Flipkart Goat Sale : లాంచ్ ధర కంటే రూ.7,825 తగ్గింపు.. గెలాక్సీ A36 5G పై ఫ్లిప్‌కార్ట్ గోట్ సేల్‌లో క్రేజీ డిస్కౌంట్లు

Flipkart Goat Sale : మీరు ప్రముఖ ఇ-కామర్స్ సంస్థ ఫ్లిప్‌కార్ట్ నిర్వహిస్తున్న గోట్ సేల్‎లో సరికొత్త స్మార్ట్‌ఫోన్ కొనాలని ప్లాన్ చేస్తున్నారా? మీ బడ్జెట్ గనుక రూ.30,000 లోపు ఉన్నట్లయితే, ప్రముఖ బ్రాండ్ శామ్‌సంగ్ నుంచి వచ్చి Samsung Galaxy A36 5G మీకు ఒక అద్భుతమైన ఆప్షన్‌గా నిలుస్తుంది. ప్రస్తుతం ఫ్లిప్‌కార్ట్ ప్లాట్‌ఫామ్‌లో ఈ ఫోన్ భారీ డిస్కౌంట్లు, ఆకర్షణీయమైన బ్యాంక్ ఆఫర్లతో లిస్ట్ చేయబడింది. అంతేకాకుండా శామ్‌సంగ్ గెలాక్సీ F70e 5G మొబైల్ పై కూడా ఈ సేల్‌లో అదిరిపోయే తగ్గింపులు అందుబాటులో ఉన్నాయి. ఈ ఫోన్లపై ఎక్స్ఛేంజ్ ఆఫర్ల ద్వారా అదనపు పొదుపు చేసుకునే సువర్ణావకాశాన్ని ఫ్లిప్‌కార్ట్ కల్పిస్తోంది. గెలాక్సీ A36 5G ఫోన్ ధర, ఫీచర్లు, ఆఫర్ల పూర్తి వివరాలు తెలుసుకుందాం.

లాంచ్ ధర కంటే రూ.7,825 తగ్గింపు 
ధర, ఆఫర్ల విషయానికి వస్తే, శామ్‌సంగ్ గెలాక్సీ A36 5G  8GB ర్యామ్ + 128GB స్టోరేజ్ వేరియంట్ గత ఏడాది మార్చిలో రూ.32,999 ప్రారంభ ధరతో మార్కెట్లోకి విడుదలైంది. కానీ ప్రస్తుత ఫ్లిప్‌కార్ట్ సేల్‌లో ఈ ఫోన్ కేవలం రూ.26,999 ధరకే కస్టమర్లకు లభిస్తోంది. దీనికి తోడుగా కొనుగోలుదారులు మరికొంత డిస్కౌంట్ పొందవచ్చు. ఒకవేళ మీరు పేమెంట్ చేసేటప్పుడు ఫ్లిప్‌కార్ట్ ఎస్‌బీఐ క్రెడిట్ కార్డ్‌ను ఉపయోగిస్తే అదనంగా రూ.1,825 తక్షణ డిస్కౌంట్ లభిస్తుంది. ఈ బ్యాంక్ ఆఫర్ తర్వాత ఫోన్ ఎఫెక్టివ్ ధర కేవలం రూ.25,174కి తగ్గిపోతుంది. అంటే లాంచ్ ధరతో పోలిస్తే ఏకంగా రూ.7,825 వరకు తక్కువ ధరకే ఈ ప్రీమియం 5G ఫోన్‌ను సొంతం చేసుకోవచ్చన్నమాట.

బ్యాంక్ ఆఫర్లతో సగం ధరకే శామ్‌సంగ్ 5G ఫోన్ 
ఈ ఆఫర్లు ఇక్కడితోనే ఆగలేదు, మీ పాత మొబైల్‌ను ఎక్స్ఛేంజ్ చేయడం ద్వారా మరింత భారీ తగ్గింపును అందుకోవచ్చు. ఫ్లిప్‌కార్ట్ ఈ ఫోన్‌పై గరిష్టంగా రూ.23,700 వరకు ఎక్స్ఛేంజ్ వాల్యూను ఆఫర్ చేస్తోంది. అయితే, ఈ ఎక్స్ఛేంజ్ ఆఫర్ పూర్తి ప్రయోజనం అనేది మీరు ఇచ్చే పాత స్మార్ట్‌ఫోన్ మోడల్, అది ఎంతవరకు వర్కింగ్ కండిషన్‌లో ఉందనే దానిపై ఆధారపడి ఉంటుందని కస్టమర్లు గుర్తుంచుకోవాలి. పాత ఫోన్ కండిషన్ గనుక చాలా బాగుంటే, ఈ శామ్‌సంగ్ ఫోన్‌ను నమ్మశక్యం కాని అత్యంత తక్కువ ధరలోనే దక్కించుకోవచ్చు.

