Google Pixel 10 : గూగుల్ పిక్సెల్ 10 పై భారీ డిస్కౌంట్.. ఏకంగా రూ.19,000 పైగా తగ్గిన ధర

Google Pixel 10 : ప్రీమియం స్మార్ట్‌ఫోన్ కొనుగోలు చేయాలనుకునే వారికి ఈ సమయం ఎంతో అనుకూలమైనది. గూగుల్ సంస్థ గతేడాది విడుదల చేసిన తమ మోస్ట్ పాపులర్ ఫ్లాగ్‌షిప్ స్మార్ట్‌ఫోన్ గూగుల్ పిక్సెల్ 10 పై ప్రస్తుతం భారీ డిస్కౌంట్ అందుబాటులో ఉంది. అధునాతన ఫీచర్లు, అద్భుతమైన కెమెరా సామర్థ్యం గల ఈ ఫోన్‌ను లాంచ్ సమయంలో భారీ ధర కారణంగా కొనుగోలు చేయలేకపోయిన వారికి ఇది ఒక గొప్ప అవకాశం. ప్రముఖ ఈ-కామర్స్ ప్లాట్‌ఫారమ్ అమెజాన్‌లో ఈ ఫోన్ పై ప్రత్యేక ధరల కోతతో పాటు అదనపు బ్యాంక్ ఆఫర్లు కూడా లభిస్తున్నాయి.

గూగుల్ పిక్సెల్ 10 స్మార్ట్‌ఫోన్ కి చెందిన 12GB రామ్ + 256GB స్టోరేజ్ వేరియంట్ గతేడాది ఆగస్టు 2025లో రూ.79,999 ప్రారంభ ధరతో మార్కెట్లోకి విడుదలైంది. అయితే ప్రస్తుతం అమెజాన్ వెబ్‌సైట్‌లో ఈ ఫోన్ ఏకంగా రూ.63,750 ధరతో లిస్ట్ చేయబడింది. దీనితో పాటు అదనపు ఆఫర్ల కింద హెచ్‌ఎస్‌బీసీ క్రెడిట్ కార్డ్ ద్వారా కొనుగోలు చేసే వారికి 5 శాతం ఇన్‌స్టంట్ డిస్కౌంట్ (గరిష్టంగా రూ.3,000 వరకు) లభిస్తుంది. ఈ కార్డ్ డిస్కౌంట్ కూడా వర్తింపజేస్తే ఈ ఫోన్ ఎఫెక్టివ్ ధర కేవలం రూ.60,750కే చేరుకుంటుంది. అంటే లాంచ్ ధరతో పోలిస్తే కస్టమర్లకు నేరుగా రూ.19,249 వరకు భారీ లాభం చేకూరుతోంది.

ధర తగ్గింపు, బ్యాంక్ ఆఫర్లతో పాటు అమెజాన్ ఈ ఫోన్ పై భారీ ఎక్స్ఛేంజ్ ఆఫర్‌ను కూడా అందిస్తోంది. మీ పాత లేదా ప్రస్తుతం వాడుతున్న స్మార్ట్‌ఫోన్‌ను ఎక్స్ఛేంజ్ చేయడం ద్వారా గరిష్టంగా రూ.30,900 వరకు అదనపు తగ్గింపును పొందవచ్చు. అయితే ఈ ఎక్స్ఛేంజ్ డిస్కౌంట్ అనేది మీరు ఇచ్చే పాత మొబైల్ మోడల్, అది ఎంతవరకు వర్కింగ్ కండిషన్‌లో ఉందనే దానిపై ఆధారపడి ఉంటుంది. ఒకవేళ మీ పాత ఫోన్‌కు మంచి ఎక్స్ఛేంజ్ వాల్యూ వస్తే, గూగుల్ పిక్సెల్ 10 ఫోన్‌ను సగం ధరకంటే తక్కువకే సొంతం చేసుకోవచ్చు.

