OnePlus N6x : వన్ ప్లస్ నుంచి సరికొత్త బడ్జెట్ ఫోన్ OnePlus N6x సేల్స్ ప్రారంభం.. ఆఫర్లతో భారీగా ఆదా

OnePlus N6x : ప్రముఖ స్మార్ట్‌ఫోన్ బ్రాండ్ వన్ ప్లస్ తమ సరికొత్త బడ్జెట్ స్మార్ట్‌ఫోన్ వన్ ప్లస్ N6xను భారత మార్కెట్లో విక్రయానికి అందుబాటులోకి తెచ్చింది. ప్రముఖ ఈ-కామర్స్ ప్లాట్‌ఫారమ్ అమెజాన్ వేదికగా ఈ ఫోన్ అమ్మకాలు అధికారికంగా ప్రారంభమయ్యాయి. అత్యంత సరసమైన ధరలో అందుబాటులోకి వచ్చిన ఈ స్మార్ట్‌ఫోన్‌లో ఏకంగా 7,000mAh పవర్‌ఫుల్ బ్యాటరీ, ఆక్టా-కోర్ మీడియాటెక్ డైమెన్సిటీ 6000 సిరీస్ ప్రాసెసర్‌ను అందించడం విశేషం. దీనికి తోడు పలు బ్యాంక్ ఆఫర్ల ద్వారా కస్టమర్లు ఈ ఫోన్‌పై మంచి తగ్గింపును కూడా పొందవచ్చు.

ధర, లభించే బ్యాంక్ ఆఫర్ల వివరాలు 
వన్ ప్లస్ N6x స్మార్ట్‌ఫోన్‌కు చెందిన 4GB RAM + 64GB స్టోరేజ్ ప్రాథమిక వేరియంట్ ధర రూ. 18,999గా నిర్ణయించారు. అమెజాన్‌లో ప్రారంభమైన సేల్‌లో భాగంగా, హెచ్‌డీఎఫ్‌సీ బ్యాంక్ క్రెడిట్ కార్డ్‌ని ఉపయోగించి కొనుగోలు చేసే వినియోగదారులకు రూ. 1,500 తక్షణ ఇన్స్టంట్ డిస్కౌంట్ లభిస్తుంది. ఈ బ్యాంక్ ఆఫర్‌ను వర్తింపజేస్తే ఈ ఫోన్ ఎఫెక్టివ్ ప్రారంభ ధర రూ. 17,499 కే కస్టమర్లకు దక్కుతుంది.

డిస్‌ప్లే, ప్రాసెసర్ ప్రదర్శన 
ఈ స్మార్ట్‌ఫోన్‌లో 6.8 ఇంచుల HD+ LCD టచ్‌స్క్రీన్ డిస్‌ప్లే ఇవ్వబడింది. ఇది 720x1570 పిక్సెల్స్ రెసల్యూషన్, 120Hz వరకు రిఫ్రెష్ రేట్, 900 నిట్స్ పీక్ బ్రైట్‌నెస్‌ను సపోర్ట్ చేస్తుంది. ఈ ఫోన్ ఆండ్రాయిడ్ 16 ఆధారిత ఆక్సిజన్ ఓఎస్ 16 ఆపరేటింగ్ సిస్టమ్‌పై పనిచేస్తుంది. ప్రాసెసింగ్ పరంగా ఇందులో పవర్‌ఫుల్ మీడియాటెక్ డైమెన్సిటీ 6360 ఎపెక్స్ చిప్‌సెట్ వాడారు. ఫోన్ వేడెక్కకుండా ఉండేందుకు 13,280 sq mm హీట్ డిస్సిపేషన్ ఏరియాతో కూడిన వేపర్ ఛాంబర్ కూలింగ్ సిస్టమ్‌ను ఇందులో అమర్చారు. అలాగే ఫోన్ గట్టితనానికి MIL-STD-810H డ్యూరబిలిటీ సర్టిఫికేషన్ కూడా ఉంది.

Vi New Plans : యాడ్ల గోల లేకుండా పాటలు వినొచ్చు భయ్యా.. విఐ కొత్త ప్లాన్ చూసి యూజర్లు ఫుల్ ఖుష్

కెమెరా సెటప్, భారీ బ్యాటరీ 
కెమెరా విభాగాన్ని పరిశీలిస్తే.. వన్ ప్లస్ N6x వెనుక వైపు f/2.2 అపెర్చర్‌తో కూడిన 13 మెగాపిక్సెల్ ప్రైమరీ కెమెరాను పొందుపరిచారు. ఇక సెల్ఫీలు, వీడియో కాల్స్ మాట్లాడటానికి ముందు భాగంలో f/2.2 అపెర్చర్‌తో 5 మెగాపిక్సెల్ ఫ్రంట్ కెమెరా ఇవ్వబడింది. ఈ స్మార్ట్‌ఫోన్‌లో ప్రధాన ఆకర్షణ దీని బ్యాటరీనే. ఇందులో ఏకంగా 7,000mAh బ్యాటరీని అందించారు. ఇది 15W వైర్డ్ ఫాస్ట్ ఛార్జింగ్‌తో పాటు 5W వైర్డ్ రివర్స్ ఛార్జింగ్ సపోర్ట్‌ను కలిగి ఉంది.

డిజైన్, కొలతలు 
డిజైన్ పరంగా వన్ ప్లస్ N6x చాలా హుందాగా కనిపిస్తుంది. ఈ ఫోన్ కొలతలను చూస్తే 166.38 మిమీ పొడవు, 78.13 మిమీ వెడల్పు, 8.65 మిమీ మందం, సుమారు 214 గ్రాముల బరువును కలిగి ఉంటుంది. సరసమైన ధరలో ఎక్కువ బ్యాటరీ లైఫ్, మంచి బ్రాండ్ విలువ కోరుకునే వారికి ఈ వన్ ప్లస్ N6x ఒక మంచి ఎంపికగా నిలవనుంది.