Monsoon Smartphone Care: వర్షాకాలంలో స్మార్ట్‌ఫోన్ జాగ్రత్త.. చిన్న నిర్లక్ష్యం చేసినా మదర్‌బోర్డ్ క్లోజ్

సూపర్ అమోలెడ్ డిస్‌ప్లే, 50MP పవర్‌ఫుల్ కెమెరా 
ఇక ఈ ఫోన్ యొక్క స్పెసిఫికేషన్లను పరిశీలిస్తే, ఇది అద్భుతమైన ఫీచర్లతో ప్యాక్ చేయబడింది. ఇందులో 2340x1080 పిక్సెల్స్ రెజల్యూషన్, 120Hz రిఫ్రెష్ రేట్ సపోర్ట్ ఉన్న 6.7 ఇంచుల ఫుల్ HD+ సూపర్ అమోలెడ్ స్క్రీన్‌ను అందించారు. ఫోన్ పర్ఫార్మెన్స్ వేగంగా ఉండటానికి ఇందులో ఆక్టా-కోర్ ఎక్సినోస్ 1380 ప్రాసెసర్‌ను ఉపయోగించారు. సాఫ్ట్‌వేర్ పరంగా ఈ ఫోన్ ఆండ్రాయిడ్ 15 ఆధారిత వన్ యూఐ 7తో పనిచేస్తుంది. ఫోన్ భద్రతకు సంబంధించి ఇన్-డిస్ ప్లే ఫింగర్‌ప్రింట్ సెన్సార్, యాక్సిలరోమీటర్, గైరో సెన్సార్, జియోమాగ్నెటిక్ సెన్సార్, వర్చువల్ ప్రాక్సిమిటీ సెన్సార్ వంటి అధునాతన ఫీచర్లు ఇందులో ఉన్నాయి. అంతేకాకుండా, దుమ్ము, నీటి నుంచి ఫోన్‌ను రక్షించడానికి దీనికి పవర్‌ఫుల్ IP67 రేటింగ్ కూడా ఇచ్చారు.

ఎక్సినోస్ 1380 ప్రాసెసర్, 45W ఫాస్ట్ ఛార్జింగ్ 
ఫోటోగ్రఫీ ప్రియుల కోసం ఈ మొబైల్‌లో ట్రిపుల్ రేర్ కెమెరా సెటప్ అందుబాటులో ఉంది. ఇందులో f/1.8 అపెర్చర్ ఉన్న 50 మెగా పిక్సెల్ మెయిన్ కెమెరా, f/2.2 అపెర్చర్ ఉన్న 8 మెగాపిక్సెల్ అల్ట్రా-వైడ్ యాంగిల్ కెమెరా, f/2.4 అపెర్చర్ ఉన్న 5 మెగాపిక్సెల్ మాక్రో కెమెరాలను అమర్చారు. సెల్ఫీల కోసం ముందు భాగంలో f/2.2 అపెర్చర్ గల 12 మెగాపిక్సెల్ ఫ్రంట్ షూటర్ లభిస్తుంది. నిరంతర బ్యాకప్ కోసం ఇందులో 5,000mAh భారీ బ్యాటరీ ఉంది, ఇది 45W ఫాస్ట్ ఛార్జింగ్‌ను సపోర్ట్ చేస్తుంది. కనెక్టివిటీ పరంగా ఈ ఫోన్ 5G, 4G LTE, వై-ఫై, బ్లూటూత్ 5.4, జీపీఎస్, ఎన్‌ఎఫ్‌సీ, యూఎస్‌బీ టైప్-సి పోర్ట్‌ను కలిగి ఉంది. ఈ ఫోన్ కేవలం 7.4 మిమీ మందం, 196 గ్రాముల బరువుతో చాలా స్లిమ్‌గా, స్టైలిష్‌గా ఉంటుంది. రూ.30,000 బడ్జెట్‌లో ఆల్‌రౌండర్ ఫోన్ కావాలనుకునే వారికి ఇది ఒక గొప్ప డీల్.