Realme : ఫ్లిప్‌కార్ట్‌లో రియల్‌మి ధమాకా ఆఫర్.. సగం ధరకే లగ్జరీ కెమెరా ఫోన్!

Realme : ప్రస్తుత స్మార్ట్‌ఫోన్ మార్కెట్లో మంచి కెమెరా, పవర్‌ఫుల్ పర్‌ఫార్మెన్స్ ఉన్న ఫోన్ కొనాలంటే బడ్జెట్ భారీగా ఉండాలి. కానీ, ప్రముఖ ఈ-కామర్స్ దిగ్గజం ఫ్లిప్‌కార్ట్ కస్టమర్ల కోసం ఒక అదిరిపోయే డీల్‌ను తీసుకొచ్చింది. రియల్‌మి బ్రాండ్ లో అత్యంత ప్రజాదరణ పొందిన లగ్జరీ కెమెరా ఫోన్ రియల్‌మి X3 సూపర్‌జూమ్ పై ప్రస్తుతం భారీ డిస్కౌంట్ అందుబాటులో ఉంది. ప్రీమియం ఫీచర్లతో కూడిన ఈ స్మార్ట్‌ఫోన్‌ను ఎన్నడూ లేనంత తక్కువ ధరకే సొంతం చేసుకునే సువర్ణావకాశాన్ని ఫ్లిప్‌కార్ట్ కల్పిస్తోంది.

కళ్లు చెదిరే భారీ డిస్కౌంట్ ఆఫర్
రియల్‌మి X3 సూపర్‌జూమ్ స్మార్ట్‌ఫోన్ అసలు లాంచ్ ధర రూ.31,999 గా ఉండేది. అయితే, ప్రస్తుత ఫ్లిప్‌కార్ట్ సేల్‌లో ఈ ఫోన్‌పై ఏకంగా 43 శాతం వరకు ఫ్లాట్ డిస్కౌంట్‌ను అందిస్తున్నారు. ఈ భారీ తగ్గింపు తర్వాత ఫోన్ కేవలం రూ.18,231 ధరతో లిస్ట్ చేయబడింది. అంటే ఎలాంటి నిబంధనలు లేకుండానే నేరుగా రూ.13,000 వరకు లాభం చేకూరుతోంది. ఈ ఫోన్ మార్కెట్లోకి వచ్చినప్పటి నుంచి ఇప్పటివరకు ఇదే అత్యంత తక్కువ ధర కావడం విశేషం.

అదనపు బ్యాంక్ ఆఫర్లతో మరింత లాభం
ఈ ఫోన్ కొనుగోలుపై ఫ్లిప్‌కార్ట్ కేవలం ఫ్లాట్ డిస్కౌంట్ మాత్రమే కాకుండా అదనపు బ్యాంక్ ఆఫర్లను కూడా అందిస్తోంది. ఒకవేళ మీరు ఈ మొబైల్‌ను Flipkart Axis Bank క్రెడిట్ కార్డ్ ఉపయోగించి కొనుగోలు చేస్తే, మీకు మరో రూ.912 అదనపు ఇన్‌స్టంట్‌ డిస్కౌంట్ లభిస్తుంది. ఈ ఆఫర్లన్నీ కలుపుకుంటే ఈ ఫోన్ పై మొత్తం రూ.14,500 కంటే ఎక్కువ తగ్గింపు లభించినట్లవుతుంది. అన్ని ఆఫర్లు పోను ఈ ఫోన్  ఎఫెక్టివ్ ధర కేవలం రూ.17,319 కే పరిమితం అవుతుంది.

