Messenger : మెసెంజర్‌లో మీ పర్సనల్ చాటింగ్ ఎవరికీ తెలియకూడదా? ఈ అదిరిపోయే ట్రిక్ ట్రై చేయండి

Messenger : ప్రముఖ సోషల్ మీడియా దిగ్గజం మెటా తమ వినియోగదారుల భద్రత, ప్రైవసీని పెంపొందించడానికి నిరంతరం సరికొత్త ఫీచర్లను ప్రవేశపెడుతూనే ఉంటుంది. ఇందులో భాగంగానే ఫేస్‌బుక్ మెసెంజర్‌లో అందుబాటులో ఉన్న ఒక అద్భుతమైన ఫీచరే సీక్రెట్ కన్వర్సేషన్. ఈ ఫీచర్ సహాయంతో యూజర్లు తమ కాంటాక్ట్స్‌తో అత్యంత వ్యక్తిగతమైన విషయాలను సురక్షితంగా మాట్లాడుకోవచ్చు. ఈ చాటింగ్ గురించి మూడో వ్యక్తికి తెలిసే అవకాశమే ఉండదు. మీ పర్సనల్ డేటా ఇతరుల చేతికి చిక్కకుండా ఉండటానికి ఈ సీక్రెట్ చాట్ ఫీచర్ ఒక అద్భుతమైన కవచంలా పనిచేస్తుంది.

మెటా కంపెనీ కూడా మీ మెసేజ్ చదవలేదు 
ఈ సీక్రెట్ కన్వర్సేషన్ ఫీచర్ పూర్తిగా ఎండ్-టు-ఎండ్ ఎన్‌క్రిప్టెడ్ టెక్నాలజీతో పనిచేస్తుంది. అంటే మీరు పంపే మెసేజ్ కేవలం మీకు, అలాగే అవతలి వైపు ఉన్న యూజర్‌కు మాత్రమే కనిపిస్తుంది. మధ్యలో హ్యాకర్లు గానీ, ఇంటర్నెట్ ప్రొవైడర్లు గానీ, ఆఖరికి మెసెంజర్ యాజమాన్యమైన మెటా కంపెనీ కూడా ఈ మెసేజ్‌లను చదవడానికి వీలుండదు. ఈ చాటింగ్‌ను మరింతగా వెరిఫై చేసుకోవడానికి రెండు డివైజ్‌లలో ఒకే రకమైన సెక్యూరిటీ కీ ఉంటుంది. అయితే, అవతలి వ్యక్తి మీ చాటింగ్‌ను ఇతరులకు నేరుగా ఫార్వార్డ్ చేయకుండా లేదా స్క్రీన్‌షాట్లు తీయకుండా నమ్మకంగా ఉండేలా చూసుకోవడం మీ బాధ్యత.

నిర్ణీత సమయానికి మెసేజ్‌లు మాయం 
ఈ ఫీచర్‌లో ఉన్న మరో సూపర్ ఆప్షన్ ఏంటంటే, మనం పంపిన మెసేజ్‌లు కాసేపటి తర్వాత ఆటోమేటిక్‌గా డిలీట్ అయిపోయేలా సెట్ చేసుకోవచ్చు. దీనికోసం టెక్స్ట్ బాక్స్ పక్కన ఉన్న టైమర్ ఆప్షన్‌ను ఆన్ చేసుకుని నిర్దిష్ట సమయాన్ని సెలెక్ట్ చేసుకోవాలి. మీరు పెట్టిన టైమ్ అయిపోగానే ఆ మెసేజ్ చాట్ హిస్టరీ నుండి పూర్తిగా మాయమైపోతుంది. అయితే, ఈ సీక్రెట్ చాట్ ఫీచర్ ప్రస్తుతం కేవలం ఆండ్రాయిడ్, ఐఫోన్ మొబైల్ యాప్స్‌లో మాత్రమే అందుబాటులో ఉంది. దీనిని కంప్యూటర్ లేదా లాప్‌టాప్ బ్రౌజర్‌లలో ఓపెన్ చేసే ఫేస్‌బుక్ చాట్ లేదా మెసెంజర్ డాట్ కామ్‌లలో ఉపయోగించడం కుదరదు. అలాగే మీరు ఏ మొబైల్ నుంచి అయితే చాట్ స్టార్ట్ చేశారో, కేవలం ఆ డివైజ్‌లోనే ఈ హిస్టరీ కనిపిస్తుంది.

Xiaomi 17T : స్మార్ట్‌ఫోన్ లవర్స్‌కు బంపర్ ఆఫర్.. సరికొత్త షావోమి 17T పై అమెజాన్‌లో భారీ డిస్కౌంట్

మెసెంజర్‌లో సీక్రెట్ చాట్ ఎలా స్టార్ట్ చేయాలి? 
ఈ సీక్రెట్ కన్వర్సేషన్ ఫీచర్‌ను మీ మొబైల్‌లో ఆక్టివేట్ చేసుకోవడం చాలా సులభం. దీనికోసం కింద పేర్కొన్న సాధారణ స్టెప్స్ ఫాలో అయితే సరిపోతుంది:
* మొదట మీ స్మార్ట్‌ఫోన్ లేదా టాబ్లెట్‌లో మెసెంజ‌ర్ యాప్ ఓపెన్ చేయాలి.
* యాప్ ఓపెన్ అయిన తర్వాత హోమ్ స్క్రీన్ పై ఉన్న హోమ్ ఐకాన్ పై క్లిక్ చేయాలి.
* అనంతరం స్క్రీన్ పై కనిపించే ప్లస్ '+' ఐకాన్ పై ట్యాప్ చేయాలి.
* ఇప్పుడు స్క్రీన్ పై భాగంలో కుడి వైపున కనిపించే లాక్  ఐకాన్ పై ప్రెస్ చేయాలి.
* ఆ తర్వాత మీరు ఎవరితో ప్రైవేట్‌గా చాట్ చేయాలనుకుంటున్నారో ఆ కాంటాక్ట్‌ను సెలెక్ట్ చేసుకోవాలి.
* ఒకవేళ మెసేజ్ ఆటోమేటిక్‌గా డిలీట్ అవ్వాలనుకుంటే.. టెక్స్ట్ బాక్స్ లో ఉన్న క్లాక్ ఐకాన్ పై క్లిక్ చేసి టైమర్ సెట్ చేసుకోవచ్చు.