iPhone 18 Pro : ఐఫోన్ లవర్స్‌కు బిగ్ షాక్.. ఐఫోన్ 18 ప్రో మోడళ్లలో బ్యాటరీ సైజ్ మారబోతోందా?

iPhone 18 Pro : టెక్ ప్రపంచంలో ఆపిల్ ఐఫోన్లకు ఉండే క్రేజ్ గురించి ప్రత్యేకంగా చెప్పాల్సిన అవసరం లేదు. ప్రతి ఏడూ సరికొత్త సిరీస్‌లతో వచ్చే ఆపిల్, ఈసారి తన రాబోయే ఐఫోన్ 18 ప్రో మోడల్‌పై ఒక వింత నిర్ణయం తీసుకోబోతున్నట్లు సమాచారం. తాజా లీకుల ప్రకారం.. ఆపిల్ సంస్థ వేర్వేరు దేశాల మార్కెట్లను బట్టి ఐఫోన్ 18 ప్రో లో వేర్వేరు బ్యాటరీ సామర్థ్యాలను అందించే అవకాశం ఉంది. ముఖ్యంగా, ఇప్పటికీ ఫిజికల్ సిమ్ కార్డులను ఉపయోగించే దేశాల్లో విక్రయించే ఐఫోన్లలో చిన్న బ్యాటరీని, అలాగే కేవలం ఈ-సిమ్ మాత్రమే సపోర్ట్ చేసే వెర్షన్లలో పెద్ద బ్యాటరీని అమర్చబోతున్నట్లు టెక్ వర్గాలు చెబుతున్నాయి.

ఈ షాకింగ్ వివరాలు ప్రముఖ చైనీస్ టిప్‌స్టర్ డిజిటల్ చాట్ స్టేషన్  చైనా సోషల్ మీడియా ప్లాట్‌ఫారమ్ వెయిబోలో పెట్టిన పోస్ట్ ద్వారా వెలుగులోకి వచ్చాయి. ఆ తర్వాత మరో ప్రముఖ లీకర్ ఐస్ యూనివర్స్ కూడా ఈ సమాచారాన్ని ధృవీకరించారు. వారి కథనం ప్రకారం.. ఆపిల్ ప్రస్తుతం ఐఫోన్ 18 ప్రో కోసం రెండు రకాల బ్యాటరీ కాన్ఫిగరేషన్లను టెస్ట్ చేస్తోంది. ఇందులో ఫిజికల్ సిమ్ స్లాట్ ఉండే మోడల్‌లో 4,056mAh బ్యాటరీని, కేవలం ఈ-సిమ్ మాత్రమే ఉండే మోడల్‌లో అంతకంటే పెద్దదైన 4,288mAh బ్యాటరీని అమర్చనున్నారు. సిమ్ స్లాట్ తీసేయడం వల్ల కారులో మిగిలే ఖాళీ స్థలాన్ని పెద్ద బ్యాటరీ పెట్టడానికి ఆపిల్ వాడుకోబోతోంది.

ఈ బ్యాటరీ వ్యత్యాసం భవిష్యత్తులో మరింత కీలకంగా మారే అవకాశం ఉంది. ఎందుకంటే ఆపిల్ తన ఈ-సిమ్ ఓన్లీ వ్యూహాన్ని మరికొన్ని దేశాలకు విస్తరించాలని చూస్తోంది. ఇప్పటికే అమెరికాలో ఫిజికల్ సిమ్ లేని మోడళ్లను అమ్ముతుండగా, ఐఫోన్ 18 సిరీస్‌తో కొన్ని యూరోపియన్ దేశాల్లో కూడా కేవలం ఈ-సిమ్ మోడళ్లనే ప్రవేశపెట్టవచ్చని తెలుస్తోంది. ఒకవేళ అదే జరిగితే ఆయా దేశాల యూజర్లకు పెద్ద బ్యాటరీ లభిస్తుంది. అంతేకాకుండా, భవిష్యత్తులో ఆపిల్ తన అన్ని ఐఫోన్ మోడళ్ల నుండి ఫిజికల్ సిమ్ సపోర్ట్‌ను పూర్తిగా తీసేయాలని ప్లాన్ చేస్తోంది, దీనివల్ల రాబోయే రోజుల్లో ఈ ప్రాంతీయ బ్యాటరీ తేడాలు పూర్తిగా తొలిగిపోవచ్చు.

ఈ బ్యాటరీ మార్పు కేవలం స్టాండర్డ్ ప్రో మోడల్‌కే పరిమితం కాకుండా, టాప్ ఎండ్ మోడల్ అయిన ఐఫోన్ 18 ప్రో మాక్స్‎లో కూడా ఉండబోతున్నట్లు మునుపటి లీకులు చెబుతున్నాయి. ఐఫోన్ 18 ప్రో మాక్స్ ఈ-సిమ్ వెర్షన్లలో 5,100mAh నుంచి 5,200mAh మధ్య పెద్ద బ్యాటరీ ఉండే అవకాశం ఉండగా, ఫిజికల్ సిమ్ ఉండే మోడళ్లలో మాత్రం అది కేవలం 5,000mAh కి దగ్గరగా ఉండవచ్చని సమాచారం. దీనివల్ల ప్రొడక్షన్ పరంగా ఆపిల్ కొన్ని మార్పులు చేయాల్సి వస్తోంది.

