OnePlus : స్మార్ట్‌ఫోన్ హిస్టరీలోనే బిగ్గెస్ట్ అప్‌డేట్.. మార్కెట్లోకి 9000mAh బ్యాటరీతో పవర్‌ఫుల్ ఫోన్లు

OnePlus : ప్రస్తుత ఆధునిక కాలంలో స్మార్ట్‌ఫోన్ అనేది మన దినచర్యలో ఒక ముఖ్యమైన భాగంగా మారిపోయింది. ఉదయం లేచింది మొదలు రాత్రి పడుకునే వరకు సోషల్ మీడియా వాడకం, సినిమా వినోదం, ఆన్‌లైన్ షాపింగ్, కరెంట్ బిల్లుల చెల్లింపుల వరకు ప్రతి ఒక్కదానికి మొబైల్ పైనే ఆధారపడుతున్నాం. ఇలా రోజంతా ప్రపంచంతో కనెక్ట్ అయి ఉండాలంటే ఫోన్‌లో బలమైన బ్యాటరీ బ్యాకప్ ఉండటం చాలా అవసరం. కస్టమర్ల ఈ అవసరాన్ని గుర్తించిన మొబైల్ కంపెనీలు ఇప్పుడు స్మార్ట్‌ఫోన్లలో భారీ బ్యాటరీలను అందించడం ప్రారంభించాయి. ఈ క్రమంలోనే మార్కెట్లోకి ఏకంగా 9000mAh కంటే ఎక్కువ కెపాసిటీ కలిగిన కొన్ని పవర్‌ఫుల్ ఫోన్లు అందుబాటులోకి వచ్చాయి.  

వన్ ప్లస్ నార్డ్ 6 ధర, ఫీచర్లు
భారత మార్కెట్లో భారీ అంచనాలతో విడుదలైన వన్ ప్లస్ నార్డ్ 6 స్మార్ట్‌ఫోన్ కస్టమర్లను విపరీతంగా ఆకట్టుకుంటోంది. ధర విషయానికి వస్తే.. దీని 8GB ర్యామ్ + 256GB స్టోరేజ్ వేరియంట్ ధర రూ.41,999గా ఉండగా, టాప్ ఎండ్ 12GB ర్యామ్ + 256GB స్టోరేజ్ మోడల్ ధర రూ.46,999గా ఉంది. ఈ ఫోన్ లో ఏకంగా 9,000mAh సామర్థ్యం గల భారీ బ్యాటరీని అమర్చారు. ఇది 80W వైర్డ్ ఫాస్ట్ ఛార్జింగ్‌తో పాటు 27W రివర్స్ ఛార్జింగ్ సపోర్ట్‌ను కలిగి ఉంది. ఇందులో 6.78 ఇంచుల 1.5K అమోలెడ్ డిస్‌ప్లేను ఇచ్చారు, ఇది సూపర్ స్మూత్ 165Hz రీఫ్రెష్ రేట్, 3600 నిట్స్ గరిష్ట బ్రైట్‌నెస్‌ను సపోర్ట్ చేస్తుంది. క్వాల్కమ్ స్నాప్‌డ్రాగన్ 8s జెన్ 4 పవర్‌ఫుల్ చిప్‌సెట్‌తో పనిచేసే ఈ ఫోన్‌లో ఓఐఎస్ సపోర్ట్ ఉన్న 50MP ప్రైమరీ కెమెరా లభిస్తుంది.

వీవో టి5 ప్రో 5G సరికొత్త ఎంట్రీ
ప్రముఖ స్మార్ట్‌ఫోన్ బ్రాండ్ వీవో ఇటీవల భారత మార్కెట్లో Vivo T5 Pro 5G మోడల్‌ను లాంచ్ చేసింది. దీని బేస్ వేరియంట్ (8GB + 128GB) ధర రూ.29,999గా, సెకండ్ వేరియంట్ (8GB + 256GB) ధర రూ.33,999గా, టాప్ వేరియంట్ (12GB + 256GB) ధర రూ.39,999గా నిర్ణయించారు. ఈ ఫోన్ లో ఏకంగా 9,020mAh మెగా బ్యాటరీని ఇచ్చారు. దీనికి 90W ఫాస్ట్ ఛార్జింగ్ సపోర్ట్ ఉండటం వల్ల కేవలం 37 నిమిషాల్లోనే 50 శాతం వరకు ఛార్జ్ అవుతుందని కంపెనీ చెబుతోంది. అంతేకాదు, ఈ బ్యాటరీ లైఫ్ ఏకంగా 5 సంవత్సరాల వరకు అద్భుతంగా పనిచేస్తుందని వీవో హామీ ఇస్తోంది. ఇందులో 6.83 ఇంచుల 144Hz అమోలెడ్ డిస్‌ప్లే, స్నాప్‌డ్రాగన్ 7s జెన్ 4 ప్రాసెసర్, 50MP మెయిన్ కెమెరాతో పాటు ఐపీ68/ఐపీ69 వాటర్ అండ్ డస్ట్ ప్రొటెక్షన్ రేటింగ్స్ ఉన్నాయి.

