Vivo : కెమెరా రంగంలో సరికొత్త విప్లవం.. డిఎస్‌ఎల్‌ఆర్ రేంజ్ ఫీచర్లతో వస్తున్న వివో X500 ప్రో మాక్స్

Vivo : ప్రముఖ స్మార్ట్‌ఫోన్ తయారీ దిగ్గజం వివో మొబైల్ ఫోటోగ్రఫీ ప్రేమికులకు సరికొత్త సర్‌ప్రైజ్ ఇచ్చేందుకు సిద్ధమవుతోంది. తన అప్‌కమింగ్ ఫ్లాగ్‌షిప్ స్మార్ట్‌ఫోన్ సిరీస్‌లో భాగంగా వివో X500 ప్రో మాక్స్ మోడల్‌ను అత్యంత అధునాతన కెమెరా అప్‌గ్రేడ్‌లతో మార్కెట్లోకి తీసుకురానుంది. చైనాకు చెందిన ప్రముఖ మైక్రోబ్లాగింగ్ ప్లాట్‌ఫామ్  వైబోలో ప్రముఖ టిప్‌స్టర్ డిజిటల్ చాట్ స్టేషన్ ఈ ఫోన్‌కు సంబంధించిన కీలక వివరాలను లీక్ చేశారు. ప్రస్తుతం వివో సంస్థ ఈ స్మార్ట్‌ఫోన్‌ను సరికొత్త ఇమేజింగ్ సిస్టమ్‌తో టెస్టింగ్ చేస్తోందని, దీని కెమెరా క్వాలిటీ ప్రొఫెషనల్ డిఎస్‌ఎల్‌ఆర్ కెమెరాలకు గట్టి పోటీ ఇస్తుందని సమాచారం.

లీకైన వివరాల ప్రకారం.. వివో X500 ప్రో మాక్స్ వెనుక భాగంలో ట్రిపుల్ కెమెరా సెటప్ ఉండబోతోంది. అందులో ప్రైమరీ కెమెరాగా 50 మెగాపిక్సెల్ సామర్థ్యం గల సోనీ లోఫిక్ సెన్సార్‌ను ఉపయోగించనున్నారు. దీనితో పాటు ఈ ఫోన్ ప్రధాన ఆకర్షణగా 85 mm ఫోకల్ లెంగ్త్‌తో కూడిన 200 మెగాపిక్సెల్ పెరిస్కోప్ టెలిఫోటో కెమెరా ఉండనుంది. ఈ పవర్‌ఫుల్ కెమెరా సహాయంతో అత్యంత నాణ్యమైన టెలిఫోటో మాక్రో ఫోటోగ్రఫీని ఆస్వాదించవచ్చు. ఇక మూడో కెమెరాగా వైడ్ యాంగిల్ షాట్స్ కోసం 50 మెగాపిక్సెల్ అల్ట్రా-వైడ్ లెన్స్‌ను అమర్చనున్నారు.

ఈ సిరీస్‌లో రానున్న మరో మోడల్ వివో X500 ప్రో ఫీచర్లు కూడా ఇంటర్నెట్‌లో హల్చల్ చేస్తున్నాయి. ఈ రెండు ఫ్లాగ్‌షిప్ ఫోన్లలో మీడియాటెక్ సంస్థకు చెందిన అప్‌కమింగ్ పవర్‌ఫుల్ ప్రాసెసర్ మీడియాటెక్ డైమెన్సిటీ 9600 ప్రోను ఉపయోగించబోతున్నట్లు సమాచారం. వివో X500 ప్రో మోడల్ 6.37 ఇంచుల డిస్‌ప్లేతో కాంపాక్ట్ సైజులో రానుంది. చిన్న సైజులో ఉన్నప్పటికీ, ఇందులో ఏకంగా 7,000 mAh కంటే ఎక్కువ సామర్థ్యం గల భారీ బ్యాటరీని అందించబోతుండటం విశేషం. దీని కెమెరా సెటప్‌లో 50 ఎంపీ ప్రైమరీ, 50 ఎంపీ అల్ట్రా-వైడ్, 64 ఎంపీ పెరిస్కోప్ టెలిఫోటో కెమెరాలు ఉండనున్నాయి. ఈ ఫోన్ లేటెస్ట్ ఆండ్రాయిడ్ 17 ఆధారిత ఆరిజిన్ ఓఎస్ 7 సాఫ్ట్‌వేర్‌పై రన్ కానుంది.

Tata Motors : భారత ఈవీ మార్కెట్లో టాటా మోటార్స్ నయా రికార్డ్.. జూన్ అమ్మకాల్లో ఏకంగా 183 శాతం జంప్

ఈ సరికొత్త X500 సిరీస్ ఫోన్లు, గతంలో భారత మార్కెట్లో లాంచ్ అయిన  వివో X300 ప్రో మోడల్‌కు అప్‌గ్రేడ్ వెర్షన్‌గా రాబోతున్నాయి. పాత మోడల్ అయిన వివో X300 ప్రో ఫీచర్లను ఒకసారి గమనిస్తే.. ఇది 6.78 ఇంచుల 1.5K LTPO OLED డిస్‌ప్లేతో, 120 Hz రిఫ్రెష్ రేట్‌ను కలిగి ఉంది. ఇందులో మీడియాటెక్ డైమెన్సిటీ 9500 ప్రాసెసర్‌ను ఉపయోగించారు. అలాగే 6,510 mAh బ్యాటరీతో పాటు 90W వైర్డ్,  40W వైర్‌లెస్ ఛార్జింగ్ సపోర్ట్ ఉంది. దీని కెమెరా విభాగంలో 50 ఎంపీ సోనీ LYT-828 మెయిన్ కెమెరా, 200 ఎంపీ టెలిఫోటో కెమెరా, 50 ఎంపీ అల్ట్రా-వైడ్ కెమెరాలు ఉన్నాయి.

గత కొన్ని సంవత్సరాలుగా భారతీయ స్మార్ట్‌ఫోన్ మార్కెట్లో వివో బ్రాండ్ ఇమేజ్, విక్రయాలు ఊహించని రీతిలో దూసుకుపోతున్నాయి. ముఖ్యంగా మిడ్-రేంజ్, అప్పర్ మిడ్-రేంజ్ బడ్జెట్ విభాగాలలో వివో ఫోన్ల అమ్మకాలు భారీగా పెరిగాయి. అద్భుతమైన డిజైన్, బెస్ట్ కెమెరా పర్ఫార్మెన్స్, నమ్మకమైన బ్యాటరీ లైఫ్ అందించడం వల్లే భారతీయ కస్టమర్లు వివో బ్రాండ్ వైపు ఎక్కువ మొగ్గు చూపుతున్నారు. ఇప్పుడు రాబోతున్న సరికొత్త 200 మెగాపిక్సెల్ కెమెరా ఫ్లాగ్‌షిప్ ఫోన్లు మార్కెట్లోకి వస్తే వివో బ్రాండ్ క్రేజ్ మరింత పెరగడం ఖాయమని టెక్ నిపుణులు అంచనా వేస్తున్నారు.