Xiaomi Mi 10T : భారీగా తగ్గిన షావోమి Mi 10T 5G ధర.. ఫ్లిప్‌కార్ట్‌లో కస్టమర్లకు బంపర్ ఆఫర్

Xiaomi Mi 10T : చైనాకు చెందిన ప్రముఖ స్మార్ట్‌ఫోన్ తయారీ సంస్థ షావోమికి చెందిన Mi సిరీస్ మార్కెట్లో ఎంత పాపులర్ అయిందో ప్రత్యేకంగా చెప్పక్కర్లేదు. ఈ సిరీస్‌లో కంపెనీ ఎన్నో పవర్‌ఫుల్ ఫీచర్లు ఉన్న ప్రీమియం ఫోన్లను కస్టమర్లకు పరిచయం చేసింది. అందులో ఒకటైన Mi 10T 5G స్మార్ట్‌ఫోన్‌పై ప్రముఖ ఈ-కామర్స్ ప్లాట్‌ఫారమ్ ఫ్లిప్‌కార్ట్  ఒక ధమాకా ఆఫర్‌ను ప్రకటించింది. ఈ ఫోన్ ధర ఇప్పుడు మునుపెన్నడూ లేని విధంగా భారీగా పడిపోయింది. 5000mAh భారీ బ్యాటరీ, 64 మెగాపిక్సెల్ మెయిన్ కెమెరాతో వచ్చే ఈ ఫోన్‌ను కంపెనీ లాంచ్ ధర కంటే దాదాపు సగం ధరకే సొంతం చేసుకునే సువర్ణావకాశాన్ని ఫ్లిప్‌కార్ట్ కల్పిస్తోంది.

ఏకంగా రూ.21,000 పైగా డిస్కౌంట్ 
ధర, ఆఫర్ల వివరాల్లోకి వెళితే.. షావోమి Mi 10T 5G స్మార్ట్‌ఫోన్ మార్కెట్లోకి విడుదలైనప్పుడు దీని అసలు ధర రూ.42,999 గా ఉంది. అయితే ప్రస్తుతం ఫ్లిప్‌కార్ట్ బిగ్ డిస్కౌంట్ ఆఫర్‌లో భాగంగా ఈ ఫోన్‌ను కేవలం రూ.23,399 ధరతోనే లిస్ట్ చేసింది. అంటే కస్టమర్లకు నేరుగా రూ.19,000 కంటే ఎక్కువ మొత్తంలో ఫ్లాట్ డిస్కౌంట్ లభిస్తోంది. ఒక ప్రీమియం రేంజ్ 5G ఫోన్‌పై ఈ స్థాయి లో భారీ తగ్గింపు లభించడం ఇదే మొదటిసారి అని చెప్పవచ్చు. తక్కువ బడ్జెట్‌లో మంచి బ్రాండెడ్ పవర్‌ఫుల్ ఫోన్ కావాలనుకునే వారికి ఇదొక గోల్డెన్ ఛాన్స్.

యాక్సిస్ బ్యాంక్ ఆఫర్‌తో అదనపు తగ్గింపు 
ఈ 5G ఫోన్‌ను మరింత తక్కువ ధరకే కొనుగోలు చేయాలనుకునే కస్టమర్ల కోసం ఫ్లిప్‌కార్ట్ అదనంగా బ్యాంక్ ఆఫర్లను కూడా అందిస్తోంది. ఈ స్మార్ట్‌ఫోన్‌ను కొనుగోలు చేసేటప్పుడు ఫ్లిప్‌కార్ట్ యాక్సిస్ బ్యాంక్ క్రెడిట్ కార్డ్ ఉపయోగించి పేమెంట్ చేస్తే, వినియోగదారులకు అదనంగా రూ.1,170 ఎక్స్‌ట్రా డిస్కౌంట్ లభిస్తుంది. దీనితో కస్టమర్లకు లభించే మొత్తం తగ్గింపు విలువ ఏకంగా రూ.21,370కి చేరుకుంటుంది. ఈ అన్ని ఆఫర్లు పోను షావోమి Mi 10T 5G ఫోన్ నెట్ ఎఫెక్టివ్ ప్రైస్ కేవలం రూ.22,229గా మారుతుంది.

Acer : స్మార్ట్‌ఫోన్ మార్కెట్లోకి ఏసర్ సంచలన ఎంట్రీ.. సరికొత్త సోస్పిరో A15 లాంచ్

144Hz స్మూత్ డిస్‌ప్లే, పవర్‌ఫుల్ స్నాప్‌డ్రాగన్ ప్రొసెసర్ 
షావోమి Mi 10T 5G స్మార్ట్‌ఫోన్ స్పెసిఫికేషన్లు, ఫీచర్లు కూడా చాలా బలంగా ఉంటాయి. ఇందులో 6.67 ఇంచుల ఫుల్-హెచ్‌డీ+ (1,080x2,440 పిక్సెల్స్) అద్భుతమైన డిస్‌ప్లేను ఇచ్చారు. ఇది 20:9 ఆస్పెక్ట్ రేషియోతో పాటు, గేమింగ్ ప్రియుల కోసం 144Hz హై రీఫ్రెష్ రేట్ సపోర్ట్‌ను కలిగి ఉంటుంది. స్క్రీన్‌కు రక్షణగా కార్నింగ్ గొరిల్లా గ్లాస్ 5 ప్రొటెక్షన్‌ను అందించారు. ఈ ఫోన్ సూపర్ ఫాస్ట్ పెర్ఫార్మెన్స్ అందించడం కోసం ఇందులో క్వాల్కమ్ స్నాప్‌డ్రాగన్ 865 పవర్‌ఫుల్ ప్రొసెసర్‌ను అమర్చారు. దీనికి తోడు 8 జీబీ వరకు భారీ ర్యామ్ సపోర్ట్ కూడా ఇందులో లభిస్తుంది.

64 ఎంపీ ట్రిపుల్ కెమెరా, 5000mAh భారీ బ్యాటరీ 
ఫోటోగ్రఫీ కోసం ఈ స్మార్ట్‌ఫోన్ వెనుక భాగంలో ట్రిపుల్ రేర్ కెమెరా సెటప్‌ను అందించారు. ఇందులో 64 మెగాపిక్సెల్ ప్రధాన కెమెరాతో పాటు, 13 మెగాపిక్సెల్ సెకండరీ కెమెరా, క్లోజప్ షాట్స్ కోసం 5 మెగాపిక్సెల్ మాక్రో లెన్స్ ఉన్నాయి. అలాగే సెల్ఫీలు, వీడియో కాల్స్ కోసం ముందు భాగంలో 20 మెగాపిక్సెల్ సెల్ఫీ కెమెరాను అమర్చారు. బ్యాటరీ విషయానికి వస్తే, ఇందులో 5,000 ఎంఏహెచ్ సామర్థ్యం గల పెద్ద బ్యాటరీని ఇచ్చారు. ఇది 33W ఫాస్ట్ ఛార్జింగ్‌ను సపోర్ట్ చేస్తుంది. ఈ ఫోన్ కొలతలు 165.1x76.4x9.33mm గానూ, బరువు 216 గ్రాములుగానూ ఉండి చేతిలో పట్టుకోవడానికి చాలా ప్రీమియం లుక్‌ను ఇస్తుంది.