Poco C85 5G : పోకో లవర్స్‌కు అదిరిపోయే గుడ్ న్యూస్.. రూ.21 వేల స్మార్ట్‌ఫోన్ ఇప్పుడు రూ.15 వేల లోపే

Poco C85 5G : ప్రముఖ స్మార్ట్‌ఫోన్ బ్రాండ్  పోకో గత ఏడాది డిసెంబర్ 2025లో లాంచ్ చేసిన మోస్ట్ పాపులర్ మొబైల్  Poco C85 5G పై ప్రస్తుతం ఫ్లిప్‌కార్ట్ వేదికగా భారీ డిస్కౌంట్ ఆఫర్ లభిస్తోంది. అద్భుతమైన ఫీచర్లు, పవర్‌ఫుల్ పర్ఫార్మెన్స్‌తో మార్కెట్లోకి వచ్చిన ఈ ఫోన్ ధర ఇప్పుడు కస్టమర్లకు మరింత అందుబాటులోకి వచ్చింది. ఎప్పటికప్పుడు బడ్జెట్ ఫ్రెండ్లీ ఫోన్లను అందిస్తూ మార్కెట్లో దూసుకుపోయే పోకో కంపెనీ.. ఇప్పుడు తన లేటెస్ట్ 5G మోడల్ పై ఏకంగా 31 శాతం ఫ్లాట్ డిస్కౌంట్‌ను అధికారికంగా అందిస్తోంది.

ఏకంగా 5 వేల రూపాయల ఫ్లాట్ డిస్కౌంట్
ధర, ఆఫర్ వివరాల్లోకి వెళ్తే.. పోకో C85 5G స్మార్ట్‌ఫోన్‌ను కంపెనీ రూ.20,999 ఎంఆర్‌పీ ధరతో భారత మార్కెట్లో విడుదల చేసింది. కానీ ప్రస్తుతం ఫ్లిప్‌కార్ట్ సేలింగ్ పేజీలో ఈ ఫోన్ ఏకంగా రూ.5,000 కంటే ఎక్కువ తగ్గింపుతో కేవలం రూ.14,499 ప్రారంభ ధరకే లిస్ట్ కావడం విశేషం. ఈ మొబైల్ విడుదలైన తర్వాత దీనిపై లభిస్తున్న లైఫ్ టైమ్ లోయెస్ట్ ప్రైస్ డీల్ ఇదేనని చెప్పవచ్చు. తక్కువ బడ్జెట్‌లో ప్రీమియం 5G ఎక్స్‌పీరియన్స్ కావాలనుకునే వారికి ఇది ఒక గోల్డెన్ ఛాన్స్.

అదనపు సేవింగ్స్ కోసం బ్యాంక్ ఆఫర్
ఫ్లిప్‌కార్ట్ కేవలం ఫ్లాట్ డిస్కౌంట్‌తోనే ఆపకుండా కస్టమర్ల కోసం అదనపు బ్యాంక్ బెనిఫిట్స్ కూడా జోడించింది. మీరు ఈ ఫోన్‌ను కొనుగోలు చేసేటప్పుడు గనుక  Flipkart Axis Bank క్రెడిట్ కార్డ్‌ను ఉపయోగించి పేమెంట్ చేస్తే.. మీకు అదనంగా మరో రూ.725 ఇన్‌స్టాంట్ డిస్కౌంట్ లభిస్తుంది. ఈ విధంగా ఫ్లాట్ డిస్కౌంట్, బ్యాంక్ ఆఫర్లు అన్నీ కలుపుకుంటే.. ఈ ఫోన్ పై దాదాపు రూ.6,000 వరకు భారీ మొత్తంలో ఆదా చేసుకోవచ్చు. ఆఫర్ల తర్వాత ఈ ఫోన్ ఎఫెక్టివ్ ప్రైస్ కేవలం రూ.13,774 గా మారుతుంది.

