Redmi Turbo 5 Launched in India: 165Hz రీఫ్రెష్ రేట్, 9000mAh బ్యాటరీ.. భారత మార్కెట్లోకి రెడ్‌మీ టర్బో 5 గ్రాండ్ ఎంట్రీ

Redmi Turbo 5 Launched in India: భారతీయ స్మార్ట్‌ఫోన్ మార్కెట్లో రూ.35,000 నుంచి రూ.45,000 బడ్జెట్ విభాగంలో సరికొత్త పోరు మొదలైంది. ప్రముఖ మొబైల్ దిగ్గజం షావోమి   తన పవర్‌ఫుల్ సిరీస్ నుంచి రెడ్‌మీ టర్బో 5 స్మార్ట్‌ఫోన్‌ను ఇండియాలో అధికారికంగా విడుదల చేసింది. అయితే ఈ సరికొత్త మొబైల్‌కు మార్కెట్లో గట్టి సవాల్ ఎదురుకానుంది. ఎందుకంటే ఫీచర్ల పరంగా ఎంతో పాపులర్ అయిన ఐకూ నియో 10, వన్‌ప్లస్ నార్డ్ 6 ఫోన్లు దీనికి ప్రధాన పోటీదారులుగా నిలిచాయి. ఈ నేపథ్యంలో ఈ మూడు అద్భుతమైన ఫోన్ల మధ్య ఉన్న తేడాలు ఏంటో ఇప్పుడు వివరంగా చూద్దాం.

ధరలు, స్టోరేజ్ వేరియంట్ల లెక్కలు

మొదటగా ధరల విషయానికి వస్తే.. రెడ్‌మీ టర్బో 5 ప్రారంభ వేరియంట్ (8GB/256GB) ధర రూ.37,999 కాగా, టాప్ వేరియంట్ (12GB/256GB) ధర రూ.40,999 గా ఉంది. ఇక ఐకూ నియో 10 విషయానికి వస్తే దీని 8GB/256GB మోడల్ ధర రూ.39,999, 12GB/256GB మోడల్ ధర రూ.44,999గా నిర్ణయించారు. వీటన్నింటికంటే కాస్త ప్రీమియం రేంజ్‌లో ఉన్న వన్‌ప్లస్ నార్డ్ 6 కారు చౌక ధరలో కాకుండా కొంచెం ఎక్కువగా 8GB/256GB వేరియంట్ రూ.42,999, 12GB/256GB వేరియంట్ ధరను రూ.47,999 గా ఉంచింది. ధర పరంగా చూస్తే రెడ్‌మీ టర్బో 5 చాలా తక్కువ బడ్జెట్‌లోనే లభిస్తోంది.

డిస్‌ప్లే క్వాలిటీ, స్మూత్ రిఫ్రెష్ రేట్

డిస్‌ప్లే పరంగా మూడు ఫోన్లూ నెక్స్ట్ లెవెల్ ఎక్స్‌పీరియన్స్‌ను అందిస్తాయి. రెడ్‌మీ టర్బో 5 లో 3500 నిట్స్ పీక్ బ్రైట్‌నెస్, 120Hz రీఫ్రెష్ రేట్ కలిగిన 6.59-ఇంచుల 1.5K ఫ్లూయిడ్ డిస్‌ప్లే ఉంది. ఐకూ నియో 10 లో ఏకంగా 5500 నిట్స్ గరిష్ట బ్రైట్‌నెస్, 144Hz రీఫ్రెష్ రేట్ సపోర్ట్ చేసే పెద్ద 6.78-ఇంచుల 1.5K అమోలెడ్ డిస్‌ప్లేను అమర్చారు. ఇక వన్‌ప్లస్ నార్డ్ 6 లో అందరికంటే ఒకడుగు ముందుకు వేసి 3600 నిట్స్ బ్రైట్‌నెస్, గేమర్స్ కోసం అల్ట్రా స్మూత్ 165Hz రీఫ్రెష్ రేట్ కలిగిన 6.78-ఇంచుల 1.5K అమోలెడ్ డిస్‌ప్లేను ప్రొవైడ్ చేశారు. స్క్రీన్ స్మూత్‌నెస్ పరంగా వన్‌ప్లస్, బ్రైట్‌నెస్ పరంగా ఐకూ ముందంజలో ఉన్నాయి.

