షిణ ఆఫ్రికా మార్కెట్లో లిస్ట్ చేసింది. అక్కడ ప్రముఖ టెలికాం వెబ్‌సైట్ అయిన  వోడాకామ్ సౌత్ ఆఫ్రికాలో ఈ ఫోన్ విక్రయానికి సిద్ధంగా ఉంది. ఈ బడ్జెట్ ఫోన్ ధరను Rand 2,499 గా నిర్ణయించారు. అంటే మన భారతీయ కరెన్సీలో దీని విలువ దాదాపు రూ.14,500 గా ఉంటుంది. ఈ స్మార్ట్‌ఫోన్‌ను చూడటానికి ఎంతో క్లాసిక్ లుక్ ఇచ్చే సరికొత్త క్రెస్ట్ టీల్ కలర్ ఆప్షన్‌లో కంపెనీ కస్టమర్లకు అందిస్తోంది.

ఫీచర్లు, స్పెసిఫికేషన్ల పరంగా చూస్తే, వివో Y05e ఫోన్‌లో 6.74 ఇంచుల పెద్ద సైజ్ LCD స్క్రీన్‌ను అందించారు. ఇది హెచ్‌డీ+ రిజల్యూషన్‌ను సపోర్ట్ చేస్తుంది, అనగా 1600 x 720 పిక్సెల్స్ క్లారిటీతో వీడియోలను చూడవచ్చు. ఈ ఫోన్ సాఫ్ట్‌వేర్ పరంగా చాలా అప్‌డేటెడ్‌గా ఉంది. ఇది అవుట్ ఆఫ్ ది బాక్స్ లేటెస్ట్ ఆండ్రాయిడ్ 16 ఆపరేటింగ్ సిస్టమ్‌పై ఆధారపడిన ఆరిజిన్ ఓఎస్ 6 స్కిన్‌తో స్మూత్‌గా రన్ అవుతుంది. పెర్ఫార్మెన్స్ కోసం ఇందులో బడ్జెట్ రేంజ్ యునిసోక్ T606  చిప్‌సెట్‌ను అమర్చారు.

Xiaomi Mi 10T : భారీగా తగ్గిన షావోమి Mi 10T 5G ధర.. ఫ్లిప్‌కార్ట్‌లో కస్టమర్లకు బంపర్ ఆఫర్


ఈ వివో బడ్జెట్ ఫోన్ 4GB ర్యామ్, డేటాను సేవ్ చేసుకోవడానికి 64GB ఇంటర్నల్ స్టోరేజ్ వేరియంట్‌తో వస్తుంది. అయితే ఇందులో వర్చువల్ ర్యామ్ ఫీచర్ కూడా ఉంది. దీని సహాయంతో అవసరాన్ని బట్టి ర్యామ్ సామర్థ్యాన్ని గరిష్టంగా 8GB వరకు పెంచుకోవచ్చు. ఈ ఫోన్ లో ఉన్న మరో పెద్ద ప్లస్ పాయింట్ ఏమిటంటే, దీనికి  మిలిటరీ గ్రేడ్ డ్రాప్ రెసిస్టెన్స్ రక్షణను ఇచ్చారు. అంటే పొరపాటున ఫోన్ చేతిలోంచి కిందపడ్డా కూడా అంత త్వరగా పాడైపోదు. దీనితో పాటు ధూళి, నీటి చినుకుల నుండి రక్షణ కోసం IP64 రేటింగ్‌ను కూడా అందించారు.

ఫోటోగ్రఫీ విషయానికి వస్తే, వివో Y05e వెనుక భాగంలో ఎల్‌ఈడీ ఫ్లాష్ లైట్‌తో కూడిన 8 మెగాపిక్సెల్ కెమెరాను అమర్చారు. సాధారణ ఫోటోలు తీసుకోవడానికి ఇది ఉపయోగపడుతుంది. అలాగే సెల్ఫీలు, వీడియో కాల్స్ మాట్లాడుకోవడానికి ముందు వైపు 5 మెగాపిక్సెల్ కెమెరాను ఇచ్చారు. ఛార్జింగ్ విషయానికి వస్తే.. ఇందులో ఎక్కువ సమయం బ్యాకప్ ఇచ్చేలా 5,150mAh సామర్థ్యం గల భారీ బ్యాటరీని అమర్చారు. కనెక్టివిటీ కోసం వై-ఫై, బ్లూటూత్, యూఎస్‌బీ టైప్-సి పోర్ట్, హెడ్‌ఫోన్స్ వాడుకునే వారి కోసం 3.5mm ఆడియో జాక్ వంటి అన్ని బేసిక్ ఆప్షన్లు ఉన్నాయి. ఈ ఫోన్ మొత్తం బరువు 199 గ్రాములు ఉంటుంది.