సినిమా ప్రియుల కోసం భారీ డిస్‌ప్లే ఫీచర్లు
ఫీచర్ల విషయానికి వస్తే.. పోకో C85 5G ఫోన్ లో ఏకంగా 6.9 ఇంచుల భారీ హెచ్‌డీ+ డిస్‌ప్లేను అందించారు. ఇది 1600x720 పిక్సెల్స్ రెజల్యూషన్, 20:9 ఆస్పెక్ట్ రేషియో, సూపర్ స్మూత్ 120Hz రీఫ్రెష్ రేట్‌ను సపోర్ట్ చేస్తుంది. దీనివల్ల కారులో లేదా ఇంట్లో కూర్చుని సినిమాలు చూసేటప్పుడు విజువల్స్ చాలా అద్భుతంగా కనిపిస్తాయి. కంటి రక్షణ కోసం ఈ స్క్రీన్‌కు TUV Rheinlandలో బ్లూ లైట్, ఫ్లికర్-ఫ్రీ డిజిటల్ సర్టిఫికేషన్ల రక్షణ కూడా ఉంది.

Amazon Realme : అమెజాన్‌లో రియల్‌మి నార్జో డేస్ సేల్ షురూ.. స్మార్ట్‌ఫోన్లపై భారీగా తగ్గిన ధరలు

మీడియాటెక్ ప్రాసెసర్, పవర్‌ఫుల్ సాఫ్ట్‌వేర్
ఈ స్మార్ట్‌ఫోన్ లోపల Mali-G57 MC2 గ్రాఫిక్స్ కార్డ్‌తో పాటు శక్తివంతమైన మీడియాటెక్ డైమెన్సిటీ 6300 ప్రాసెసర్‌ను అమర్చారు, ఇది రోజువారీ పనులకు, గేమింగ్ కు చక్కటి స్పీడ్ ఇస్తుంది. ఈ ఫోన్ 4GB, 6GB, 8GB ర్యామ్ ఆప్షన్లతో పాటు 128GB ఇంటర్నల్ స్టోరేజ్ సామర్థ్యంతో లభిస్తుంది. మైక్రో ఎస్‌డీ కార్డ్ ద్వారా స్టోరేజ్‌ను 1TB వరకు పెంచుకోవచ్చు. అలాగే ఇందులో 8GB వరకు వర్చువల్ ర్యామ్ ఎక్స్‌పాన్షన్ సపోర్ట్ కూడా ఉంది. సాఫ్ట్‌వేర్ పరంగా ఇది ఆండ్రాయిడ్ 15 ఆధారిత లేటెస్ట్ హైపర్‌ఓఎస్ 2.2 పై రన్ అవుతుంది. దీనికి 2 పెద్ద ఆండ్రాయిడ్ అప్‌గ్రేడ్లు, 4 ఏళ్ల సెక్యూరిటీ అప్‌డేట్లను కంపెనీ ఆఫర్ చేస్తోంది.

50MP అద్భుత కెమెరా, 6000mAh మెగా బ్యాటరీ
ఫోటోగ్రఫీ కోసం ఈ ఫోన్ వెనుక భాగంలో f/1.8 అపెర్చర్ కలిగిన 50 మెగాపిక్సెల్ పవర్‌ఫుల్ ప్రైమరీ మెయిన్ కెమెరాను ఇచ్చారు. సెల్ఫీలు, వీడియో కాలింగ్ కోసం ముందు భాగంలో 8 మెగాపిక్సెల్ కెమెరా అందుబాటులో ఉంది. ఈ ఫోన్ మరో అతిపెద్ద హైలైట్ ఏంటంటే ఇందులో ఉన్న 6,000mAh భారీ బ్యాటరీ. ఇది 33W వైర్డ్ ఫాస్ట్ ఛార్జింగ్‌తో పాటు 10W రివర్స్ ఛార్జింగ్ సపోర్ట్‌ను కలిగి ఉంది. భద్రత కోసం సైడ్-మౌంటెడ్ ఫింగర్‌ప్రింట్ సెన్సార్, దుమ్ము, నీటి నుంచి రక్షణ కోసం ఐపీ64  రేటింగ్ ఇవ్వబడ్డాయి. కనెక్టివిటీ కోసం ఇందులో 5G సపోర్ట్, 3.5mm ఆడియో జాక్, బ్లూటూత్ 5.4, యూఎస్‌బీ టైప్-సి పోర్ట్ వంటి అన్ని ఆధునిక ఫీచర్లు ఉన్నాయి.