పవర్‌ఫుల్ ప్రాసెసర్లు, ఆపరేటింగ్ సిస్టమ్స్

పర్ఫార్మెన్స్ విషయంలో ఈ మూడు మొబైల్స్ దేనికదే సాటి. రెడ్‌మీ టర్బో 5 లో సరికొత్త ఆక్టా-కోర్ మీడియాటెక్ డైమెన్సిటీ 8500 అల్ట్రా ప్రాసెసర్‌ను వాడారు. ఇది ఆండ్రాయిడ్ 16 ఆధారిత హైపర్ ఓఎస్ 3 పై రన్ అవుతుంది. ఐకూ నియో 10 లో పవర్‌ఫుల్ క్వాల్‌కామ్ స్నాప్‌డ్రాగన్ 8s జెన్ 4 చిప్‌సెట్ ఇవ్వబడింది. ఇది ఆండ్రాయిడ్ 15 బేస్డ్ ఫన్‌టచ్ ఓఎస్ 15 పై నడుస్తుంది. వన్‌ప్లస్ నార్డ్ 6 లో కూడా అదే స్నాప్‌డ్రాగన్ 8s జెనరేషన్ 4 ప్రాసెసర్‌ను ఉపయోగించారు. కానీ ఇది లేటెస్ట్ ఆండ్రాయిడ్ 16 ఆధారిత ఆక్సిజన్ ఓఎస్ 16తో పని చేస్తుంది.

Price Hike : స్మార్ట్‌ఫోన్ కొనేవారికి బ్యాడ్ న్యూస్.. వివో, లావా మొబైల్స్ ధరలు భారీగా పెంపు

కెమెరా సెటప్, సెల్ఫీ క్వాలిటీ

ఫోటోగ్రఫీ పరంగా మూడు ఫోన్ల వెనుక భాగంలో ఒకే రకమైన డ్యూయల్ కెమెరా సెటప్ ఉంది. రెడ్‌మీ, ఐకూ, వన్‌ప్లస్ ఫోన్లలో 50 మెగాపిక్సెల్ ప్రైమరీ కెమెరా (OIS సపోర్ట్‌తో), 8 మెగాпиక్సెల్ అల్ట్రా-వైడ్ యాంగిల్ కెమెరాలను ఇచ్చారు. మెయిన్ కెమెరా అవుట్‌పుట్ దాదాపు సమానంగా ఉన్నప్పటికీ సాఫ్ట్‌వేర్ ఆప్టిమైజేషన్ బట్టి మారుతుంది. అయితే సెల్ఫీల విషయానికి వస్తే.. రెడ్‌మీ టర్బో 5 లో 20 మెగాపిక్సెల్ ఫ్రంట్ కెమెరా ఉండగా, ఐకూ నియో 10, వన్‌ప్లస్ నార్డ్ 6 ఫోన్లలో మరింత క్లారిటీతో కూడిన 32 మెగాపిక్సెల్ కెమెరాలను అందించడం విశేషం.

భారీ బ్యాటరీ సామర్థ్యం, సూపర్ ఫాస్ట్ ఛార్జింగ్

ప్రస్తుత రోజుల్లో బ్యాటరీ బ్యాకప్ అనేది చాలా కీలకం. ఈ విషయంలో మూడు కంపెనీలు కూడా అస్సలు తగ్గలేదు. రెడ్‌మీ టర్బో 5 లో 100W ఫాస్ట్ ఛార్జింగ్ సపోర్ట్ చేసే భారీ 7540mAh బ్యాటరీని ఇచ్చారు. ఐకూ నియో 10 లో 120W అత్యంత వేగవంతమైన ఛార్జింగ్‌తో కూడిన 7,000mAh బ్యాటరీ లభిస్తుంది. వీటన్నింటి రికార్డులను బ్రేక్ చేస్తూ వన్‌ప్లస్ నార్డ్ 6 లో ఏకంగా 9,000mAh మెగా బ్యాటరీని 80W సూపర్ ఊక్  ఛార్జింగ్ సపోర్ట్‌తో ప్రవేశపెట్టారు. కనెక్టివిటీ పరంగా 5G, వై-ఫై, బ్లూటూత్, ఎన్‌ఎఫ్‌సీ, యూఎస్‌బీ టైప్-సి పోర్ట్ వంటి ఫీచర్లు మూడింటిలోనూ స్టాండర్డ్‌గా ఉన్నాయి