Offer on Google Pixel 10: గూగుల్ లేటెస్ట్ ఫోన్‌పై ఊహించని ఆఫర్.. విజయ్ సేల్స్‌లో గూగుల్ పిక్సెల్ 10 పై భారీ డిస్కౌంట్!

Huge discount on Pixel 10: ప్రీమియం స్మార్ట్‌ఫోన్ విభాగంలో గూగుల్ పిక్సెల్ ఫోన్లకు ఉండే డిమాండ్, క్రేజ్ ప్రత్యేకమైనది. గూగుల్ సాఫ్ట్‌వేర్ పవర్, అద్భుతమైన కెమెరా ఫీచర్లు కోరుకునే వారి కోసం సరికొత్త  గూగుల్ పిక్సెల్ 10 5G మార్కెట్లో దూసుకుపోతోంది. మీరు కూడా ఈ లేటెస్ట్ ఫ్లాగ్‌షిప్ స్మార్ట్‌ఫోన్‌ను సొంతం చేసుకోవాలని చూస్తుంటే ఇదే సరైన సమయం. ప్రముఖ ఎలక్ట్రానిక్స్ రిటైల్ స్టోర్  విజయ్ సేల్స్ ఈ ఫోన్‌పై అఫీషియల్‌గా భారీ ప్రైస్ కట్, క్రేజీ ఆఫర్లను లైవ్‌లోకి తీసుకువచ్చింది.

ఫ్లాట్ డిస్కౌంట్, లాంచ్ ప్రైస్ వివరాలు..
గూగుల్ కంపెనీ తమ మోస్ట్ పాపులర్ పిక్సెల్ 10 5G స్మార్ట్‌ఫోన్‌ను మార్కెట్లోకి రూ.79,999ల MRP ధరతో లాంచ్ చేసింది. అయితే, ప్రస్తుతం విజయ్ సేల్స్ ప్లాట్‌ఫారమ్‌లో ఈ ఫోన్ నేరుగా రూ.74,999 ధరకే లిస్ట్ చేయబడింది. అంటే ఎలాంటి బ్యాంక్ కార్డ్‌లు లేదా ఎక్స్ఛేంజ్ ఆఫర్లు వాడకపోయినా సరే.. కస్టమర్లకు నేరుగా రూ.5,000ల ఫ్లాట్ డిస్కౌంట్ లభిస్తోంది. ఒక లేటెస్ట్ ప్రీమియం ఫోన్‌పై ఈ రేంజ్ ఫ్లాట్ డిస్కౌంట్ దొరకడం చాలా అరుదు.

హెచ్‌డీఎఫ్‌సీ బ్యాంక్ ఆఫర్ల క్రేజీ ట్విస్ట్..
విజయ్ సేల్స్ కేవలం ఫ్లాట్ డిస్కౌంట్‌తోనే ఆగకుండా, కస్టమర్లకు మరింత లాభం చేకూర్చడానికి ఒక అదిరిపోయే బ్యాంక్ ఆఫర్‌ను కూడా జత చేసింది. మీరు గనుక ఈ ఫోన్‌ను  హెచ్‌డీఎఫ్‌సీ బ్యాంక్ క్రెడిట్ కార్డ్ లేదా డెబిట్ కార్డ్ ఈఎంఐ ట్రాన్సాక్షన్ ద్వారా కొనుగోలు చేస్తే.. అదనంగా మరో రూ.7,000ల ఇన్‌స్టంట్ డిస్కౌంట్ లభిస్తుంది. దీనితో కస్టమర్లకు ఎంఆర్‌పీ ధరపై మొత్తం కలిపి ఏకంగా రూ.12,000ల వరకు భారీ ఆదా అవుతుంది. ప్రీమియం ఫోన్ కొనాలనుకునే వారికి ఇది నిజంగా బెస్ట్ డీల్ అని చెప్పాలి.

