vivo y05e : భారత మార్కెట్లోకి వివో సరికొత్త బడ్జెట్ ఫోన్.. వివో Y05e లాంచ్‌కు ముహూర్తం ఫిక్స్

vivo y05e : భారతీయ మొబైల్ మార్కెట్లో మంచి మార్కెట్ షేర్ కలిగిన చైనా టెక్ దిగ్గజం వివో, తన పాపులర్ Y-సిరీస్‌ను మరింత బలోపేతం చేసే పనిలో పడింది. ఇందులో భాగంగా వివో Y05e అనే సరికొత్త బడ్జెట్ స్మార్ట్‌ఫోన్‌ను మార్కెట్లోకి తీసుకురావడానికి సన్నాహాలు చేస్తోంది. ఈ ఫోన్ ఇంకా అధికారికంగా లాంచ్ కానప్పటికీ, ప్రముఖ గూగుల్ ప్లే కన్సోల్ సర్టిఫికేషన్ ప్లాట్‌ఫారమ్‌లో ప్రత్యక్షమైంది. ఇక్కడే కాకుండా యూఎస్ ఎఫ్‌సీసీ, ఎన్‌బీటీసీ డేటాబేస్‌లలో కూడా ఈ ఫోన్ వివరాలు లీక్ అయ్యాయి.

గూగుల్ ప్లే కన్సోల్ లిస్టింగ్ ప్రకారం, వివో Y05e స్మార్ట్‌ఫోన్ V2606 అనే మోడల్ నంబర్‌తో రిజిస్టర్ చేయబడింది. ఈ లీక్ ద్వారా ఫోన్ యొక్క ముఖ్యమైన స్పెసిఫికేషన్లు బయటకు వచ్చాయి. ఈ ఫోన్ లో HD+ (720 × 1,600 పిక్సెల్స్) రెజల్యూషన్ గల డిస్‌ప్లేను అందించనున్నారు. ఇది 300 dpi స్క్రీన్ డెన్సిటీని కలిగి ఉంటుంది. అలాగే, ఇందులో బడ్జెట్ శ్రేణిలో మెరుగైన పనితీరును అందించే ఆక్టా-కోర్ యూనిసోక్ టైగర్ T606 చిప్‌సెట్‌ను ప్రాసెసర్‌గా ఉపయోగించబోతున్నట్లు సమాచారం.

ఈ ఫోన్ లో అందరినీ ఆశ్చర్యపరిచే అత్యంత కీలకమైన విషయం ఏమిటంటే, ఇది సరికొత్త ఆండ్రాయిడ్ 16 ఆధారిత ఆపరేటింగ్ సిస్టమ్‌పై పనిచేయనుంది. సాధారణంగా బడ్జెట్ ధరలో వచ్చే మొబైల్స్ పాత ఆండ్రాయిడ్ వెర్షన్లతో వస్తుంటాయి, కానీ వివో ఈసారి కస్టమర్లకు సరికొత్త సాఫ్ట్‌వేర్ ఎక్స్‌పీరియన్స్ ఇవ్వడానికి సిద్ధమైంది. ఈ ఫోన్ లో 64 GB ఇంటర్నల్ స్టోరేజ్ వేరియంట్ అందుబాటులో ఉండే అవకాశం ఉందని తెలుస్తోంది.

పవర్‌ఫుల్ బ్యాకప్ కోసం వివో Y05e స్మార్ట్‌ఫోన్ లో 15W వైర్డ్ ఛార్జింగ్ సపోర్ట్ గల 5,050 mAh భారీ బ్యాటరీని అమర్చనున్నారు. ఒకసారి ఛార్జ్ చేస్తే సాధారణ వినియోగదారులకు ఒకటిన్నర రోజుకు పైగా బ్యాటరీ బ్యాకప్ లభిస్తుంది. కాగా, ఇదే ఏడాది ఫిబ్రవరిలో విడుదలైన దీని పాత వెర్షన్ వివో Y05 మోడల్ లో 6.74 ఇంచుల ఎల్‌సీడీ 120Hz డిస్‌ప్లే, యూనిసోక్ T7225 ప్రాసెసర్, 15W ఫాస్ట్ ఛార్జింగ్‌తో కూడిన 6,500 mAh బ్యాటరీని అందించారు. పాత మోడల్‌తో పోలిస్తే కొత్త Y05e లో బ్యాటరీ సైజ్ కాస్త తగ్గించినప్పటికీ, సాఫ్ట్‌వేర్ పరంగా భారీ అప్‌గ్రేడ్ చేశారు.

వివో సంస్థ గత వారమే తన సరికొత్త వివో Y6e 5G స్మార్ట్‌ఫోన్‌ను మార్కెట్లో విడుదల చేసింది. ఈ ఫోన్ లో 120Hz రిఫ్రెష్ రేట్, 1,200 నిట్స్ పీక్ బ్రైట్‌నెస్ గల 6.74 ఇంచుల HD+ LCD డిస్‌ప్లే ఉంది. ఇది 4nm ఆర్కిటెక్చర్‌పై తయారైన పవర్‌ఫుల్ స్నాప్‌డ్రాగన్ 4 జెన్ 2  ప్రాసెసర్‌తో రన్ అవుతుంది. ఇందులో వెనుక వైపు f/2.2 అపెర్చర్, 10x డిజిటల్ జూమ్ కలిగిన 13 మెగాపిక్సెల్ సింగిల్ కెమెరా, ముందు వైపు 5 మెగాపిక్సెల్ సెల్ఫీ కెమెరా ఉన్నాయి. ఈ ఫోన్ లో ఏకంగా 6,500 mAh భారీ బ్యాటరీ, సైడ్ ఫింగర్‌ప్రింట్ స్కానర్ ఫీచర్లు ఉన్నాయి. త్వరలోనే రాబోయే వివో Y05e ధరల వివరాలు కంపెనీ అధికారికంగా ప్రకటించాల్సి ఉంది.