OnePlus N6x : రెండు రోజులు ఛార్జింగ్ టెన్షన్ లేదు.. 7000mAh బ్యాటరీతో వస్తున్న OnePlus N6x

OnePlus N6x  : ప్రముఖ ప్రముఖ స్మార్ట్‌ఫోన్ తయారీ సంస్థ ఒన్‌ప్లస్ భారత మార్కెట్‌లో తన సరికొత్త మోడల్ ఒన్‌ప్లస్ N6xను లాంచ్ చేసేందుకు సిద్ధమైంది. రీజనబుల్ అండ్ అఫోర్డబుల్ ధరలో రానున్న ఈ స్మార్ట్‌ఫోన్‌కు సంబంధించిన కీలక స్పెసిఫికేషన్లను కంపెనీ అధికారికంగా వెల్లడించింది. ఇటీవల ఈ సిరీస్‌లో ఒన్‌ప్లస్ N6ను కంపెనీ పరిచయం చేసిన సంగతి తెలిసిందే. తాజాగా రాబోతున్న ఒన్‌ప్లస్ N6x కోసం ఈ-కామర్స్ దిగ్గజం అమెజాన్‎లో ప్రత్యేక మైక్రోసైట్ కూడా అందుబాటులోకి వచ్చింది.

లాంచ్ డేట్ అండ్ సేల్ వివరాలు
భారత మార్కెట్‌లో ఒన్‌ప్లస్ N6x స్మార్ట్‌ఫోన్ జూలై 31, 2026 న అధికారికంగా లాంచ్ కానుంది. లాంచ్ అయిన కొద్ది రోజులకే అంటే ఆగస్టు 4 నుంచి వినియోగదారులకు విక్రయానికి అందుబాటులోకి రానుంది. డిజైన్ పరంగా ఈ ఫోన్ చూడటానికి ఒన్‌ప్లస్ నార్డ్ CE 6 మోడల్‌ను పోలి ఉంటుంది. ఇందులో స్మూత్ ఎక్స్‌పీరియన్స్ అందించే 120Hz రిఫ్రెష్ రేట్‌తో కూడిన ఫ్లాట్ డిస్‌ప్లేను అందించారు. అంతేకాకుండా ఫోటోగ్రఫీని మరింత కలర్‌ఫుల్‌గా మార్చేందుకు AI పోర్ట్రెయిట్ గ్లో, AI అన్‌బ్లర్ వంటి ఆర్టిఫిషియల్ ఇంటెలిజెన్స్ అడ్వాన్స్‌డ్ ఫీచర్లను జోడించారు.

7,000mAh రాక్షస బ్యాటరీ.. మైండ్ బ్లాంక్ బ్యాకప్
ఒన్‌ప్లస్ N6x స్మార్ట్‌ఫోన్‌లో అతిపెద్ద ప్లస్ పాయింట్ దీని బ్యాటరీ కెపాసిటీ. ఇందులో ఏకంగా 7,000 mAh భారీ బ్యాటరీని అమర్చారు. ఒక్కసారి ఛార్జ్ చేస్తే ఈ బ్యాటరీ ఏకంగా 2.5 రోజుల పాటు నిరంతరాయంగా పనిచేస్తుందని కంపెనీ క్లెయిమ్ చేస్తోంది. అంతేకాకుండా సింగిల్ ఛార్జ్‌పై 20 గంటలకు పైగా వీడియో ప్లేబ్యాక్, 133 గంటలకు పైగా మ్యూజిక్, 25 గంటలకు పైగా సోషల్ మీడియా స్క్రోలింగ్ లేదా 11 గంటల పాటు నాన్‌స్టాప్ వీడియో రికార్డింగ్ చేసుకోవచ్చని తెలిపారు. హెవీగా ఫోన్ వాడే వారికి ఇది సరైన ఛాయిస్‌గా నిలవనుంది.

PM Modi : మోదీ సెల్ఫీ వీడియోల మ్యాజిక్.. ఇన్స్టాగ్రామ్‌లో 105 మిలియన్ల రికార్డు ఫాలోవర్స్

లుక్స్, కలర్స్, ప్రీవియస్ మోడల్ వివరాలు
ఈ ఫోన్ ఐస్ బ్లూ, బర్గుండి రెడ్ అనే రెండు ఆకర్షణీయమైన రంగుల్లో లభించనుంది. ఫోన్ వెనుక భాగంలో పిల్-షేప్ డ్యూయల్ రియర్ కెమెరా మోడ్యూల్ విత్ ఎల్‌ఈడీ ఫ్లాష్, టెక్స్చర్డ్ ఫ్లాట్ ప్యానెల్, సెంటర్‌లో ఒన్‌ప్లస్ బ్రాండింగ్ ఇచ్చారు. ఇటీవల భారత మార్కెట్‌లో లాంచ్ అయిన ఒన్‌ప్లస్ N6 మోడల్ 4GB+128GB వేరియంట్ ధర రూ. 22,999 గాను, 6GB+128GB వేరియంట్ ధర రూ. 24,999 గాను ఉంది. అందులో 6.75 ఇంచుల HD+ LCD డిస్‌ప్లే, 50MP కెమెరా, OxygenOS 16 ఉన్నాయి. రాబోయే N6x మోడల్ కూడా దాదాపు ఇదే బడ్జెట్ శ్రేణిలో భారీ బ్యాటరీతో రానుంది.