Poco M8 Power vs Vivo T5x 5G vs OnePlus Nord CE6 Lite.. ఏది కొంటే బెస్ట్?

Poco M8 Power vs Vivo T5x 5G vs OnePlus Nord CE6 Lite : పోకో సంస్థ భారత్‌లో తన సరికొత్త స్మార్ట్‌ఫోన్ పోకో M8 పవర్‎ను అధికారికంగా లాంచ్ చేసింది. మధ్యధర బడ్జెట్ విభాగంలో వచ్చిన ఈ ఫోన్ మార్కెట్లో ఇప్పటికే మంచి ఆదరణ పొందుతున్న వీవో T5x 5G, వన్‌ప్లస్ నార్డ్ CE6 లైట్ ఫోన్లకు ప్రత్యక్ష పోటీని ఇస్తోంది. పవర్ఫుల్ ప్రాసెసర్, భారీ బ్యాటరీ, అడ్వాన్స్‌డ్ డిస్‌ప్లే ఫీచర్లతో వచ్చిన ఈ మూడు ఫోన్లలో ఏది అత్యుత్తమమైనదో వివరంగా తెలుసుకుందాం.

ధర, వేరియంట్ల వివరాలు 
పోకో M8 పవర్ 6GB RAM + 128GB స్టోరేజ్ వేరియంట్ ధర రూ.24,999 గాను, 8GB RAM + 128GB వేరియంట్ ధర రూ.27,999 గాను ఉంది. వీవో T5x 5G విషయానికి వస్తే.. 6GB+128GB ధర రూ.24,999, 8GB+128GB ధర రూ.27,999 కాగా, 8GB+256GB వేరియంట్ ధర రూ.30,999 గా నిర్ణయించారు. ఇక వన్‌ప్లస్ నార్డ్ CE6 లైట్ 6GB+128GB వేరియంట్ రూ.25,999, 8GB+128GB వేరియంట్ రూ.27,999, 8GB+256GB వేరియంట్ రూ.30,999 ధరకు లభిస్తున్నాయి.

డిస్‌ప్లే క్వాలిటీ, రెజల్యూషన్ 
పోకో M8 పవర్ లో 6.83 ఇంచుల ఫుల్ HD+ AMOLED డిస్‌ప్లే ఇచ్చారు. ఇది 2396x1080 పిక్సెల్స్ రెజల్యూషన్, 120Hz రిఫ్రెష్ రేట్, 240Hz టచ్ శాంప్లింగ్ రేట్, 1,800 నిట్స్ పీక్ బ్రైట్‌నెస్‌తో వస్తుంది. వీవో T5x 5G లో 6.76 ఇంచుల ఫుల్ HD+ LCD డిస్‌ప్లే (2344x1080 పిక్సెల్స్, 120Hz రిఫ్రెష్ రేట్, 1200 నిట్స్ బ్రైట్‌నెస్) ఉంది. వన్‌ప్లస్ నార్డ్ CE6 లైట్ లో 6.72 ఇంచుల ఫుల్ HD+ LCD డిస్‌ప్లే (2400x1080 పిక్సెల్స్, 144Hz రిఫ్రెష్ రేట్, 680 నిట్స్ బ్రైట్‌నెస్) అందించారు.

ప్రాసెసర్, ఆపరేటింగ్ సిస్టమ్ 
పోకో M8 పవర్ లో క్వాల్కమ్ స్నాప్‌డ్రాగన్ 4 జెన్ 4 ప్రాసెసర్ ఉపయోగించారు. ఇది ఆండ్రాయిడ్ 16 ఆధారిత షావోమి హైపర్ OS 3 పై పనిచేస్తుంది. వీవో T5x 5G మోడల్‌లో మీడియాటెక్ డైమెన్సిటీ 7400 టర్బో చిప్‌సెట్ అందించారు, ఇది ఆండ్రాయిడ్ 16 ఆధారిత ఆరిజిన్ OS 6 తో నడుస్తుంది. ఇక వన్‌ప్లస్ నార్డ్ CE6 లైట్ లో మీడియాటెక్ డైమెన్సిటీ 7400 ఎపెక్స్ ప్రాసెసర్ ఇచ్చారు, ఇది ఆండ్రాయిడ్ 16 ఆధారిత ఆక్సిజన్ OS 16 పై పనిచేస్తుంది.

TRAI MyCall : కాల్ డ్రాప్‌లతో విసిగిపోయారా?.. TRAI MyCall యాప్‌తో నెట్‌వర్క్ తిప్పలకు చెక్

కెమెరా పనితీరు వివరాలు 
పోకో M8 పవర్ వెనుక వైపు 50 మెగాపిక్సెల్ ప్రైమరీ కెమెరా (f/1.8) తో పాటు 5 మెగాపిక్సెల్ సెకండరీ కెమెరా, ముందు భాగంలో 8 మెగాపిక్సెల్ సెల్ఫీ కెమెరా ఉన్నాయి. వీవో T5x 5G వెనుక 50 మెగాపిక్సెల్ ప్రైమరీ (f/1.8), 2 మెగాపిక్సెల్ డెప్త్ కెమెరా ఉన్నాయి. అయితే సెల్ఫీల కోసం ఇందులో భారీగా 32 మెగాపిక్సెల్ (f/2.0) ఫ్రంట్ కెమెరాను అందించారు. వన్‌ప్లస్ నార్డ్ CE6 లైట్ వెనుక 50 మెగాపిక్సెల్ (EIS సపోర్ట్‌తో), 2 మెగాపిక్సెల్ మోనోక్రోమ్ కెమెరా, ముందు 8 మెగాపిక్సెల్ సెల్ఫీ కెమెరాను కలిగి ఉంది.

బ్యాటరీ, కనెక్టివిటీ ఆప్షన్లు 
బ్యాటరీ విభాగంలో పోకో తిరుగులేని ఆధిపత్యాన్ని ప్రదర్శిస్తోంది. పోకో M8 పవర్‎లో 8,000mAh సిలికాన్ కార్బన్ బ్యాటరీని ఇచ్చారు. ఇది 45W వైర్డ్ చార్జింగ్, 22.5W రివర్స్ చార్జింగ్‌కు సపోర్ట్ చేస్తుంది. వీవో T5x 5G‎లో 44W ఫాస్ట్ చార్జింగ్ సపోర్ట్‌తో 7,200mAh బ్యాటరీ రాగా, వన్‌ప్లస్ నార్డ్ CE6 లైట్‎లో 45W SUPERVOOC ఫాస్ట్ చార్జింగ్ సపోర్ట్‌తో 7,000mAh బ్యాటరీ లభిస్తుంది. కనెక్టివిటీ పరంగా మూడింట్లోనూ 5G, వై-ఫై, బ్లూటూత్, టైప్-సి పోర్ట్ సదుపాయాలు ఉన్నాయి.