Google Photos : స్మార్ట్‌ఫోన్ యూజర్లకు గుడ్ న్యూస్.. బ్లర్ ఫొటోలను క్లియర్ చేసే గూగుల్ అద్భుతమైన ఏఐ ఫీచర్

Google Photos : స్మార్ట్‌ఫోన్ ఉపయోగిస్తున్న ప్రతి ఒక్కరికీ ఎదురయ్యే అతిపెద్ద సమస్యల్లో బ్లర్ ఫొటోలు ఒకటి. చాలా సార్లు అర్జెంట్‌గా ఫొటో తీసేటప్పుడు చేతులు వణకడం వల్లనో, లేదా అవతలి వ్యక్తి కదలడం (మోషన్ బ్లర్) వల్లనో ఫొటోలు పాడైపోతుంటాయి. అలాగే పాత కాలం నాటి లో-క్వాలిటీ కెమెరాలతో తీసిన ఫొటోలు కూడా క్లారిటీ లేక వేస్ట్‌గా పడి ఉంటాయి. ఇలాంటి ఎంతో ఇష్టమైన ఫొటోలు పాడైపోయినప్పుడు యూజర్లు తీవ్ర నిరాశకు గురవుతుంటారు. ఈ సమస్యను శాశ్వతంగా పరిష్కరించేందుకు సెర్చ్ ఇంజిన్ దిగ్గజం గూగుల్ తన గూగుల్ ఫొటోస్, యాప్‌లో ఫొటో అన్‌బ్లర్ అనే అద్భుతమైన ఫీచర్‌ను అందుబాటులోకి తెచ్చింది.

ఆర్టిఫిషియల్ ఇంటెలిజెన్స్ మ్యాజిక్
ఈ ఫొటో అన్‌బ్లర్ అనేది పూర్తిగా ఆర్టిఫిషియల్ ఇంటెలిజెన్స్ ఆధారంగా పనిచేసే ఒక స్మార్ట్ టూల్. ఇది కేవలం ఒకే ఒక్క ట్యాప్‌తో మసకబారిన ఫొటోలోని వివరాలను, ఫేస్ క్లారిటీని అద్భుతంగా ఇంప్రూవ్ చేస్తుంది. ఫొటోలో ఎక్కడెక్కడ లోపాలు ఉన్నాయో గూగుల్ ఏఐ టెక్నాలజీ ఆటోమేటిక్‌గా గుర్తించి, వాటిని షార్ప్‌గా మారుస్తుంది. దీనివల్ల పనికిరాకుండా పోయాయనుకున్న ఫొటోలు కూడా మళ్లీ సరికొత్తగా, ఎంతో అందంగా తయారవుతాయి.

సింపుల్ స్టెప్స్‌లో ఫొటో అన్‌బ్లర్ వాడండిలా:
మీ స్మార్ట్‌ఫోన్‌లో ఈ ఫీచర్‌ను ఉపయోగించడం చాలా సులభం. దీనికోసం క్రింది స్టెప్స్ ఫాలో అవ్వండి:

స్టెప్ 1: మొదట మీ ఆండ్రాయిడ్, ఐఓఎస్ (iPhone) లేదా క్రోమ్‌బుక్ డివైజ్‌లో Google Photos యాప్‌ను ఓపెన్ చేయండి.

స్టెప్ 2: మీరు ఏ బ్లర్ ఫొటోనైతే క్లియర్ చేయాలనుకుంటున్నారో, ఆ ఫొటోను సెలెక్ట్ చేసుకోండి.

స్టెప్ 3: స్క్రీన్ క్రింద భాగంలో కనిపించే Edit ఐకాన్‌పై క్లిక్ చేయండి.

స్టెప్ 4: ఎడిటింగ్ టూల్స్ ఆప్షన్లలో మీకు Photo Unblur అనే ఫీచర్ కనిపిస్తుంది, దానిపై ట్యాప్ చేయండి.

స్టెప్ 5: గూగుల్ ఫొటోస్ ఏఐ సాంకేతికత ఆటోమేటిక్‌గా ఆ ఫొటోకు షార్పనింగ్ ఎఫెక్ట్‌ను అప్లై చేస్తుంది.

స్టెప్ 6: ఫొటో క్లారిటీని మీ ఇష్టప్రకారం అడ్జస్ట్ చేసుకోవడానికి అక్కడ ఉన్న Strength Sliderను ఉపయోగించవచ్చు.

స్టెప్ 7: ఎడిటింగ్ పూర్తయ్యాక, ఒరిజినల్ ఫొటో పాడవకుండా ఉండేందుకు Save Copy పై క్లిక్ చేసి కొత్త ఫొటోను సేవ్ చేసుకోండి.

Apple iOS 27 : మీ ఫోన్‌లో ఐఓఎస్ 27 సపోర్ట్ చేస్తుందా?.. ఎలిజిబుల్ ఐఫోన్ల పూర్తి లిస్ట్ ఇదే!

ఈ ఫీచర్ వాడాలంటే ఉండాల్సిన అర్హతలు
ఈ అద్భుతమైన ఏఐ ఫీచర్‌ను మీ మొబైల్‌లో యాక్సెస్ చేయాలంటే కొన్ని కనీస సిస్టమ్ అవసరాలు ఉన్నాయి. మీ ఆండ్రాయిడ్ మొబైల్‌లో కనీసం 3GB RAM ఉండటంతో పాటు, అది ఆండ్రాయిడ్ 8.0 లేదా అంతకంటే పై వెర్షన్ ఓఎస్‌తో రన్ అవుతుండాలి. ఒకవేళ మీరు ఐఫోన్ యూజర్లు అయితే మీ మొబైల్‌లో ఖచ్చితంగా iOS 15 లేదా ఆపై వెర్షన్ ఉండాలి. ఇక క్రోమ్‌బుక్ ప్లస్ యూజర్ల విషయానికి వస్తే, వారి డివైజ్‌లో క్రోమ్ ఓఎస్ వెర్షన్ 118 లేదా ఆ తరువాతి వెర్షన్ ఉంటేనే ఈ గూగుల్ ఫొటో అన్‌బ్లర్ ఫీచర్ సజావుగా పనిచేస్తుంది.