iOS 27 : ఇకపై సిరి మరింత పవర్‌ఫుల్.. స్క్రీన్‌పై ఉన్నది కూడా చదివేసేలా సూపర్ AI అప్‌డేట్!

iOS 27 :  టెక్ దిగ్గజం యాపిల్ తన వార్షిక డెవలపర్స్ కాన్ఫరెన్స్  WWDC 2026 ఈవెంట్‌లో ఐఫోన్ యూజర్ల కోసం ఎంతో కాలంగా ఎదురుచూస్తున్న సరికొత్త ఆపరేటింగ్ సిస్టమ్ iOS 27ను అధికారికంగా లాంచ్ చేసింది. ఈ సరికొత్త సాఫ్ట్‌వేర్ అప్‌డేట్ ఐఫోన్ వినియోగదారులకు సరికొత్త అనుభూతిని పంచేందుకు సిద్ధమైంది. దీనిలో సరికొత్త లిక్విడ్ గ్లాస్ డిజైన్, మరింత అప్‌గ్రేడ్ చేసిన యాపిల్ ఇంటెలిజెన్స్ ఫీచర్లు,  వాయిస్ అసిస్టెంట్ సిరికి భారీ అప్‌డేట్లను అందించారు. ప్రస్తుతం దీనికి సంబంధించిన డెవలపర్ బీటా వెర్షన్ విడుదలైంది. జూలైలో పబ్లిక్ బీటా రానుండగా, సెప్టెంబర్‌లో రాబోయే ఐఫోన్ 18 సిరీస్‌తో పాటు స్టేబుల్ వెర్షన్ అందరికీ అందుబాటులోకి రానుంది.

సిరికి మైండ్ బ్లోయింగ్ ఏఐ పవర్
iOS 27 లో అత్యంత ప్రధానమైన మార్పు యాపిల్ వాయిస్ అసిస్టెంట్ సిరిలో కనిపించనుంది. దీనిని మునుపటి కంటే చాలా స్మార్ట్‌గా, మరింత తెలివిగా మార్చారు. ఇప్పుడు సిరి యూజర్లతో చాలా సాధారణంగా, మనుషులు మాట్లాడుకున్నట్లే సంభాషించగలదు. మనం మాట్లాడే సందర్భాన్ని ఇది చాలా చక్కగా అర్థం చేసుకుంటుంది. అంతేకాదు, మీ ఐఫోన్ స్క్రీన్ పైన లేదా కెమెరా ముందు ఏం కనిపిస్తుందో కూడా సిరి స్వయంగా చూసి అర్థం చేసుకోగల సామర్థ్యాన్ని పొందింది. అలాగే, సిరి ఇచ్చే నోటిఫికేషన్లు లేదా అలర్ట్లు ఇకపై డైనమిక్ ఐలాండ్ ‎లో కనిపిస్తాయి. యూజర్లు తమకు నచ్చినట్లుగా సిరి వాయిస్‌ను కూడా మార్చుకోవచ్చు.

లిక్విడ్ గ్లాస్ డిజైన్ అప్‌డేట్స్
యాపిల్ తన ఐఓఎస్ విజువల్స్ పరంగా లిక్విడ్ గ్లాస్ డిజైన్‌ను ఈ అప్‌డేట్‌లో మరింత మెరుగుపరిచింది. దీని ద్వారా యూజర్లు తమ ఐఫోన్ స్క్రీన్‌పై కనిపించే రకరకాల ఎలిమెంట్స్ ట్రాన్స్‌పరెన్సీని తమకు నచ్చినట్లుగా కంట్రోల్ చేసుకోవచ్చు. అంటే స్క్రీన్ బ్యాక్‌గ్రౌండ్ లేదా విడ్జెట్స్ ఎంతవరకు ఓపాసిటీ కలిగి ఉండాలో యూజర్లే స్వయంగా అడ్జస్ట్ చేసుకోవచ్చు. ఇది ఐఫోన్ హోమ్ స్క్రీన్, కంట్రోల్ సెంటర్‌కు ఒక లగ్జరీ, ప్రీమియం లుక్‌ను తీసుకువస్తుంది.

సఫారీ బ్రౌజర్, పాస్‌వర్డ్స్ యాప్‌లో కొత్త ఫీచర్లు
యాపిల్ ఇంటెలిజెన్స్ ఫీచర్లను కంపెనీ మరిన్ని డిఫాల్ట్ యాప్స్‌కు విస్తరించింది. ముఖ్యంగా సఫారీ బ్రౌజర్‌లో ఏఐ ఆధారిత ట్యాబ్ ఆర్గనైజేషన్ ఫీచర్‌ను ప్రవేశపెట్టారు. ఇది మనం ఓపెన్ చేసే బ్రౌజర్ ట్యాబ్‌లను వాటి కేటగిరీల ఆధారంగా ఆటోమేటిక్‌గా సెట్ చేస్తుంది. దీనితో పాటు నోటిఫై మీ అనే సరికొత్త ఆప్షన్ కూడా వచ్చింది. మరోవైపు పాస్‌వర్డ్స్ యాప్‌లో ఇకపై సపోర్ట్ ఉన్న అకౌంట్ల పాస్‌వర్డ్‌లను ఆటోమేటిక్‌గా అప్‌డేట్ చేసే సదుపాయాన్ని కల్పించారు. అలాగే షార్ట్‌కట్స్ యాప్‌లో ఎలాంటి కోడింగ్ లేకుండా సాధారణ భాషను ఉపయోగించి కొత్త షార్ట్‌కట్లను క్రియేట్ చేసుకోవచ్చు.

