Amazon Prime Day Sale : అమెజాన్ ప్రైమ్ డే సేల్ హంగామా.. ప్రీమియం స్మార్ట్‌ఫోన్లపై కళ్లు చెదిరే ఆఫర్లు, భారీ డిస్కౌంట్లు

Amazon Prime Day Sale : స్మార్ట్‌ఫోన్ ప్రియులకు అమెజాన్ ఇండియా అదిరిపోయే గుడ్ న్యూస్ చెప్పింది. ఎంతో ఆసక్తిగా ఎదురుచూస్తున్న అమెజాన్ ప్రైమ్ డే సేల్ 2026 జులై 4వ తేదీన ఘనంగా ప్రారంభమైంది. ఈ భారీ షాపింగ్ పండుగ జులై 6వ తేదీ వరకు నిరంతరాయంగా కొనసాగుతుంది. ప్రతి ఏడాది లాగే ఈ సారి కూడా ప్రముఖ బ్రాండ్ల ప్రీమియం, ఫ్లాగ్‌షిప్ స్మార్ట్‌ఫోన్లపై అమెజాన్ భారీ డిస్కౌంట్లను ప్రకటించింది. అయితే ఈ సేల్ ప్రత్యేకంగా కేవలం అమెజాన్ ప్రైమ్ మెంబర్‌షిప్ ఉన్న వినియోగదారులకు మాత్రమే అందుబాటులో ఉంటుంది. కస్టమర్ల షాపింగ్ అనుభవాన్ని మరింత పెంచేందుకు ఎస్‌బీఐ, యాక్సిస్ బ్యాంక్ క్రెడిట్ కార్డులతో జరిపే ఫుల్ పేమెంట్ లేదా ఈఎంఐ  లావాదేవీలపై 10 శాతం వరకు ఇన్‌స్టంట్ డిస్కౌంట్‌ను అందిస్తున్నారు. దీనితో పాటు అమెజాన్ పే ఐసీఐసీఐ బ్యాంక్ క్రెడిట్ కార్డ్ వాడే వారికి 5 శాతం అన్‌లిమిటెడ్ క్యాష్‌బ్యాక్ లభిస్తుంది.

ఈ సేల్‌లో అన్నింటికంటే ప్రధాన ఆకర్షణగా నిలిచింది శామ్‌సంగ్ టాప్ ఎండ్ ఫ్లాగ్‌షిప్ మోడల్  శామ్‌సంగ్ గెలాక్సీ S25 అల్ట్రా. ఈ సూపర్‌ఫోన్ అసలు ధర రూ.1,29,999 కాగా, ప్రైమ్ డే సేల్‌లో లభిస్తున్న ప్రత్యేక ఆఫర్ల ద్వారా దీని ఎఫెక్టివ్ ధరను కేవలం రూ.84,999 కే తగ్గించారు. అంటే కస్టమర్లకు ఏకంగా రూ. 45 వేల వరకు ఆదా చేసుకునే అవకాశం లభిస్తోంది. దీనితో పాటు 9 నెలల వరకు నో కాస్ట్ ఈఎంఐ సదుపాయం కూడా ఉంది. మరోవైపు వన్‌ప్లస్ లవర్స్ ఎంతో ఇష్టపడే వన్‌ప్లస్ 13 పై కూడా అమెజాన్ భారీ ఆఫర్ ప్రకటించింది. లాంచ్ సమయంలో రూ. 72,999 గా ఉన్న ఈ ఫోన్ ధర, బ్యాంక్ ఆఫర్ల సాయంతో సేల్‌లో కేవలం రూ. 49,999 ఎఫెక్టివ్ ధరకే సొంతం చేసుకోవచ్చు.
 

Redmi Note 17 : 10,100mAh మెగా బ్యాటరీ.. 200MP కెమెరా..ఈ నెలలోనే మార్కెట్లోకి రెడ్‌మి నోట్ 17 సిరీస్

మీరు రూ. 50 వేల బడ్జెట్‌లో మంచి ప్రీమియం ఫోన్ కోసం చూస్తుంటే  వన్‌ప్లస్ 15R ఒక అద్భుతమైన ఆప్షన్. మార్కెట్లో రూ. 54,999 ధర ఉన్న ఈ స్మార్ట్‌ఫోన్, అమెజాన్ సేల్‌లో రూ. 48,999 ఎఫెక్టివ్ ధరకు లభిస్తోంది. అలాగే కెమెరా, పర్ఫార్మెన్స్‌కు కేరాఫ్ అడ్రస్‌గా నిలిచే షియోమీ 17T పై కూడా భారీ తగ్గింపు ఉంది. దీని సాధారణ ధర రూ. 84,999 కాగా, బ్యాంక్ డిస్కౌంట్లు అన్ని కలుపుకుని కస్టమర్లు దీనిని రూ. 54,999 కే కొనుగోలు చేయవచ్చు. ఇక కాస్త తక్కువ బడ్జెట్‌లో పవర్‌ఫుల్ 5G ఫోన్ కావాలనుకునే వారి కోసం  ఐకూ Z11x 5G సిద్ధంగా ఉంది. బ్యాంక్ ఆఫర్లు, అదనపు కూపన్ డిస్కౌంట్లతో ఈ ఫోన్ కేవలం రూ. 19,999 ఎఫెక్టివ్ ధరకే అందుబాటులోకి రానుంది.

ఆపిల్ ఐఫోన్ వినియోగదారులకు కూడా ఈ ప్రైమ్ డే సేల్‌లో అదిరిపోయే అప్‌డేట్ లభించింది. అమెజాన్ తన అఫీషియల్ సేల్ పేజీలో సరికొత్త ఐఫోన్ 17 ప్రో, ఐఫోన్ 17 ప్రో మాక్స్ మోడళ్లను లిస్ట్ చేసింది. ప్రస్తుతానికి ఈ ఐఫోన్ల ఖచ్చితమైన సేల్ ధరలను కంపెనీ పూర్తిగా వెల్లడించనప్పటికీ, వీటిపై లాంచ్ ఆఫర్లతో పాటు ఆకర్షణీయమైన బ్యాంక్ డిస్కౌంట్లు ఉండబోతున్నట్లు స్పష్టం చేసింది. ఈ ప్రీమియం స్మార్ట్‌ఫోన్ల కొనుగోలుపై నో కాస్ట్ ఈఎంఐ ఆప్షన్లతో పాటు పాత ఫోన్లను మార్చుకునే వారికి భారీగా ఎక్స్ఛేంజ్ బోనస్ కూడా లభించనుంది. కాబట్టి కొత్త స్మార్ట్‌ఫోన్ కొని డబ్బు ఆదా చేసుకోవడానికి ఈ అమెజాన్ ప్రైమ్ డే సేల్ ఒక సూపర్ ఛాన్స్ అని చెప్పవచ్చు.