60x సూపర్‌జూమ్ కెమెరా ప్రత్యేకత
ఈ స్మార్ట్‌ఫోన్ లోని ప్రధాన హైలైట్ దీని కెమెరా సెటప్. దీని వెనుక భాగంలో క్వాడ్ కెమెరా సెటప్ ఉంది. ఇందులో 64 మెగాపిక్సెల్ ప్రైమరీ కెమెరాతో పాటు పెరిస్కోప్ లెన్స్‌తో కూడిన 8 మెగాపిక్సెల్ సెకండరీ కెమెరాను ఇచ్చారు. ఇది 5x ఆప్టికల్ జూమ్, ఏకంగా 60x డిజిటల్ జూమ్ సపోర్ట్‌తో వస్తుంది. దీనికి తోడు ఆప్టికల్ ఇమేజ్ స్టెబిలైజేషన్  ఫీచర్ ఉండటం వల్ల సుదూరంలో ఉన్న వస్తువులను కూడా చాలా స్పష్టంగా ఫొటోలు తీయవచ్చు. వీటితో పాటు 8MP అల్ట్రా-వైడ్ లెన్స్, 2MP మాక్రో లెన్స్ ఉన్నాయి. సెల్ఫీల కోసం ముందు వైపు 32MP + 8MP డ్యూయల్ ఫ్రంట్ కెమెరా సెటప్ ఇవ్వడం మరో విశేషం.

Google Photos : స్మార్ట్‌ఫోన్ యూజర్లకు గుడ్ న్యూస్.. బ్లర్ ఫొటోలను క్లియర్ చేసే గూగుల్ అద్భుతమైన ఏఐ ఫీచర్

పవర్‌ఫుల్ ప్రొసెసర్, డిస్‌ప్లే
ఫీచర్ల పరంగా కూడా ఈ ఫోన్ చాలా పటిష్టంగా ఉంటుంది. ఇందులో 6.6 ఇంచుల ఫుల్ హెచ్‌డీ+ ఎల్‌సీడీ డిస్‌ప్లేను అందించారు. ఇది సూపర్ స్మూత్ 120Hz రిఫ్రెష్ రేట్‌ను సపోర్ట్ చేస్తుంది. స్క్రీన్ రక్షణ కోసం కార్నింగ్ గొరిల్లా గ్లాస్ 5 ప్రొటెక్షన్ ఉంది. పర్‌ఫార్మెన్స్ విషయానికి వస్తే, ఇందులో ఆక్టా-కోర్ క్వాల్కమ్ స్నాప్‌డ్రాగన్ 855+ పవర్‌ఫుల్ చిప్‌సెట్‌ను ఉపయోగించారు. గ్రాఫిక్స్ కోసం అడ్రినో 640 జీపీయూ, మల్టీటాస్కింగ్ కోసం 12 జీబీ వరకు భారీ ర్యామ్ (LPDDR4x RAM) సపోర్ట్ ఇందులో ఉంది.

బ్యాటరీ, కనెక్టివిటీ వివరాలు
రియల్‌మి X3 సూపర్‌జూమ్ కారు స్పీడ్‌తో చార్జ్ అవ్వడానికి 30W డార్ట్ చార్జ్ సపోర్ట్ గల 4,200mAh బ్యాటరీని కలిగి ఉంది. ఇది తక్కువ సమయంలోనే ఫోన్‌ను ఫుల్ చార్జ్ చేస్తుంది. కనెక్టివిటీ పరంగా ఇందులో 4జీ, వై-ఫై, బ్లూటూత్ 5.0, జీపీఎస్, యూఎస్‌బీ టైప్-సి పోర్ట్ వంటి ఫీచర్లు ఉన్నాయి. భద్రత కోసం ఫోన్ సైడ్ ప్యానెల్‌లోనే, అంటే పవర్ బటన్‌కు ఇన్‌బిల్ట్‌గా ఫింగర్‌ప్రింట్ సెన్సార్‌ను అమర్చారు. తక్కువ బడ్జెట్ లో బెస్ట్ కెమెరా ఫోన్ కావాలనుకునే వారికి ఈ డీల్ పర్ఫెక్ట్ ఛాయిస్.