మీ ఐఫోన్‌కు iOS 27 వస్తుందా?  
పాత ఐఫోన్ యూజర్లకు యాపిల్ ఒక పెద్ద గుడ్ న్యూస్ చెప్పింది. దాదాపు ఐదేళ్ల క్రితం వచ్చిన ఐఫోన్ 11 సిరీస్ నుంచి లేటెస్ట్ ఐఫోన్ల వరకు ఈ అప్‌డేట్ లభిస్తుందని కంపెనీ స్పష్టం చేసింది. iOS 27 సపోర్ట్ చేసే ఫోన్ల జాబితా ఇక్కడ చూడండి:
* iPhone 11, 11 Pro, 11 Pro Max
* iPhone 12, 12 mini, 12 Pro, 12 Pro Max
* iPhone 13, 13 mini, 13 Pro, 13 Pro Max
* iPhone 14, 14 Plus, 14 Pro, 14 Pro Max
* iPhone SE (2nd & 3rd Gen)
* iPhone 15, 15 Plus, 15 Pro, 15 Pro Max
* iPhone 16, 16e, 16 Plus, 16 Pro, 16 Pro Max
* iPhone 17, 17e, iPhone Air, 17 Pro, 17 Pro Max

New Smartphones : భారత మార్కెట్లో మొబైల్స్ జాతర.. ఈ వారంలో లాంచ్ అవుతున్న 4 సూపర్ స్మార్ట్‌ఫోన్లు

కానీ.. పాత ఫోన్లలో అన్ని ఏఐ ఫీచర్లు ఉండవు!
యాపిల్ iOS 27 అప్‌డేట్‌ను పాత మోడళ్లకు ఇస్తున్నప్పటికీ, ఒక చిన్న షరతు విధించింది. ఈ సాఫ్ట్‌వేర్‌లో వచ్చే అన్ని అడ్వాన్స్‌డ్ యాపిల్ ఇంటెలిజెన్స్  ఫీచర్లు అన్ని ఐఫోన్లలో పని చేయవు. పాత ఐఫోన్లలోని హార్డ్‌వేర్ సామర్థ్యం ఈ భారీ ఏఐ మోడళ్లను రన్ చేయడానికి సరిపోదు. అందుకే యాపిల్ యొక్క అత్యంత పవర్‌ఫుల్ ఆన్-డివైజ్ AI మోడల్ కేవలం రాబోయే ప్రీమియం మోడల్స్ అయిన iPhone 17 Pro, సరికొత్త iPhone Air మోడళ్లలో మాత్రమే అందుబాటులో ఉంటుందని నివేదికలు చెబుతున్నాయి.

iOS 27 డెవలపర్ బీటా ఇప్పుడే ఇన్‌స్టాల్ చేసుకోండిలా..
ఎవరైనా కస్టమర్లు కొత్తగా వచ్చిన iOS 27 ఫీచర్లను ఇప్పుడే టెస్ట్ చేయాలనుకుంటే, తమ ఫోన్లలో డెవలపర్ బీటాను ఇన్‌స్టాల్ చేసుకోవచ్చు.
* మొదట యాప్ స్టోర్ నుండి Apple Developer యాప్‌ను డౌన్‌లోడ్ చేసుకోండి.
* మీ యాపిల్ ఐడీతో అందులోకి లాగిన్ అవ్వండి.
* యాపిల్ డెవలపర్ ప్రోగ్రామ్‌లో రిజిస్టర్ చేసుకోండి.
* ఆ తర్వాత ఫోన్ Settings > General > Software Update ఆప్షన్‌లోకి వెళ్లాలి.
* అక్కడ కనిపించే 'Beta Updates' లోకి వెళ్లి iOS 27 Developer Beta ని సెలెక్ట్ చేసుకుని ఇన్‌స్టాల్ చేసుకోవచ్చు.
ఒకవేళ అప్‌డేట్ కనిపించకపోతే, సెట్టింగ్స్‌లోని Privacy & Security లోకి వెళ్లి  Developer Mode ఆన్ చేయాల్సి ఉంటుంది. అయితే, బీటా వెర్షన్లలో చాలా బగ్‌లు లేదా బ్యాటరీ సమస్యలు ఉండే అవకాశం ఉన్నందున, అప్‌డేట్ చేసే ముందు మీ ఐఫోన్ డేటాను పూర్తిగా బ్యాకప్ చేసుకోవడం మంచిదని నిపుణులు సూచిస్తున్నారు.