OnePlus : బడ్జెట్ ఫోన్లలోనూ 185Hz డిస్‌ప్లే టెక్నాలజీ.. సరికొత్త ప్లాన్‌తో వస్తున్న వన్‌ప్లస్

OnePlus : ప్రముఖ స్మార్ట్‌ఫోన్ తయారీ సంస్థ వన్‌ప్లస్ తన కస్టమర్ల కోసం డిస్‌ప్లే పరంగా ఒక సరికొత్త విప్లవాన్ని తీసుకురాబోతోంది. సాధారణంగా ఎక్కువ రీఫ్రెష్ రేట్ ఉండే డిస్‌ప్లేలను కంపెనీలు కేవలం తమ ప్రీమియం లేదా ఫ్లాగ్‌షిప్ స్మార్ట్‌ఫోన్‌లకే పరిమితం చేస్తుంటాయి. కానీ వన్‌ప్లస్ మాత్రం ఈ టెక్నాలజీని సామాన్యులకు కూడా అందుబాటులోకి తెచ్చేలా ప్లాన్ చేస్తోంది. చైనాకు చెందిన ప్రముఖ టిప్‌స్టర్ స్మార్ట్ పికాచు సోషల్ మీడియా ప్లాట్‌ఫారమ్ వీబోలో షేర్ చేసిన సమాచారం ప్రకారం.. వన్‌ప్లస్ కంపెనీ తన రాబోయే మిడ్-రేంజ్, బడ్జెట్ స్మార్ట్‌ఫోన్‌లలో కూడా సూపర్ స్మూత్ 185Hz రీఫ్రెష్ రేట్ ప్యానెల్స్‌ను అందించడానికి గట్టిగా ప్లాన్ చేస్తోంది.

165Hz స్థానంలో రాబోతున్న 185Hz డిస్‌ప్లేలు 
ప్రస్తుతం వన్‌ప్లస్ మార్కెట్లో విక్రయిస్తున్న పలు మోడల్స్ 165Hz డిస్‌ప్లేలతో వస్తున్నాయి. అయితే ఈ లీకైన సమాచారం కనుక నిజమైతే.. రాబోయే రోజుల్లో 165Hz స్క్రీన్ల స్థానాన్ని సరికొత్త 185Hz స్క్రీన్లు భర్తీ చేయనున్నాయి. ఈ సరికొత్త డిస్‌ప్లే టెక్నాలజీ కేవలం చైనా మార్కెట్కే పరిమితం కాకుండా, గ్లోబల్ మార్కెట్‌తో పాటు భారతదేశంలోని కస్టమర్లకు కూడా అందుబాటులోకి రానుంది. దీనివల్ల ఫోన్ వాడుతున్నప్పుడు స్క్రీన్ టచ్ రెస్పాన్స్ ఎక్కడా లాగ్ లేకుండా, ముఖ్యంగా హై-గ్రాఫిక్స్ గేమ్స్ ఆడేటప్పుడు విజువల్స్ నెక్స్ట్ లెవెల్‌లో చాలా స్మూత్‌గా కనిపిస్తాయి.

మిడ్-రేంజ్ బడ్జెట్‌లోనే లగ్జరీ ఫీచర్లు 
వన్‌ప్లస్ తీసుకురాబోయే ఈ విస్తృతమైన మార్పులో భాగంగా వన్‌ప్లస్ 16R, వన్‌ప్లస్ నార్డ్ 7 స్మార్ట్‌ఫోన్లు ముందు వరుసలో ఉన్నాయి. ప్రస్తుతం మార్కెట్లో ఉన్న వన్‌ప్లస్ 15R, వన్‌ప్లస్ నార్డ్ 6 మోడళ్లలో 165Hz డిస్‌ప్లేలు ఉన్నాయి. కాబట్టి వీటికి సక్సెసర్లుగా రాబోతున్న వన్‌ప్లస్ 16R, నార్డ్ 7 ఫోన్లలో కచ్చితంగా 185Hz డిస్‌ప్లేలను అమర్చే అవకాశం ఉంది. ఈ రెండు సిరీస్‌లు కూడా ఇండియాలో మిడ్-రేంజ్ ప్రీమియం సెగ్మెంట్‌లో చాలా పాపులర్. కాబట్టి తక్కువ ధరలోనే ఈ అడ్వాన్స్‌డ్ స్క్రీన్ ఫీచర్ లభిస్తే ఈ ఫోన్లకు మార్కెట్లో తిరుగుండదు.

