Flipkart Goat Sale : జూలై 4 నుంచి ఫ్లిప్‌కార్ట్ గోట్ సేల్.. ఐఫోన్ 17 సిరీస్‌పై ఊహించని రేంజ్‌లో భారీ తగ్గింపులు

Flipkart Goat Sale : ప్రముఖ ఈ-కామర్స్ దిగ్గజం ఫ్లిప్‌కార్ట్ తన మోస్ట్ పాపులర్ గోట్ సేల్ 2026ను ప్రారంభించడానికి అన్నీ సిద్ధం చేసింది. వచ్చే నెల జూలై 4వ తేదీ నుంచి ఈ భారీ సేల్ ఇండియాలో లైవ్‌లోకి రాబోతోంది. ఈ సేల్‌లో స్మార్ట్‌ఫోన్లు, స్మార్ట్‌వాచీలు, ఇయర్‌బడ్స్ లతో పాటు ఏసీలు, రిఫ్రిజిరేటర్లు, వాషింగ్ మెషీన్లు, స్మార్ట్ టీవీలు, లాప్‌టాప్‌లపై కళ్లు చెదిరే ఆఫర్లు ఉండనున్నాయి. యాపిల్, రియల్‌మీ, పోకో, వివో, రెడ్‌మీ వంటి బ్రాండ్ల ప్రొడక్ట్స్ ఈ సేల్‌లో తక్కువ ధరకే లభించనున్నాయి. అయితే సేల్ ప్రారంభానికి కొన్ని రోజుల ముందే ఫ్లిప్‌కార్ట్ కంపెనీ, ఐఫోన్ లవర్స్ కోసం ఐఫోన్ 17, ఐఫోన్ 17 ప్రో, ఐఫోన్ 17 ప్రో మాక్స్, ఇతర మోడళ్లపై లభించే టాప్ డీల్స్, డిస్కౌంట్ ధరల వివరాలను అధికారికంగా లీక్ చేసింది.

ఫ్లిప్‌కార్ట్ బ్లాక్, ప్లస్ మెంబర్లకు స్పెషల్ యాక్సెస్ 
ఈ సేల్‌లో సాధారణ కస్టమర్ల కంటే ఫ్లిప్‌కార్ట్ బ్లాక్, ఫ్లిప్‌కార్ట్ ప్లస్ మెంబర్‌షిప్ ఉన్న యూజర్లకు 24 గంటల ముందే అంటే ఒక రోజు ముందే అర్లీ యాక్సెస్ లభిస్తుంది. దీనివల్ల వారు స్టాక్ అయిపోకముందే నచ్చిన ఫోన్‌ను బుక్ చేసుకోవచ్చు. ఈ డైరెక్ట్ ప్రైస్ కట్స్‌తో పాటు ఫ్లిప్‌కార్ట్ అదనపు బ్యాంక్ ఆఫర్లను కూడా ప్రకటించింది. ఐసీఐసీఐ బ్యాంక్, బ్యాంక్ ఆఫ్ బరోడా, హెచ్‌ఎస్‌బీసీ బ్యాంక్ క్రెడిట్ కార్డులు లేదా క్రెడిట్ కార్డ్ ఈఎమ్‌ఐ లావాదేవీల ద్వారా కొనుగోలు చేసే కస్టమర్లకు అదనంగా 10 శాతం ఇన్‌స్టంట్ డిస్కౌంట్ లభిస్తుంది. ఇక్కడ ప్రకటించిన సేల్ ధరలన్నీ కూడా బ్యాంక్ డిస్కౌంట్లు, క్యాష్‌బ్యాక్‌లతో కలిపి ఉన్న ఎఫెక్టివ్ ధరలని గమనించాలి.

