OTT : రూ.పది నోటు కోసం ఇన్ని హత్యలా..? సైలెంటుగా ఓటీటీలోకి సరికొత్త క్రైమ్ థ్రిల్లర్ మూవీ..!

OTT :  సినిమా ఇండస్ట్రీలో పెద్ద స్టార్ క్యాస్టింగ్ లేకపోయినా.. కథలో దమ్ముంటే ప్రేక్షకులు ఎప్పుడూ ఆదరిస్తూనే ఉంటారు. ముఖ్యంగా సస్పెన్స్, క్రైమ్ థ్రిల్లర్ సినిమాలకు ఉండే క్రేజ్ వేరు. తాజాగా ఎలాంటి ముందస్తు ప్రకటన లేకుండా, సైలెంట్‌గా ప్రముఖ డిజిటల్ ప్లాట్‌ఫామ్‌లోకి వచ్చి ట్రెండ్ అవుతున్న ఒక సరికొత్త తెలుగు క్రైమ్ థ్రిల్లర్ మూవీ ఇప్పుడు టాలీవుడ్‌లో హాట్ టాపిక్‌గా మారింది. అదే పైసావాలా. కేవలం ఒకే ఒక్క పది రూపాయల నోటు చుట్టూ తిరిగే వింత క్రైమ్, హవాలా కథాంశంతో తెరకెక్కిన ఈ చిత్రం ఎట్టకేలకు డిజిటల్ స్క్రీన్స్ పైకి వచ్చేసింది.

ఈ క్రైమ్ థ్రిల్లర్ డ్రామా మూవీ ప్రస్తుతం ప్రముఖ ఓటీటీ సంస్థ అమెజాన్ ప్రైమ్ వీడియోలో అధికారికంగా స్ట్రీమింగ్ అవుతోంది. అయితే, ఇక్కడే ఓ చిన్న ట్విస్ట్ ఉంది. ఈ సినిమా ప్రస్తుతం ప్రైమ్ వీడియోలో కేవలం రెంటల్ బేసిస్ అంటే అద్దె విధానంలో మాత్రమే అందుబాటులో ఉంది. మీరు ఈ సినిమాను చూడాలి అనుకుంటే లేదా కొనాలి అనుకుంటే యాక్టివ్ సబ్‌స్క్రిప్షన్‌తో పాటు కొంత మొత్తాన్ని చెల్లించాల్సి ఉంటుంది.

ఈ సినిమా కథ మొత్తం ఒక వింతైన 10 రూపాయల నోటు చుట్టూ తిరుగుతుంది. ఒక పెద్ద హవాలా లావాదేవీకి సంబంధించి, పసుపు అంటిన పది రూపాయల నోటును కోడ్ వర్డ్‌గా ఉపయోగిస్తారు. ఈ హవాలా డబ్బును చేరవేయాల్సిన బాధ్యతను ఒక ఎమ్మెల్యే బావమరిది తీసుకుంటాడు. అయితే, అతను ప్రయాణిస్తున్న కారు దారుణమైన రోడ్డు ప్రమాదానికి గురవుతుంది. ఆ యాక్సిడెంట్ తర్వాత అతని మొబైల్ ఫోన్‌తో పాటు వాలెట్ కూడా మాయమైపోతుంది. ఆ పర్సులోనే ఆ కీలకమైన హవాలా పది రూపాయల నోటు ఉంటుంది.

ఆ పది రూపాయల నోటు దొరికితేనే కోట్లాది రూపాయల హవాలా డబ్బు చేతికి అందుతుంది. దీంతో ఆ నోటు కోసం లోకల్ గ్యాంగులు, అత్యాశపరులు, కొందరు ఊహించని పెద్ద పెద్ద వ్యక్తులు రంగంలోకి దిగుతారు. ఆ ఒక్క నోటును దక్కించుకోవడం కోసం బెదిరింపులు, కిడ్నాప్‌లు, ఏకంగా హత్యలు కూడా జరుగుతాయి. చివరకు ఆ నోటు ఎవరికి దొరికింది? ఆ యాక్సిడెంట్ వెనుక ఉన్న అసలు రహస్యం ఏంటి? అనే ట్విస్టులతో సినిమా అంతా మైండ్ బ్లోయింగ్ సస్పెన్స్‌తో సాగుతుంది.

ఈ చిత్రంలో బెజ్జంకి అధ్విక్ (రాజేష్ బెజ్జంకి) ప్రధాన పాత్రలో నటించగా.. శ్రీధర్ పరిసెర్ల, మత్తిరెడ్డి సృజనాక్షిత, అన్సు పొన్నాచన్ తదితరులు కీలక పాత్రలు పోషించారు. వీరంతా కొత్తవారే అయినప్పటికీ స్క్రీన్ మీద చాలా మెచ్యూర్డ్‌గా నటించి మెప్పించారు. ఈ చిత్రానికి కె. నవీన్ తేజస్ అద్భుతమైన కథ, స్క్రీన్‌ప్లే అందిస్తూ దర్శకత్వం వహించారు. నగేష్ గౌరీష్ అందించిన బ్యాక్‌గ్రౌండ్ మ్యూజిక్, గౌతమ్ వయిలాడ సినిమాటోగ్రఫీ సినిమాకు ప్రాణం పోశాయి. గతేడాది డిసెంబర్ 12న థియేటర్లలో విడుదలైన ఈ చిత్రం.. ప్రస్తుతం ఐఎమ్‌డీబీ (IMDb) లో ఏకంగా 9.4/10 రేటింగ్‌తో దూసుకుపోతోంది.