Google Pixel 11 Pro: గూగుల్ మైండ్ బ్లోయింగ్ ఆఫర్.. భారత్‌లో పిక్సెల్ 11 ప్రో, 11 ప్రో ఎక్స్‌ఎల్ లాంచ్

Google Pixel 11 Pro: టెక్ దిగ్గజం గూగుల్ తన మోస్ట్ అవైటెడ్ ఫ్లాగ్‌షిప్ స్మార్ట్‌ఫోన్లు పిక్సెల్ 11 ప్రో, పిక్సెల్ 11 ప్రో ఎక్స్‌ఎల్ మోడళ్లను భారత మార్కెట్లోకి గ్రాండ్‌గా లాంచ్ చేసింది. అద్భుతమైన కెమెరా క్వాలిటీ, సూపర్ ఫాస్ట్ ప్రాసెసర్‌తో వచ్చిన ఈ ఫోన్ల ప్రీ-ఆర్డర్లు ఇప్పటికే ప్రారంభమయ్యాయి. గూగుల్ సంస్థ తన పిక్సెల్ 11 సిరీస్‌లో అత్యంత ప్రీమియం మోడళ్లుగా పిక్సెల్ 11 ప్రో, ప్రో ఎక్స్‌ఎల్ వెర్షన్లను తీసుకొచ్చింది. సాధారణ మోడళ్లతో పోలిస్తే ఇవి అత్యున్నత సాంకేతిక ప్రమాణాలతో రూపుదిద్దుకున్నాయి. భారత్‌లో పిక్సెల్ 11 ప్రో ప్రారంభ ధర రూ.1,09,999 కాగా, పిక్సెల్ 11 ప్రో ఎక్స్‌ఎల్ ప్రారంభ ధర రూ.1,24,999 గా కంపెనీ నిర్ణయించింది. కాన్యన్, ఆలివ్, ఫాగ్, ఆబ్సిడియన్ రంగుల్లో ఇవి లభిస్తున్నాయి. ఈ రెండు ఫోన్లకు ముందస్తు బుకింగ్స్ మొదలయ్యాయి. కొనుగోలుదారులను ఆకట్టుకోవడానికి ఎక్స్చేంజ్ బోనస్‌తో పాటు నెలకు రూ.4,583 నుంచి ప్రారంభమయ్యే నో-కాస్ట్ ఈఎమ్‌ఐ వెసులుబాటును కంపెనీ కల్పిస్తోంది.

పిక్సెల్ 11 ప్రో.. కాంపాక్ట్ సైజ్, అమోఘమైన పవర్ 
గూగుల్ పిక్సెల్ 11 ప్రో మోడల్ 6.3 ఇంచుల సూపర్ యాక్చువా ఎల్‌టీపీవో ఓఎల్‌ఈడీ డిస్‌ప్లే కలిగి ఉంది. 1280 x 2856 పిక్సెల్స్ రెసొల్యూషన్‌తో వచ్చే ఈ స్క్రీన్ 3500 నిట్స్ పీక్ బ్రైట్‌నెస్‌కు సపోర్ట్ చేస్తుంది. స్క్రీన్ రక్షణ కోసం గొరిల్లా గ్లాస్ విక్టస్ 2 అందించారు. ఐపీ68 రేటింగ్ ఉండటం వల్ల నీరు, ధూళి నుంచి ఫోన్‌కు పూర్తి రక్షణ లభిస్తుంది. ఈ డివైజ్‌లో సరికొత్త టెన్సార్ G6 చిప్‌సెట్‌తో పాటు 16GB ర్యామ్, 512GB అంతర్గత స్టోరేజ్ అందుబాటులో ఉన్నాయి. ఇందులో 4,850mAh బ్యాటరీ అమర్చారు. కనెక్టివిటీ కోసం 5జీ, వైఫై 7, బ్లూటూత్ 6, ఎన్‌ఎఫ్‌సీ, నావ్‌ఇక్ వంటి అత్యాధునిక ఆప్షన్లు ఉన్నాయి.

బిగ్ స్క్రీన్ లవర్లకు పిక్సెల్ 11 ప్రో ఎక్స్‌ఎల్ 
పెద్ద స్క్రీన్ కోరుకునే వారి కోసం గూగుల్ పిక్సెల్ 11 ప్రో ఎక్స్‌ఎల్ వెర్షన్‌ను తీసుకొచ్చింది. ఇందులో 6.8 ఇంచుల భారీ డిస్‌ప్లే అమర్చారు. ఇది 120Hz రిఫ్రెష్ రేట్, 3600 నిట్స్ పీక్ బ్రైట్‌నెస్‌తో వెలుగులు చిమ్ముతుంది. అల్యూమినియం ఫ్రేమ్ డిజైన్‌తో వచ్చిన ఈ ఫోన్‌కు కూడా గొరిల్లా గ్లాస్ విక్టస్ 2 రక్షణ ఉంది. టెన్సార్ G6 ప్రాసెసర్‌తో పనిచేసే ఈ ఫోన్‌లో 5,115mAh పెద్ద బ్యాటరీని చేర్చారు. ఇది 45W ఫాస్ట్ ఛార్జింగ్‌కు సపోర్ట్ చేస్తుంది. యూఎస్‌బీ-సి ఛార్జర్ ద్వారా కేవలం 30 నిమిషాల్లోనే 75 శాతం బ్యాటరీ ఛార్జ్ అవుతుందని కంపెనీ స్పష్టం చేసింది.

Honor Robot Phone Launch: 200MP గింబల్ కెమెరాతో సంచలనం.. ప్రపంచంలోనే తొలి రోబోట్ ఫోన్ వచ్చేసింది

ప్రొఫెషనల్ కెమెరా క్వాలిటీ.. 8K వీడియో రికార్డింగ్ 
కెమెరా విషయానికి వస్తే రెండు ప్రో మోడళ్లలోనూ ఒకే రకమైన అద్భుతమైన కెమెరా సెటప్ అందించారు. వెనుకవైపు 50 మెగాపిక్సెల్ ప్రధాన కెమెరాతో పాటు 48 మెగాపిక్సెల్ అల్ట్రావైడ్ కెమెరా ఉన్నాయి. మూడో సెన్సార్‌గా OIS సపోర్ట్ ఉన్న 48 మెగాపిక్సెల్ టెలిఫోటో కెమెరాను అమర్చారు. ప్రో ఎక్స్‌ఎల్ మోడల్‌లో ఏకంగా 120x వరకు ప్రో జూమ్ సదుపాయం ఉంది. సెల్ఫీలు, వీడియో కాల్స్ కోసం ముందు భాగంలో 42 మెగాపిక్సెల్ ఆటోఫోకస్ కెమెరా ఇచ్చారు. ఈ ఫోన్లతో కళ్ళు చెదిరే 8K క్వాలిటీతో వీడియోలు రికార్డ్ చేసుకోవచ్చు.