Whatsapp : వాట్సాప్‌లో ప్రైవసీ విప్లవం.. మొబైల్ నంబర్ అవసరం లేకుండానే చాటింగ్ చేసేలా సరికొత్త ఫీచర్

Whatsapp : ప్రముఖ ఇన్‌స్టంట్ మెసేజింగ్ యాప్ వాట్సాప్ తన వినియోగదారుల కోసం అత్యంత ప్రతిష్టాత్మకమైన సేఫ్టీ ఫీచర్‌ను పరిచయం చేస్తోంది. యూజర్ల వ్యక్తిగత వివరాలకు మరింత రక్షణ కల్పించే ఉద్దేశంతో యూజర్‌నేమ్ ఫీచర్‌ను అందుబాటులోకి తెస్తోంది. ఈ సరికొత్త సదుపాయం వల్ల వాట్సాప్‌లో ఇతరులతో కమ్యూనికేట్ చేయడానికి మీ వ్యక్తిగత మొబైల్ నంబర్‌ను పంచుకోవాల్సిన అవసరం ఉండదు. కేవలం ఒక యూనిక్ యూజర్‌నేమ్ ద్వారానే మిమ్మల్ని ఇతరులు సెర్చ్ చేయవచ్చు, అలాగే మీరు కూడా ఇతరులను సులభంగా కనుగొనవచ్చు. ప్రస్తుతం ఈ ఫీచర్ ప్రాథమికంగా కొద్దిమంది వినియోగదారులకు మాత్రమే అందుబాటులోకి వస్తోంది. రాబోయే రోజుల్లో ఇది అందరికీ రోల్ అవుట్ కానుంది. అయితే, ఈ ఫీచర్ పూర్తిగా అందుబాటులోకి వచ్చే ముందే మీకు నచ్చిన యూజర్‌నేమ్‌ను ఎలా రిజర్వ్ చేసుకోవాలో ఇప్పుడు చూద్దాం.

వాట్సాప్ యూజర్‌నేమ్‌ను ఎలా రిజర్వ్ చేసుకోవాలి? 
మీకు ఇష్టమైన లేదా మీ పేరు మీద ఉన్న యూజర్‌నేమ్‌ను ఇతరులు తీసుకోకముందే సులభంగా క్లెయిమ్ చేసుకోవచ్చు. దీనికోసం క్రింది స్టెప్స్ ఫాలో అవ్వండి:
* స్టెప్ 1: మొదట మీ మొబైల్‌లోని గూగుల్ ప్లే స్టోర్ లేదా ఆపిల్ యాప్ స్టోర్‌కి వెళ్లి వాట్సాప్ యాప్‌ను లేటెస్ట్ వర్షన్‌కి అప్‌డేట్ చేసి, ఆపై ఓపెన్ చేయండి.
* స్టెప్ 2: మీరు ఐఫోన్ వినియోగదారులు అయితే స్క్రీన్ కింద కుడి వైపున ఉండే ప్రొఫైల్ బటన్ నొక్కండి. అదే ఆండ్రాయిడ్ వినియోగదారులు అయితే స్క్రీన్ పైన కుడి వైపున ఉండే మూడు చుక్కల  పై క్లిక్ చేసి సెట్టింగ్స్‎లోకి వెళ్లండి.
* స్టెప్ 3: సెట్టింగ్స్ మెనూ ఓపెన్ అయ్యాక, అందులో ఉన్న అకౌంట్ సెట్టింగ్స్ ఆప్షన్‌పై టాప్ చేయండి.
* స్టెప్ 4: అక్కడ మీకు కనిపించే యువర్ అకౌంట్ సెక్షన్‌లో యూజర్‌నేమ్ బటన్‌పై క్లిక్ చేయాలి.
* స్టెప్ 5: ఇప్పుడు మీకు ఇప్పటికే ఉన్న ఇన్‌స్టాగ్రామ్ లేదా ఫేస్‌బుక్ యూజర్‌నేమ్‌ను నేరుగా లింక్ చేయవచ్చు లేదా కొత్తగా సెట్ చేసుకోవడానికి క్రియేట్ యూజర్‌నేమ్ పై టాప్ చేయవచ్చు.
* స్టెప్ 6: మీకు కావాల్సిన పేరును టైప్ చేసి, అది అందుబాటులో ఉందో లేదో చెక్ చేసుకుని, చివరగా సేవ్ బటన్ నొక్కితే మీ యూజర్‌నేమ్ రిజర్వ్ అయిపోతుంది.

Amazon : అమెజాన్ ప్రైమ్ డే సేల్ చివరి రోజు హంగామా.. రూ.40 వేల బడ్జెట్‌లో టాప్ స్మార్ట్‌ఫోన్లపై క్రేజీ డీల్స్

యూజర్‌నేమ్ కీ అంటే ఏంటి?  
మీరు మీ యూజర్‌నేమ్‌ను విజయవంతంగా రిజర్వ్ చేసుకున్న తర్వాత, దానికి మరింత సెక్యూరిటీని జోడించడానికి వాట్సాప్ యూజర్‌నేమ్ కీ అనే ఫీచర్‌ను కూడా ఇస్తోంది. దీనిని సెట్ చేయడానికి ఈ క్రింది విధానాన్ని పాటించండి:
* స్టెప్ 1: మీ ఫోన్ లో వాట్సాప్ ఓపెన్ చేసి, పైన చెప్పిన విధంగా మీ యూజర్‌నేమ్ కరెక్ట్‌గా సెట్ అయిందో లేదో ఒకసారి సరిచూసుకోండి.
* స్టెప్ 2: ఇప్పుడు మీ యూజర్‌నేమ్ క్రింద కనిపించే  కాంటాక్ట్ మీ బై మై యూజర్‌నేమ్ అనే ఆప్షన్‌పై క్లిక్ చేయండి.
* స్టెప్ 3: ఆ తర్వాత స్క్రీన్‌పై వచ్చే ఆప్షన్లలో పీపుల్ హూ నో మై కీ అనే ఆప్షన్‌ను ఎంచుకోవాలి.
* స్టెప్ 4: వెంటనే ఒక కొత్త స్క్రీన్ ఓపెన్ అవుతుంది. అక్కడ మీకు ముందుగానే సెట్ చేసిన ఒక సీక్రెట్ కీ కనిపిస్తుంది. ఒకవేళ ఆ కీ మీకు నచ్చకపోతే, కొత్త కీ కోసం గెట్ ఏ డిఫరెంట్ కీ బటన్‌పై నొక్కవచ్చు.
* స్టెప్ 5: మీకు నచ్చిన కీ వచ్చిన తర్వాత క్రింద ఉన్న సేవ్ కీ బటన్‌పై క్లిక్ చేస్తే మీ సెక్యూరిటీ సెట్టింగ్స్ పూర్తవుతాయి. అవసరమైతే భవిష్యత్తులో ఈ స్టెప్స్ మళ్లీ ఫాలో అయ్యి మీ యూజర్‌నేమ్ కీని ఎప్పుడైనా రీసెట్ చేసుకోవచ్చు. ఈ ఫీచర్ ద్వారా వాట్సాప్ వాడకం మరింత సురక్షితంగా మారబోతోంది.