Steam Summer Sale : స్టీమ్ సమ్మర్ సేల్ లైవ్.. వెయ్యికి పైగా గేమ్‌లపై కళ్లు చెదిరే ఆఫర్లు

గ్లోబల్, చైనా మోడల్స్ అన్నిటికీ ఇదే స్క్రీన్ 
ఈ కొత్త స్ట్రాటజీ ప్రకారం భవిష్యత్తులో రాబోయే వన్‌ప్లస్ 15, వన్‌ప్లస్ 15T, ఏస్ 6, ఏస్ 6T, ఏస్ 6 అల్ట్రా వంటి మోడళ్ల సక్సెసర్లకు కూడా 185Hz డిస్‌ప్లేలను ఇస్తారని తెలుస్తోంది. వీటిలో ఏస్ సిరీస్, 15T మోడల్స్ కేవలం చైనాలోనే అమ్ముడవుతుండగా, వన్‌ప్లస్ 15, 15R, నార్డ్ 6 వంటి ఫోన్లు గ్లోబల్ మార్కెట్‌లో అందుబాటులో ఉన్నాయి. అయితే వన్‌ప్లస్ 16R, నార్డ్ 7 ఫోన్లు ఇప్పుడప్పుడే మార్కెట్లోకి రాకపోవచ్చు. ఎందుకంటే వన్‌ప్లస్ 15R గత ఏడాది డిసెంబర్ 2025లో లాంచ్ అయింది, అలాగే నార్డ్ 6 ఈ ఏడాది ఏప్రిల్ 2026లోనే మార్కెట్లోకి వచ్చింది. కాబట్టి పాత లాంచ్ ప్యాటర్న్‌ని బట్టి చూస్తే వన్‌ప్లస్ 16R ఈ ఏడాది 2026 చివరలో, నార్డ్ 7 వచ్చే ఏడాది 2027 ప్రారంభంలో విడుదలయ్యే అవకాశం ఉంది.

ఫ్లాగ్‌షిప్ వన్‌ప్లస్ 16 స్పెసిఫికేషన్లు కూడా లీక్ 
మరోవైపు వన్‌ప్లస్ కంపెనీ త్వరలోనే లాంచ్ చేయబోయే తమ అల్టిమేట్ ఫ్లాగ్‌షిప్ ఫోన్ వన్‌ప్లస్ 16 గురించి కూడా కొన్ని ఆసక్తికరమైన లీకులు వచ్చాయి. ఈ ఫోన్ శక్తివంతమైన స్నాప్‌డ్రాగన్ 8 ఎలైట్ జెన్ 6 ప్రో  చిప్‌సెట్‌తో మార్కెట్లోకి అడుగుపెట్టనుంది. అంతేకాకుండా, ఇందులో ప్రముఖ డిస్‌ప్లే తయారీ సంస్థ బీఓఈ సరఫరా చేసే భారీ 6.78 ఇంచుల స్క్రీన్‌ను వాడబోతున్నారు. ఈ స్క్రీన్ చుట్టూ ఉండే బెజెల్స్ అన్ని వైపులా కేవలం 1 మిమీ కంటే తక్కువ సైజులో ఉంటాయట. అంటే ఫోన్ ముందు భాగం మొత్తం దాదాపు స్క్రీన్‌తోనే నిండిపోయి, ప్రీమియం లుక్‌తో కస్టమర్లను ఆకట్టుకోనుంది.