Oppo K13 Turbo Pro 5G: ఫ్లిప్‌కార్ట్‌లో ఒప్పో K13 టర్బో ప్రో 5G పై ఊహించని డిస్కౌంట్.. ఏకంగా రూ. 12,000 కంటే ఎక్కువ ఆదా

Oppo K13 Turbo Pro 5G:   ప్రస్తుతం స్మార్ట్‌ఫోన్ మార్కెట్‌లో దాదాపు అన్ని ప్రముఖ కంపెనీలు తమ ఫోన్ల ధరలను పెంచుకుంటూ పోతున్నాయి. కానీ ఈ పరిస్థితుల్లో ప్రముఖ స్మార్ట్‌ఫోన్ బ్రాండ్ ఒప్పో మాత్రం తన కస్టమర్లకు ఊరటనిచ్చే తీపి కబురు అందించింది. ఒప్పో నుంచి వచ్చిన పవర్‌ఫుల్ మోడల్  ఒప్పో K13 టర్బో ప్రో 5G పై ఫ్లిప్‌కార్ట్ ప్లాట్‌ఫారమ్‌లో అదిరిపోయే డిస్కౌంట్లు, బ్యాంక్ ఆఫర్లు అందుబాటులో ఉన్నాయి. ఎంఆర్‌పీ కన్నా చాలా తక్కువ ధరకే ఈ ఫోన్‌ను సొంతం చేసుకునే అవకాశం లభిస్తోంది.  

ఫ్లిప్‌కార్ట్ సేల్ డిస్కౌంట్ వివరాలు 
ఒప్పో K13 టర్బో ప్రో 5G ఫోన్‌కు చెందిన 8GB RAM + 256GB స్టోరేజ్ వేరియంట్ సాధారణంగా రూ. 41,999 ఎంఆర్‌పీ ధరతో లిస్ట్ అయి ఉంటుంది. అయితే ప్రస్తుతం ఫ్లిప్‌కార్ట్‌లో ఈ ఫోన్‌పై దాదాపు 26% వరకు నేరుగా డిస్కౌంట్ లభిస్తోంది. ఈ తగ్గింపు తర్వాత ఫోన్ ఎఫెక్టివ్ ప్రారంభ ధర రూ. 30,999 కే అందుబాటులోకి వచ్చింది. అంటే ఎటువంటి బ్యాంక్ ఆఫర్లు ఉపయోగించకుండానే ఎంఆర్‌పీపై నేరుగా రూ. 11,000 తగ్గింపు పొందుతారు.  

బ్యాంక్ ఆఫర్‌తో అదనంగా రూ. 1,500 తగ్గింపు 
కేవలం ఫ్లాట్ డిస్కౌంటే కాకుండా ఈ ఫోన్‌పై బ్యాంక్ ఆఫర్ కూడా వర్తిస్తుంది. కొనుగోలుదారులు ఎంపిక చేసిన బ్యాంక్ క్రెడిట్ లేదా డెబిట్ కార్డులను ఉపయోగించి లావాదేవీ జరిపితే అదనంగా మరో రూ. 1,500 వరకు అదనపు తగ్గింపును పొందవచ్చు. దీనివల్ల ఈ ఫోన్ ఎఫెక్టివ్ ధర రూ. 29,499 కి తగ్గుతుంది. అంతిమంగా ఎంఆర్‌పీ ధరతో పోలిస్తే కస్టమర్లకు రూ. 12,000 కి పైగానే లాభం చేకూరుతోంది.  

Smartphone Comparison : భారత మార్కెట్‌లోకి కొత్త వన్‌ప్లస్ N6x లాంచ్.. ఐకూ, రియల్‌మీ ఫోన్లకు గట్టి పోటీ

ఒప్పో K13 టర్బో ప్రో 5G స్పెసిఫికేషన్లు, ఫీచర్లు 
ఈ స్మార్ట్‌ఫోన్ డిస్‌ప్లే విషయంలో చాలా అద్భుతంగా ఉంటుంది. ఇందులో 6.80-ఇంచుల LTPS AMOLED డిస్‌ప్లేను అందించారు. ఇది 120Hz రిఫ్రెష్ రేట్, 1,600 నిట్స్ గ్లోబల్ పీక్ బ్రైట్‌నెస్‌కు సపోర్ట్ చేస్తుంది. పవర్‌ఫుల్ గేమింగ్, పెర్ఫార్మన్స్ కోసం క్వాల్కమ్ స్నాప్‌డ్రాగన్ 8s జనరేషన్ 4 ప్రాసెసర్‌ను అమర్చారు. సాఫ్ట్‌వేర్ విషయానికి వస్తే, ఆండ్రాయిడ్ 15 ఆధారిత సరికొత్త కలర్‌ఓఎస్ 15 పై ఈ ఫోన్ పనిచేస్తుంది. దుమ్ము, నీటి నుంచి రక్షణ కోసం డస్ట్ అండ్ వాటర్ రెసిస్టెన్స్ ఫీచర్‌ను కూడా అందించారు.  

కెమెరా, భారీ బ్యాటరీ, కనెక్టివిటీ 
కెమెరా విభాగానికి వస్తే, ఒప్పో K13 టర్బో ప్రో వెనుక వైపు 50MP ప్రైమరీ కెమెరా, 2MP సెకండరీ కెమెరాతో కూడిన డ్యూయల్ కెమెరా సెటప్‌ను కలిగి ఉంది. సెల్ఫీలు, వీడియో కాల్స్ కోసం ముందు భాగంలో 16MP ఫ్రంట్ కెమెరాను ఇచ్చారు. ఇక ఈ ఫోన్‌లో మరో ప్రధాన ఆకర్షణ దీని భారీ బ్యాటరీ. ఇందులో 7,000mAh కెపాసిటీ గల బ్యాటరీ ఉండి, 80W వైర్డ్ ఫాస్ట్ ఛార్జింగ్‌కు సపోర్ట్ చేస్తుంది. కనెక్టివిటీ కోసం 5G, 4G, వై-ఫై 7, బ్లూటూత్ 5.4, జీపీఎస్, ఎన్‌ఎఫ్‌సీ, యూఎస్‌బీ టైప్-సి పోర్ట్‌ల సదుపాయం ఉంది.