Lumio : స్మార్ట్ టీవీ లవర్స్‌కు గుడ్ న్యూస్.. మార్కెట్లోకి లుమియో విజన్ 9, విజన్ 7 కొత్త వేరియంట్లు

Lumio : ప్రముఖ టెక్నాలజీ బ్రాండ్ లుమియో భారతీయ కస్టమర్ల కోసం తన ప్రీమియం స్మార్ట్ టీవీల విభాగంలో సరికొత్త మోడళ్లను ప్రవేశపెట్టింది. ఈ ఏడాది ఏప్రిల్ నెలలోనే కంపెనీ తన పవర్‌ఫుల్ లుమియో విజన్ 9 (2026), లుమియో విజన్ 7 (2026) స్మార్ట్ టీవీలను 65 ఇంచుల భారీ డిస్‌ప్లే సైజులో లాంచ్ చేసిన సంగతి తెలిసిందే. అయితే, చాలామంది కస్టమర్లు మీడియం సైజ్ టీవీలను కోరుకోవడంతో, కంపెనీ ఇప్పుడు ఇవే మోడళ్లలో సరికొత్త 55 ఇంచుల డిస్‌ప్లే వేరియంట్లను అధికారికంగా మార్కెట్లోకి తీసుకువచ్చింది.

పెద్ద సైజ్ 65 ఇంచుల మోడళ్లతో పోలిస్తే, ఈ సరికొత్త 55 ఇంచుల స్మార్ట్ టీవీల ధరలు చాలా తక్కువగా ఉన్నాయి. లుమియో విజన్ 9 (2026) క్యూడి-మినీ ఎల్‌ఈడీ స్మార్ట్ టీవీ అసలు ధర రూ.51,999 కాగా, ప్రస్తుత లాంచ్ ఆఫర్‌లో భాగంగా కంపెనీ దీనిని కేవలం రూ.44,999లకే అందిస్తోంది. మరోవైపు, లుమియో విజన్ 7 (2026) క్యూఎల్ఈడీ స్మార్ట్ టీవీ అసలు ధర రూ.39,999గా ఉండగా, ప్రత్యేక ఆఫర్ కింద దీనిని రూ.34,999 లకే సొంతం చేసుకోవచ్చు.

బడ్జెట్ ధరలో ప్రీమియం ఫీచర్లు కోరుకునే వారికి ఈ టీవీలు ఒక బెస్ట్ ఆప్షన్ అని చెప్పొచ్చు. ఈ సరికొత్త 55 ఇంచుల స్మార్ట్ టీవీల విక్రయాలు జూన్ 4 (నేటి) నుంచి భారతదేశంలో అధికారికంగా ప్రారంభమయ్యాయి. కస్టమర్లు వీటిని ప్రముఖ ఈ-కామర్స్ ప్లాట్‌ఫారమ్‌లైన అమెజాన్, ఫ్లిప్‌కార్ట్ ల ద్వారా ఆన్‌లైన్‌లో సులభంగా ఆర్డర్ చేసుకోవచ్చు. స్క్రీన్ సైజ్ కొద్దిగా చిన్నదైనప్పటికీ, పాత 65 ఇంచుల మోడళ్లలో ఉన్న అన్ని రకాల హై-ఎండ్ ఫీచర్లు, స్పెసిఫికేషన్లను ఇందులోనూ ఎలాంటి మార్పులు లేకుండా అట్లాగే కొనసాగించారు.

Google : ఆండ్రాయిడ్ యూజర్లకు గూగుల్ బంపర్ గిఫ్ట్.. ఇకపై ఫేక్ కాల్స్ వస్తే ముందే అలర్ట్

 
సాంకేతిక వివరాల విషయానికి వస్తే, హై-ఎండ్ మోడల్ అయిన లుమియో విజన్ 9 కారులో మీడియాటెక్ పెంటోనిక్ 700 ఎస్‌ఓసీ పవర్‌ఫుల్ ప్రాసెసర్‌ను ఉపయోగించారు. దీనికి తోడుగా 3GB డీడీఆర్4 ర్యామ్, 64GB అంతర్గత స్టోరేజ్ సామర్థ్యం ఉన్నాయి. ఈ టీవీ అద్భుతమైన క్యూడి-మినీ ఎల్‌ఈడీ డిస్‌ప్లేతో వస్తుంది. ఇది 800 నిట్స్ గరిష్ట బ్రైట్‌నెస్, 4K రిజల్యూషన్‌తో కూడిన 144Hz రిఫ్రెష్ రేట్‌ను అందిస్తుంది. గేమ్ ఆడేవారి కోసం 1080p రిజల్యూషన్‌లో ఏకంగా 240Hz రిఫ్రెష్ రేట్‌తో పాటు వీఆర్ఆర్ (VRR), ఏఎల్ఎల్ఎమ్ (ALLM) ఫీచర్లను కూడా చేర్చారు.

సినిమా చూసేటప్పుడు మంచి ఆడియో అనుభూతిని ఇవ్వడం కోసం లుమియో విజన్ 9 లో 50W డీజీఎస్ 2.2 స్పీకర్ సెటప్‌ను అమర్చారు. ఇందులో రెండు పవర్‌ఫుల్ సబ్‌వూఫర్లతో కలిపి మొత్తం ఆరు డ్రైవర్లు ఉన్నాయి, ఇవి డాల్బీ అట్మోస్ సౌండ్ టెక్నాలజీతో పనిచేస్తాయి. లేటెస్ట్ ఆండ్రాయిడ్ 14 ఆపరేటింగ్ సిస్టమ్‌తో ఈ స్మార్ట్ టీవీ రన్ అవుతుంది. దీనివల్ల యూజర్ ఇంటర్‌ఫేస్ చాలా స్మూత్‌గా, యాప్స్ వాడుకోవడానికి ఎంతో సులభంగా ఉంటుంది.

ఇక తక్కువ బడ్జెట్‌లో లభించే లుమియో విజన్ 7 (2026) మోడల్ విషయానికి వస్తే, ఇది కూడా 64GB అంతర్గత స్టోరేజ్ ఆప్షన్‌తో వస్తుంది. ఇందులో అద్భుతమైన విజువల్స్ ఇచ్చే క్యూఎల్ఈడీ డిస్‌ప్లే ప్యానెల్‌ను అమర్చారు. ఇది 400 నిట్స్ గరిష్ట బ్రైట్‌నెస్, 100 శాతం డిసిఐ-పి3 కలర్ గ్యామట్‌ను కలిగి ఉండి, డాల్బీ విజన్, డాల్బీ అట్మోస్ టెక్నాలజీలకు సపోర్ట్ చేస్తుంది. విశేషం ఏంటంటే.. ఈ రెండు స్మార్ట్ టీవీలలోనూ లుమియో బ్రాండ్ కి చెందిన లేటెస్ట్ టీఎల్‌డీఆర్ 2.0  ఫీచర్‌ను కంపెనీ స్టాండర్డ్‌గా అందిస్తోంది.