Flipkart Freedom Sale: ఫ్లిప్‌కార్ట్ ఫ్రీడమ్ సేల్ ఆఫర్ల వర్షం.. తగ్గిన ఐఫోన్ 17, ఐఫోన్ 16 ధరలు

Flipkart Freedom Sale:  మీరు కొత్త ఐఫోన్ కొనుగోలు చేయడానికి ప్లాన్ చేస్తుంటే ఇదే సరైన సమయం. ప్రముఖ ఇ-కామర్స్ దిగ్గజం ఫ్లిప్‌కార్ట్ తన ఫ్రీడమ్ సేల్ తేదీలను మరియు ఐఫోన్లపై లభించే సంచలన ఆఫర్లను అధికారికంగా ప్రకటించింది. ఈ ప్రత్యేక సేల్ ఆగస్టు 8 నుంచి ప్రారంభమై ఆగస్టు 15 వరకు కొనసాగనుంది. అయితే ఫ్లిప్‌కార్ట్ ప్లస్, విఐపి యూజర్లకు ఒక రోజు ముందుగానే అంటే ఆగస్టు 7 నుంచే ఈ ఆఫర్లు అందుబాటులోకి వస్తాయి. ఫోన్ల లాంచ్ ధరల కంటే చాలా తక్కువ ధరకే ఐఫోన్లను సొంతం చేసుకునే అవకాశాన్ని ఈ సేల్ కల్పిస్తోంది.

ఐఫోన్ 17 సిరీస్‌పై ఆకట్టుకునే తగ్గింపులు 
భారత్‌లో రూ. 82,900 ప్రారంభ ధరతో లాంచ్ అయిన ఐఫోన్ 17ను ఈ సేల్‌లో రూ. 79,900 కే కొనుగోలు చేయవచ్చు. అంటే నేరుగా రూ. 3,000 కంటే ఎక్కువ తగ్గింపు లభించనుంది. దీనికి తోడు ఎంపిక చేసిన బ్యాంక్ కార్డ్స్ ద్వారా ఇన్స్టెంట్ డిస్కౌంట్, నో-కాస్ట్ ఈఎమ్‌ఐ వెసులుబాటు కూడా ఉంటుంది. అలాగే ప్రీమియం మోడళ్లయిన ఐఫోన్ 17 ప్రో ప్రారంభ ధర రూ. 1,29,900 గాను, ఐఫోన్ 17 ప్రో మ్యాక్స్ ప్రారంభ ధర రూ. 1,3X,900 గాను నిర్ణయించారు.

పాత ఐఫోన్ మోడళ్లపై రూ. 17,000 వరకు ప్రయోజనం 
కొత్త ఐఫోన్ 17 తో పాటు పాత మోడళ్లపై కూడా ఫ్లిప్‌కార్ట్ భారీ ఆఫర్లను ఇస్తోంది. లాంచ్ సమయంలో రూ. 79,900 ఉన్న ఐఫోన్ 16 ఈ సేల్‌లో రూ. 6X,900 కే అందుబాటులోకి రానుంది. బ్యాంక్, ఎక్స్చేంజ్ ఆఫర్లతో కలిపి మొత్తం రూ. 17,000 వరకు లబ్ధి పొందవచ్చని సమాచారం. అలాగే ఐఫోన్ 16 ప్లస్ రూ. 77,900 కు లభిస్తుండగా, ఐఫోన్ 15ని కేవలం రూ. 5X,900 ప్రారంభ ధరకే అందించనున్నారు.

Redmi 17 5G : 6300mAh భారీ బ్యాటరీ, 120Hz డిస్‌ప్లేతో రెడ్‌మీ 17 5G వచ్చేసింది.. ధర ఎంతంటే?

అమెజాన్ గ్రేట్ ఫ్రీడమ్ సేల్ కూడా రేసే 
మరోవైపు అమెజాన్ కూడా పోటీగా అమెజాన్ గ్రేట్ ఫ్రీడమ్ సేల్‎ను ఆగస్టు 8 నుంచి నిర్వహిస్తోంది. ప్రైమ్ మెంబర్లకు ఆగస్టు 7 నుంచే ఆఫర్లు అందుబాటులోకి రానున్నాయి. ఈ సేల్ సీజన్‌లో రెండు దిగ్గజ ఇ-కామర్స్ సంస్థల మధ్య పోటీ నెలకొనడంతో వినియోగదారులు ఐఫోన్లను అత్యంత తక్కువ ధరకే సొంతం చేసుకునేందుకు గొప్ప అవకాశం లభించింది.