కళ్ళు చెదిరే ఆక్చువా ఓఎల్ఈడీ డిస్‌ప్లే..
గూగుల్ పిక్సెల్ 10 స్మార్ట్‌ఫోన్ అద్భుతమైన డిస్‌ప్లే ఫీచర్లతో వస్తుంది. ఇందులో 1080x2424 పిక్సెల్స్ రెజల్యూషన్, స్మూత్ 120Hz రిఫ్రెష్ రేట్ సపోర్ట్ ఉన్న 6.3-ఇంచ్ ఆక్చువా ఓఎల్ఈడీ డిస్‌ప్లేను అందించారు. ఈ స్క్రీన్ ప్రత్యేకత ఏంటంటే.. ఇది ఏకంగా 3,000 నిట్స్ పీక్ బ్రైట్‌నెస్‌ను సపోర్ట్ చేస్తుంది. దీనివల్ల తీవ్రమైన ఎండలో అవుట్‌డోర్‌కు వెళ్లినా సరే స్క్రీన్ లోని ప్రతీ అక్షరం, కలర్స్ చాలా క్లియర్ కట్‌గా కనిపిస్తాయి. సాఫ్ట్‌వేర్ పరంగా ఈ ఫోన్ సరికొత్త ఆండ్రాయిడ్ 16   ఆపరేటింగ్ సిస్టమ్‌తో వస్తుంది.

నెక్స్ట్ జనరేషన్ టెన్సార్ G5 చిప్‌సెట్ పవర్..
ఈ స్మార్ట్‌ఫోన్‌లో గూగుల్ కంపెనీ సరికొత్తగా అభివృద్ధి చేసిన మోస్ట్ పవర్‌ఫుల్  గూగుల్ టెన్సార్ G5 చిప్‌సెట్‌ను అమర్చింది. ఈ అధునాతన ప్రాసెసర్‌కు తోడుగా ఏకంగా 12GB భారీ రామ్ సామర్థ్యాన్ని అందించడం వల్ల ఫోన్ మల్టీటాస్కింగ్, హెవీ గేమింగ్, ఆర్టిఫిషియల్ ఇంటెలిజెన్స్ టాస్క్‌లను చాలా స్మూత్‌గా, ఎలాంటి లాగ్స్ లేకుండా హ్యాండిల్ చేస్తుంది. అంతేకాకుండా, ఇందులో దాదాపు 5000mAh సామర్థ్యం గల పవర్‌ఫుల్ బ్యాటరీని ఇచ్చారు. ఇది 30W ఫాస్ట్ వైర్డ్ ఛార్జింగ్, 10W ప్రీమియం వైర్‌లెస్ ఛార్జింగ్‌ను కూడా సపోర్ట్ చేస్తుంది.

Google Pixel 7 : 50 MP కెమెరా, టెన్సార్ G2 ప్రాసెసర్.. ఏకంగా రూ. 31 వేల భారీ డిస్కౌంట్‌తో గూగుల్ పిక్సెల్ 7

ప్రొఫెషనల్ ట్రిపుల్ కెమెరా సెటప్..
ఫోటోగ్రఫీ విషయానికి వస్తే గూగుల్ పిక్సెల్ 10 కస్టమర్లను మరో లెవెల్‌కు తీసుకెళ్తుంది. దీని బ్యాక్ సైడ్ మూడు అద్భుతమైన కెమెరాలను అమర్చారు. ఇందులో f/1.7 అపెర్చర్ ఉన్న 48 మెగాపిక్సెల్ వైడ్ ప్రైమరీ కెమెరా, f/2.2 అపెర్చర్ ఉన్న 13 మెగాపిక్సెల్ అల్ట్రా-వైడ్ కెమెరా, అల్ట్రా జూమింగ్ కోసం f/3.1 అపెర్చర్ ఉన్న 10.8 మెగాపిక్సెల్ టెలిఫొటో కెమెరాను ఇచ్చారు. ఇక సెల్ఫీలు, హై క్వాలిటీ వీడియో కాలింగ్ కోసం ముందు వైపు f/2.2 అపెర్చర్ ఉన్న 10.5 మెగాపిక్సెల్ కెమెరా ఉంది. ఈ ఫోన్ కేవలం 152.8 మిమీ పొడవు, 72 మిమీ వెడల్పు, 8.6 మిమీ మందం, 204 గ్రాముల బరువుతో చేతిలో పట్టుకోవడానికి చాలా స్లిమ్‌గా, కంఫర్టబుల్‌గా ఉంటుంది.