WhatsApp : వాట్సాప్ యూజర్లకు గుడ్ న్యూస్.. మెసేజ్ ఎడిట్ చేయడం ఇక మరింత ఈజీ

గూగుల్ పిక్సెల్ 10 స్మార్ట్‌ఫోన్ స్పెసిఫికేషన్ల విషయానికి వస్తే.. ఇందులో 1080x2424 పిక్సెల్స్ రెజల్యూషన్ కలిగిన 6.3-ఇంచుల యాక్చువా ఓఎల్ఈడీ డిస్‌ప్లేను అందించారు. ఇది 60Hz నుంచి 120Hz వరకు అడాప్టివ్ రిఫ్రెష్ రేట్‌కు సపోర్ట్ చేస్తుంది. ఎండలో కూడా స్క్రీన్ స్పష్టంగా కనిపించేలా ఇందులో ఏకంగా 3,000 నిట్స్ పీక్ బ్రైట్‌నెస్‌ను ఇచ్చారు. ఈ ఫ్లాగ్‌షిప్ ఫోన్ గూగుల్ కి చెందిన సరికొత్త పవర్‌ఫుల్ గూగుల్ టెన్సార్ జీ5 ప్రొసెసర్‌తో పనిచేస్తుంది. సాఫ్ట్‌వేర్ పరంగా ఈ ఫోన్ సరికొత్త ఆండ్రాయిడ్ 16 ఆపరేటింగ్ సిస్టమ్‌తో వస్తుంది.

గూగుల్ పిక్సెల్ ఫోన్లు ఎప్పుడూ కెమెరా క్వాలిటీకి పెట్టింది పేరు. ఈ పిక్సెల్ 10 వెనుక భాగంలో ట్రిపుల్ రేర్ కెమెరా సెటప్‌ను అమర్చారు. ఇందులో f/1.7 అపెర్చర్ గల 48 మెగాపిక్సెల్ ప్రైమరీ వైడ్ కెమెరా, f/2.2 అపెర్చర్ గల 13 మెగాపిక్సెల్ అల్ట్రా-వైడ్ కెమెరా, దూరంగా ఉన్న వస్తువులను స్పష్టంగా క్యాప్చర్ చేయడానికి f/3.1 అపెర్చర్ గల 10.8 మెగాపిక్సెల్ టెలిఫోటో కెమెరాను అందించారు. అలాగే సెల్ఫీలు, వీడియో కాలింగ్ కోసం ఫోన్ ముందు భాగంలో f/2.2 అపెర్చర్ గల 10.5 మెగాపిక్సెల్ ఫ్రంట్ కెమెరా ఉంది.

ఈ స్మార్ట్‌ఫోన్‌లో దీర్ఘకాలం మన్నికనిచ్చే 4,970mAh సామర్థ్యం గల భారీ బ్యాటరీని అమర్చారు. ఇది 30W ఫాస్ట్ ఛార్జింగ్‌కు, 10W వైర్‌లెస్ ఛార్జింగ్‌కు సపోర్ట్ చేస్తుంది. కారుణ్యం, బరువు విషయానికి వస్తే.. ఈ ఫోన్ పొడవు 152.8 మిమీ, వెడల్పు 72 మిమీ, మందం 8.6 మిమీ, బరువు కేవలం 204 గ్రాములు మాత్రమే ఉంటుంది. కనెక్టివిటీ కోసం ఇందులో 5G నెట్‌వర్క్, వై-ఫై 6E, బ్లూటూత్ v6, ఎన్‌ఎఫ్‌సీ, జీపీఎస్, డ్యూయల్ సిమ్ సపోర్ట్, హైస్పీడ్ డేటా ట్రాన్స్‌ఫర్ కోసం యూఎస్‌బీ టైప్-సి పోర్ట్‌ను అందించారు. ప్రీమియం ఫీచర్లు, అదిరిపోయే కెమెరా ఉన్న ఈ ఫోన్ ఈ ధరలో బెస్ట్ ఆప్షన్‌గా నిలుస్తుంది.