Samsung : మార్కెట్లోకి సామ్‌సంగ్ గెలాక్సీ జెడ్ ఫోల్డ్ 8 సిరీస్.. బరువు చూస్తే మైండ్ బ్లాక్ అవ్వాల్సిందే

Samsung : స్మార్ట్‌ఫోన్ రంగంలో సరికొత్త ట్రెండ్‌ను సెట్ చేసిన ప్రముఖ టెక్ దిగ్గజం సామ్‌సంగ్, తన మోస్ట్ అవేటెడ్ నెక్స్ట్ జనరేషన్ ఫోల్డబుల్ ఫోన్ సిరీస్‌ను మార్కెట్లోకి తీసుకురావడానికి అన్నీ సిద్ధం చేస్తోంది. వచ్చే నెలలోనే అధికారికంగా లాంచ్ కాబోతున్న ఈ సామ్‌సంగ్ గెలాక్సీ జెడ్ ఫోల్డ్ 8 సిరీస్‌కు సంబంధించిన ఆసక్తికరమైన వివరాలు ప్రస్తుతం ఇంటర్నెట్‌లో విపరీతంగా లీక్ అవుతున్నాయి. ఈ సిరీస్‌లో భాగంగా సామ్‌సంగ్ గెలాక్సీ జెడ్ ఫోల్డ్ 8 బేస్ వెర్షన్‌తో పాటు గెలాక్సీ జెడ్ ఫోల్డ్ 8 అల్ట్రా మోడల్ కూడా రాబోతున్నట్లు సమాచారం. అయితే ఇందులో అల్ట్రా మోడల్ పాత గెలాక్సీ జెడ్ ఫోల్డ్ 7 లాంటి డిజైన్‌ను కలిగి ఉన్నప్పటికీ, స్టాండర్డ్ గెలాక్సీ జెడ్ ఫోల్డ్ 8 మాత్రం మునుపటి కంటే చాలా వెడల్పైన లోపలి డిస్‌ప్లేతో రాబోతోంది.

దక్షిణ కొరియాకు చెందిన ప్రముఖ టిప్‌స్టర్ లాంజుక్ తాజాగా కొరియన్ సోషల్ మీడియా ప్లాట్‌ఫారమ్ నేవర్‎లో ఈ ఫోన్‌కు సంబంధించిన ఒక క్రేజీ అప్‌డేట్‌ను పంచుకున్నారు. ఈ ఫోన్‌ను ముందే వాడి చూసిన కొందరు వ్యక్తుల నుంచి సేకరించిన సమాచారం ప్రకారం.. గెలాక్సీ జెడ్ ఫోల్డ్ 8 బరువు నమ్మశక్యం కాని రీతిలో చాలా తేలికగా ఉండబోతోందట. బుక్-స్టైల్ ఫోల్డబుల్ ఫోన్ల విభాగంలోనే ఇది అత్యంత తేలికైన ఫోన్‌గా సరికొత్త రికార్డు సృష్టించనుందని తెలుస్తోంది. ఈ లైట్‌వెయిట్ డిజైనే ఈ ఫోన్‌కు మార్కెట్లో అతిపెద్ద ప్లస్ పాయింట్ కానుందని టెక్ నిపుణులు అంచనా వేస్తున్నారు.

ఈ లీకైన నివేదికల ప్రకారం గెలాక్సీ జెడ్ ఫోల్డ్ 8 ఫోన్ బరువు కేవలం 201 గ్రాములు మాత్రమే ఉండవచ్చని తెలుస్తోంది. గతేడాది వచ్చిన గెలాక్సీ జెడ్ ఫోల్డ్ 7 బరువు 215 గ్రాములుగా ఉండేది. అప్పట్లోనే అది మార్కెట్లో ఉన్న తేలికైన ఫోల్డబుల్ ఫోన్లలో ఒకటిగా నిలిచింది. కానీ ఇప్పుడు రాబోతున్న కొత్త ఫోన్ అంతకంటే 14 గ్రాములు తక్కువ బరువుతో రానుండటం విశేషం. బరువు తగ్గడమే కాకుండా, వెడల్పైన స్క్రీన్ ఉన్న మోడల్‌లో డిస్‌ప్లే పిక్సెల్స్ క్వాలిటీ చాలా బాగుంటుందని, అలాగే ఫోన్‌ను మడిచినప్పుడు వచ్చే మడత మచ్చ కూడా చాలా వరకు తగ్గిపోయి స్క్రీన్ చాలా ఫ్లాట్‌గా కనిపిస్తుందని సమాచారం. దీని కోసం సామ్‌సంగ్ ఈసారి కాస్త మందపాటి అల్ట్రా-థిన్ గ్లాస్ (UTG)ను వాడుతున్నట్లు తెలుస్తోంది.

Nothing Phone 4b : నథింగ్ నుంచి సరికొత్త బి సిరీస్ స్మార్ట్‌ఫోన్.. జూలై 7న నథింగ్ ఫోన్ 4బి లాంచ్

ఈ సరికొత్త ఫోల్డబుల్ ఫోన్లను సామ్‌సంగ్ కంపెనీ జూలై 22వ తేదీన లండన్ వేదికగా జరగబోయే గెలాక్సీ అన్‌ప్యాక్డ్ ఈవెంట్‌లో ప్రపంచానికి పరిచయం చేయబోతోంది. ఈ గ్రాండ్ ఈవెంట్‌లోనే గెలాక్సీ జెడ్ ఫోల్డ్ 8 సిరీస్‌తో పాటు, గెలాక్సీ జెడ్ ఫ్లిప్ 8, సామ్‌సంగ్ గెలాక్సీ వాచ్ 9 సిరీస్ స్మార్ట్‌వాచ్‌లను కూడా లాంచ్ చేయనున్నారు. ఇక ఈ ఫోన్ల సేల్స్ విషయానికి వస్తే, ఆగస్టు 4వ తేదీ నుంచి ప్రీ-బుకింగ్స్ ప్రారంభం కానుండగా, ఆగస్టు 7వ తేదీ నుంచి కస్టమర్లు ఈ ఫోన్లను నేరుగా కొనుగోలు చేయడానికి అందుబాటులోకి రానున్నాయని టిప్‌స్టర్ లీక్ చేశారు.

ఫీచర్ల పరంగా చూస్తే, గెలాక్సీ జెడ్ ఫోల్డ్ 8, ఫోల్డ్ 8 అల్ట్రా మోడల్స్ క్వాల్‌కామ్ సంస్థకు చెందిన అత్యంత శక్తివంతమైన స్నాప్‌డ్రాగన్ 8 ఎలైట్ జెన్ 5 ప్రొసెసర్‌తో రానున్నాయి. దీనివల్ల ఫోన్ పర్ఫార్మెన్స్ అత్యంత వేగంగా ఉంటుంది. అలాగే బేస్ మోడల్ అయిన గెలాక్సీ జెడ్ ఫోల్డ్ 8 వెనుక భాగంలో రెండు 50 మెగాపిక్సెల్ సెన్సార్లతో కూడిన పవర్‌ఫుల్ డ్యూయల్ రేర్ కెమెరా సెటప్‌ను ఇవ్వబోతున్నారు. బ్యాటరీ విషయానికి వస్తే, ఇందులో 45W వైర్డ్ ఫాస్ట్ ఛార్జింగ్ సపోర్ట్‌తో కూడిన 4,800mAh సామర్థ్యం గల బ్యాటరీని అమర్చనున్నారు.