ఐఫోన్ 17 ప్రో మాక్స్, 17 ప్రో మోడళ్లపై రూ.22,000 డిస్కౌంట్ 
యాపిల్ కంపెనీ గతేడాది సెప్టెంబర్‌లో భారత్‌లో లాంచ్ చేసిన మోస్ట్ ప్రీమియం ఫ్లాగ్‌షిప్ మోడల్  ఐఫోన్ 17 ప్రో మాక్స్ పై ఈ సేల్‌లో భారీ ఆఫర్ లభిస్తోంది. అసలు ధర రూ.1,49,900 గా ఉన్న ఈ టాప్ ఎండ్ ఫోన్, గోట్ సేల్‌లో ఏకంగా రూ.22,000 తగ్గింపుతో కేవలం రూ.1,27,900కే లభించనుంది. అదేవిధంగా ఐఫోన్ 17 ప్రో మోడల్‌పై కూడా రూ.22,000 ఫ్లాట్ డిస్కౌంట్‌ను ఫ్లిప్‌కార్ట్ ఇస్తోంది. దీంతో దీని అసలు ధర రూ.1,34,900 నుంచి తగ్గి సేల్‌లో కేవలం రూ.1,12,900కే కస్టమర్లకు అందుబాటులో ఉండనుంది. ప్రీమియం ఫోన్లను సొంతం చేసుకోవడానికి ఇదొక సువర్ణావకాశం.

Steam Summer Sale : స్టీమ్ సమ్మర్ సేల్ లైవ్.. వెయ్యికి పైగా గేమ్‌లపై కళ్లు చెదిరే ఆఫర్లు

బేస్ ఐఫోన్ 17, అల్ట్రా థిన్  ఐఫోన్ ఎయిర్లపై ఊహించని ఆఫర్లు!
చాలామంది కొనే స్టాండర్డ్ లేదా బేస్ మోడల్ ఐఫోన్ 17 సాధారణ మార్కెట్ ధర రూ.82,900గా ఉండగా, ఈ సేల్‌లో దీనిని కేవలం రూ.70,900కే సొంతం చేసుకోవచ్చు. అంటే దాదాపు రూ.12,000 ఆదా అవుతుంది. ఇక యాపిల్ నుంచి వచ్చిన స్లిమ్ అండ్ లైట్‌వెయిట్ మోడల్ ఐఫోన్ ఎయిర్ పై కూడా ఫ్లిప్‌కార్ట్ పెద్ద డిస్కౌంట్ ప్రకటించింది. దీని అసలు ధర రూ.1,19,900 కాగా, ఈ గోట్ సేల్‌లో ఏకంగా రూ.24,000 తగ్గింపుతో కేవలం రూ.95,900కే కొనుగోలు చేయవచ్చు. స్లిమ్ లుక్ ఇష్టపడే వారికి ఈ డీల్ బాగా నచ్చుతుంది.

బడ్జెట్ ధరలో లేటెస్ట్ ఐఫోన్ 17ఈ, పాత తరం ఐఫోన్ 16 లపై తగ్గింపులు!
యాపిల్ లేటెస్ట్ బడ్జెట్ మోడల్ ఐఫోన్ 17ఈ సాధారణంగా రూ.64,900కి అమ్ముడవుతుండగా, ఈ సేల్‌లో రూ.4,000 తగ్గింపుతో రూ.60,900కే లభిస్తుంది. కొత్త మోడళ్లతో పాటు పాత తరం సూపర్ హిట్ ఫోన్లపై కూడా ఫ్లిప్‌కార్ట్ డిస్కౌంట్ల వర్షం కురిపించింది. గత తరం ఐఫోన్ 16 అసలు ధర రూ.69,900 నుంచి తగ్గి కేవలం రూ.59,900కే దొరుకుతోంది. అలాగే ఐఫోన్ 16 ప్లస్  రూ.73,900కి, ఐఫోన్ 16ఈ మోడల్ రూ.55,900కి లభిస్తుండగా, ఐఫోన్ 15ని మరింత తక్కువగా కేవలం రూ.49,900కే సొంతం చేసుకోవచ్చు. ఈ సేల్ ఆఫర్లతో పాత ఐఫోన్లను మార్చేసి కొత్త వాటికి అప్‌గ్రేడ్ అవ్వడం చాలా ఈజీ అవుతుంది.