Vivo T5x 5G vs OnePlus Nord CE6 Lite vs Poco M8 5G : ఈ మూడు ఫోన్లలో ఏది బెస్ట్ ఆప్షన్?

Vivo T5x 5G vs OnePlus Nord CE6 Lite vs Poco M8 5G : వివో కంపెనీ భారత్‌లో తన కొత్త 5G స్మార్ట్‌ఫోన్ వివో T5x 5Gని లాంచ్ చేయడంతో మిడ్-రేంజ్ విభాగంలో పోటీ మరింత వేడెక్కింది. ఈ నయా ఫోన్ నేరుగా మార్కెట్లో ఉన్న వన్‌ప్లస్ నార్డ్ CE6 లైట్, పోకో M8 5G ఫోన్లకు గట్టి సవాల్ విసురుతోంది. ఈ మూడు స్మార్ట్‌ఫోన్లు శక్తివంతమైన ప్రాసెసర్లు, మెరుగైన డిస్‌ప్లేలు, భారీ బ్యాటరీలతో వినియోగదారులను ఆకట్టుకుంటున్నాయి. ఈ మూడింటిలో ఫీచర్లు, ధరల పరంగా ఏ ఫోన్ బెస్ట్ ఆప్షనో వివరంగా తెలుసుకుందాం.

ధరలు, వేరియంట్ల వివరాలు
ధర విషయానికి వస్తే.. వివో T5x 5G,  వన్‌ప్లస్ నార్డ్ CE6 లైట్ దాదాపు ఒకే ధరకు లభిస్తున్నాయి. వివో T5x 5G బేస్ వేరియంట్ (6GB+128GB) ధర రూ. 24,999 కాగా, 8GB+128GB ధర రూ. 27,999,  8GB+256GB ధర రూ. 30,999 గా ఉంది. వన్‌ప్లస్ నార్డ్ CE6 లైట్ (6GB+128GB) ధర రూ. 25,999 కాగా, మిగిలిన 8GB+128GB, 8GB+256GB వేరియంట్ల ధరలు వివో లాగే వరుసగా రూ. 27,999, రూ. 30,999 గా ఉన్నాయి. అయితే పోకో M8 5G వీటన్నింటి కంటే తక్కువ ధరలోనే లభిస్తోంది. దీని 6GB+128GB వేరియంట్ ధర రూ. 20,999, 8GB+128GB ధర రూ. 22,999, 8GB+256GB ధర రూ. 24,999 గా నిర్ణయించారు.

డిస్‌ప్లే, ప్రాసెసర్ సామర్థ్యం
డిస్‌ప్లే, పర్ఫార్మెన్స్ పరంగా పోకో ముందంజలో ఉంది. పోకో M8 5G లో 6.77-ఇంచుల 3D కర్వ్‌డ్ అమోలెడ్  డిస్‌ప్లే ఇచ్చారు, ఇది 3,200 నిట్స్ పీక్ బ్రైట్‌నెస్, 120Hz రిఫ్రెష్ రేట్‌కు సపోర్ట్ చేస్తుంది. ఇందులో స్నాప్‌డ్రాగన్ 6 జెన్ 3 ప్రాసెసర్ అమర్చారు. మరోవైపు వివో T5x 5G లో 6.76-ఇంచుల FHD+ LCD డిస్‌ప్లే (120Hz, 1200 నిట్స్) ఉండి, మీడియాటెక్ డైమెన్సిటీ 7400 టర్బో ప్రాసెసర్‌పై పనిచేస్తుంది. వన్‌ప్లస్ నార్డ్ CE6 లైట్ లో 6.72-ఇంచుల FHD+ LCD డిస్‌ప్లే (144Hz, 680 నిట్స్), మీడియాటెక్ డైమెన్సిటీ 7400 ఏపెక్స్ ప్రాసెసర్ ఇచ్చారు. ఆపరేటింగ్ సిస్టమ్ విషయానికి వస్తే వివో, వన్‌ప్లస్‌లు ఆండ్రాయిడ్ 16 ఆధారిత సిస్టమ్‌తో వస్తుండగా, పోకో ఆండ్రాయిడ్ 15 (HyperOS 2)తో పనిచేస్తుంది.

Redmi K100 Series : 185Hz డిస్‌ప్లే, 9000mAh బ్యాటరీ.. త్వరలోనే రెడ్‌మి K100 సిరీస్ రాక

కెమెరా, పవర్‌ఫుల్ బ్యాటరీల పోలిక
కెమెరా విభాగంలో మూడింటిలోనూ వెనుకవైపు 50MP ప్రైమరీ + 2MP సెకండరీ కెమెరా సెటప్ అందించారు. కానీ సెల్ఫీల విషయానికి వస్తే వివో T5x 5G ఏకంగా 32MP ఫ్రంట్ కెమెరాతో అగ్రస్థానంలో నిలవగా, పోకో 20MP, వన్‌ప్లస్ 8MP ఫ్రంట్ కెమెరాలను కలిగి ఉన్నాయి. బ్యాటరీ విభాగంలో వివో ఊహించని రీతిలో ఏకంగా 7,200mAh భారీ బ్యాటరీని (44W ఛార్జింగ్) అందించింది. వన్‌ప్లస్ 7,000mAh బ్యాటరీ (45W SUPERVOOC) తో రెండో స్థానంలో నిలిచింది. పోకో M8 5G లో 5,520mAh బ్యాటరీ (45W ఛార్జింగ్) మాత్రమే ఉంది. పెద్ద బ్యాటరీ, మంచి సెల్ఫీ కెమెరా కావాలనుకునే వారికి వివో, తక్కువ ధరలో అమోలెడ్ స్క్రీన్ కావాలనుకునే వారికి పోకో సరైన ఎంపిక.