 

FIFA World Cup 2026 : ఫుట్‌బాల్ ఫ్యాన్స్ కోసం ఫేస్‌బుక్, ఇన్‌స్టాగ్రామ్‌లో సరికొత్త ఫుట్‌బాల్ మోడ్.. ఎలా వాడాలో తెలుసా?

చైనా మార్కెట్లో దుమ్మురేపుతున్న వన్ ప్లస్ టర్బో 6  
వన్ ప్లస్ కంపెనీ ఈ ఏడాది ప్రారంభంలో లాంచ్ చేసిన OnePlus Turbo 6 ప్రస్తుతం చైనా మార్కెట్లో అందుబాటులో ఉంది. ఈ ఫోన్ లో 6.78 ఇంచుల ఫుల్ హెచ్‌డీ+ హై రీఫ్రెష్ రేట్ డిస్‌ప్లేను అందించారు. ఇది స్నాప్‌డ్రాగన్ 8s జెన్ 4 చిప్‌సెట్‌పై రన్ అవుతుంది. ఇందులో గరిష్టంగా 16GB వరకు ర్యామ్, 512GB ఇంటర్నల్ స్టోరేజ్ ఆప్షన్లు లభిస్తాయి. పవర్ కోసం ఇందులో కూడా 9,000mAh భారీ బ్యాటరీ, 80W ఫాస్ట్ ఛార్జింగ్ సదుపాయం ఇచ్చారు. ఫోటోగ్రఫీ కోసం సోనీ LYT-600 సెన్సార్ కలిగిన 50MP ఓఐఎస్ కెమెరా ఉంది. ఈ ఫోన్ కు ఐపీ66, ఐపీ68, ఐపీ69, ఐపీ69K సర్టిఫికేషన్లు ఉన్నాయి, అంటే ఇది నీటిలో మునిగినా, హై-ప్రెషర్ వాటర్ జెట్స్ పడినా ఏమాత్రం పాడవదు.

బడ్జెట్ ఫ్రెండ్లీ మోడల్ వన్ ప్లస్ టర్బో 6V 
టర్బో 6 మోడల్‌తో పాటే కంపెనీ OnePlus Turbo 6V వేరియంట్‌ను కూడా మార్కెట్లోకి తీసుకువచ్చింది. ఇందులో కూడా 6.78 ఇంచుల ఫుల్ హెచ్‌డీ+ స్క్రీన్, అదే పవర్‌ఫుల్ 9,000mAh బ్యాటరీని అందించారు. అయితే ఈ ఫోన్ స్నాప్‌డ్రాగన్ 7s జెన్ 4 చిప్‌సెట్‌పై పనిచేస్తుంది. దీనిని 12GB వరకు ర్యామ్, 512GB వరకు స్టోరేజ్ ఆప్షన్లతో కొనుగోలు చేయవచ్చు. కలర్ ఓఎస్ 16 సాఫ్ట్‌వేర్‌పై రన్ అయ్యే ఈ మొబైల్‌లో ఫాస్ట్ ఛార్జింగ్, రివర్స్ ఛార్జింగ్ సపోర్ట్ ఉంది. కెమెరా సెటప్ పరంగా టర్బో 6 మోడల్ లాగే ఇందులోనూ 50MP సోనీ మెయిన్ కెమెరా, 16MP సెల్ఫీ కెమెరా ఉన్నాయి. కఠినమైన వాతావరణాన్ని తట్టుకునేందుకు దీనికి కూడా ఐపీ66/68/69K రేటింగ్స్ రక్షణ కవచంలా నిలుస్తాయి.