కనెక్టివిటీలో 5G, Wi-Fi, Bluetooth, GPS, USB Type-C పోర్ట్ వంటి సాధారణ ఫీచర్లు ఉన్నాయి

అమెజాన్‌లో ఇప్పటివరకు తెలియని కొత్త రియల్‌మీ స్మార్ట్‌ఫోన్ కనిపించడంతో టెక్ వర్గాల్లో ఆసక్తి పెరిగింది. లిస్టింగ్‌లో కనిపించిన ఈ మోడల్‌ను Realme 15 Lite 5G పేరుతో కంపెనీ త్వరలోనే భారత్‌లో విడుదల చేసే అవకాశముందని అంచనా. అమెజాన్‌లో నమోదైన వివరాల ప్రకారం, ఈ ఫోన్ 6.78 అంగుళాల 120Hz OLED డిస్‌ప్లే, డ్యూయల్ 50MP రియర్ కెమెరాలు, అలాగే MediaTek Dimensity 8000 చిప్‌సెట్ వంటి లక్షణాలతో రావొచ్చు. అదనంగా, 5,000mAh బ్యాటరీ కూడా ఉండే అవకాశం ఉంది.

Realme 15 Lite 5G ధర :

అమెజాన్ లిస్టింగ్ ప్రకారం, 8GB RAM + 128GB స్టోరేజ్ వేరియంట్‌ను రూ.20,999 ధరతో చూపించారు. ఇది గ్లిట్జ్ గోల్డ్ కలర్ ఆప్షన్‌లో ఉంది. అయితే ప్రస్తుతం అమెజాన్ ఈ ఫోన్‌పై డిస్కౌంట్ అందిస్తున్నందున, దీని అమ్మకపు ధర రూ.17,999‌కు తగ్గింది. ప్రస్తుతం ఈ ఒక్క వేరియంట్ మాత్రమే లిస్ట్‌లో ఉంది; ఇతర RAM లేదా స్టోరేజ్ ఆప్షన్లపై ఎలాంటి సమాచారం కనిపించడం లేదు.

Realme 15 Lite 5G స్పెసిఫికేషన్లు:

అమెజాన్ వివరాల ప్రకారం, ఫోన్‌లో 6.78 అంగుళాల HD+ OLED డిస్‌ప్లే ఉండి, 120Hz రిఫ్రెష్ రేట్ మరియు 453 PPI పిక్సెల్ డెన్సిటీని అందిస్తుంది. ముందు కెమెరా కోసం హోల్-పంచ్ కట్‌అవుట్ కూడా కనిపిస్తోంది. ఫోన్ పరిమాణాలు 162.0 x 76.0 x 8.0mm కాగా, బరువు 187 గ్రాములు మాత్రమే. పనితీరు విషయానికి వస్తే, ఈ ఫోన్‌లో MediaTek Dimensity 8000 చిప్‌సెట్‌ను 2.8GHz క్లాక్ స్పీడ్‌తో జత చేశారు. 8GB RAM, 128GB స్టోరేజ్‌తో కలిసి Android 15పై పనిచేస్తుందని లిస్టింగ్ చెబుతోంది.

కెమెరా విభాగంలో డ్యూయల్ 50MP రియర్ కెమెరాలు, అలాగే 50MP సెల్ఫీ కెమెరా ఉండే అవకాశముంది. 20X డిజిటల్ జూమ్ సపోర్ట్ కూడా అందించేలా పేర్కొన్నారు. సెక్యూరిటీ కోసం ఫేస్ రికగ్నిషన్ ఇవ్వబడినట్టు తెలుస్తోంది.

కనెక్టివిటీలో 5G, Wi-Fi, Bluetooth, GPS, USB Type-C పోర్ట్ వంటి సాధారణ ఫీచర్లు ఉన్నాయి. 5,000mAh బ్యాటరీ కూడా ఫోన్‌లో ఉన్నట్టు లిస్టింగ్ సూచిస్తుంది. అయితే ఇవన్నీ అధికారిక సమాచారం కాదు కాబట్టి, వాస్తవ స్పెసిఫికేషన్లు విడుదల సమయంలో మారే అవకాశం ఉంది.