బ్యాటరీతో పాటు ఐఫోన్ 18 ప్రో లో పవర్‌ఫుల్ హార్డ్‌వేర్ అప్‌గ్రేడ్స్ కూడా ఉండబోతున్నాయి. ఇందులో ఆపిల్ యొక్క నెక్స్ట్ జనరేషన్ ఏ20 ప్రో (A20 Pro) ప్రాసెసర్‌ను ఉపయోగించనున్నారు. ఈ చిప్‌ను ప్రముఖ సెమీకండక్టర్ తయారీ సంస్థ టీఎస్ఎమ్‌సీకి చెందిన సరికొత్త 2nm ప్రాసెస్ టెక్నాలజీపై తయారు చేయబోతున్నారు. ఈ కొత్త చిప్‌సెట్ అద్భుతమైన పవర్ ఎఫిషియన్సీని అందిస్తుంది. దీనివల్ల బ్యాటరీ సైజ్ చిన్నగా ఉన్నప్పటికీ, ఫోన్ బ్యాటరీ లైఫ్ మాత్రం మునుపటి కంటే చాలా మెరుగ్గా ఉండేలా ఈ చిప్ సహాయపడుతుంది.

Sony Bravia 7II : టీవీ రంగంలో సోనీ సరికొత్త సంచలనం.. తొలిసారి ట్రూ ఆర్‌జీబీ ఎల్‌ఈడీ టెక్నాలజీతో ఎంట్రీ

కెమెరా విభాగంలో కూడా ఆపిల్ ఒక పెద్ద అడుగు వేయబోతోంది. ఐఫోన్ 18 ప్రో ప్రోటోటైప్‌లో వేరియబుల్-అపెర్చర్ కలిగిన 48-మెగాపిక్సెల్ ప్రైమరీ కెమెరాను ఆపిల్ పరీక్షిస్తోందని లీకులు చెబుతున్నాయి. వెనుక వైపు ఎప్పటిలాగే ట్రిపుల్ 48-మెగాపిక్సెల్ కెమెరా సెటప్ ఉన్నప్పటికీ, ప్రధాన మార్పులన్నీ మెయిన్ సెన్సార్‌లోనే ఉండబోతున్నాయి. ఈ వేరియబుల్ అపెర్చర్ ఫీచర్ వల్ల లైటింగ్ కండిషన్స్ ని బట్టి కెమెరా లెన్స్ అడ్జస్ట్ అవుతుంది, దీనివల్ల తక్కువ కాంతిలో కూడా ప్రొఫెషనల్ రేంజ్ ఫోటోలు, వీడియోలు తీసుకోవచ్చు.

అయితే, ఈ పెద్ద బ్యాటరీ, అప్‌గ్రేడెడ్ కెమెరా సిస్టమ్, నెక్స్ట్ జనరేషన్ 2nm చిప్‌సెట్ వంటి భారీ మార్పుల వల్ల ఐఫోన్ 18 ప్రో తయారీ ఖర్చు చాలా వరకు పెరిగే అవకాశం ఉందని విశ్లేషకులు భావిస్తున్నారు. ఇది కస్టమర్లపై ధరల భారాన్ని పెంచే అవకాశం ఉంది. కానీ, చైనా వంటి దేశీయ బ్రాండ్ల నుంచి గట్టి పోటీ ఉన్న మార్కెట్లలో ఆపిల్ ఈ అదనపు ఖర్చును తానే భరించి, ధరలను పెంచకుండా పాత ధరలకే విక్రయించే ఆలోచనలో కూడా ఉన్నట్లు కొన్ని నివేదికలు చెబుతున్నాయి.

డిజైన్ విషయానికి వస్తే, ఐఫోన్ 18 ప్రో లో ఎలాంటి భారీ లుక్ మార్పులు ఉండకపోవచ్చు. ఆపిల్ తన ఐఫోన్ హిస్టరీలో అత్యంత కీలకమైన డిజైన్ మార్పులను 2027 లో రాబోయే యానివర్సరీ ఐఫోన్ కోసం దాచిపెట్టినట్లు తెలుస్తోంది. ప్రస్తుతం అందుబాటులో ఉన్న ఈ సమాచారం అంతా కేవలం ప్రోటోటైప్ హార్డ్‌వేర్‌పై ఆధారపడి వచ్చినందున, ఫోన్ మాస్ ప్రొడక్షన్‌లోకి వెళ్లేసరికి ఫైనల్ స్పెసిఫికేషన్లలో కొన్ని మార్పులు జరిగే అవకాశం కూడా ఉంది.