COLORFUL Rimbook L1 Plus : క్రియేటర్స్, స్టూడెంట్స్‎కు బెస్ట్ ఆప్షన్.. స్లిమ్ డిజైన్, మైండ్ బ్లోయింగ్ స్పీడ్‎తో కొత్త ల్యాప్‌టాప్

COLORFUL Rimbook L1 Plus : ప్రముఖ టెక్నాలజీ ఉత్పత్తుల తయారీ సంస్థ కలర్‌ఫుల్ భారత వినియోగదారుల కోసం తన సరికొత్త ల్యాప్‌టాప్  కలర్‌ఫుల్ రీమ్‌బుక్ L1 ప్లస్‎ను అధికారికంగా పరిచయం చేసింది. ముఖ్యంగా స్టూడెంట్స్, వర్కింగ్ ప్రొఫెషనల్స్, కంటెంట్ క్రియేటర్స్, రోజువారీ మల్టీటాస్కింగ్ వినియోగదారులను దృష్టిలో ఉంచుకుని ఈ ల్యాప్‌టాప్‌ను రూపొందించారు. ప్రీమియం మ్యాట్ మెటల్ టాప్ కవర్‌తో వచ్చే ఈ డివైజ్, చూడటానికి ఎంతో స్టైలిష్‌గా ఉండటమే కాకుండా హ్యాండ్లింగ్‌లో చాలా తేలికగా అనిపిస్తుంది.

కళ్లు చెదిరే 2.5K డిస్‌ప్లే, స్మూత్ రిఫ్రెష్ రేట్
డిస్‌ప్లే విషయంలో ఈ ల్యాప్‌టాప్ నెక్స్ట్ లెవెల్‌లో ఉంటుంది. ఇందులో 16-ఇంచుల IPS 2.5K డిస్‌ప్లేను అందించారు. ఇది 2560x1600 పిక్సెల్స్ రెసల్యూషన్, 16:10 ఆస్పెక్ట్ రేషియో, 300 నిట్స్ బ్రైట్‌నెస్, 120Hz రిఫ్రెష్ రేట్‌కు సపోర్ట్ చేస్తుంది. ఏకంగా 92.52% స్క్రీన్-టు-బాడీ రేషియో, 100% sRGB కలర్ గామట్ కలిగి ఉండటం వల్ల ఫొటోగ్రాఫర్లు, గ్రాఫిక్ డిజైనర్లు, వీడియో ఎడిటర్లకు ఖచ్చితమైన కలర్స్, షార్ప్ ఇమేజ్ డిస్‌ప్లే అనుభూతి లభిస్తుంది.

పవర్‌ఫుల్ ప్రాసెసర్, స్టోరేజ్ అండ్ ఆపరేటింగ్ సిస్టమ్
ఈ ల్యాప్‌టాప్ విండోస్ 11 హోమ్ ఆపరేటింగ్ సిస్టమ్‌పై పనిచేస్తుంది. హెవీ టాస్క్‌లు, ఎడిటింగ్ పనుల కోసం ఇందులో AMD రైజెన్ 7 7735HS   పవర్‌ఫుల్ ప్రాసెసర్, AMD రేడియాన్ 680M  గ్రాఫిక్స్ కార్డ్ అందించారు. దీనికి తోడు 16GB LPDDR5-6400 RAM, 512GB PCIe Gen4 NVMe SSD స్టోరేజ్ అందుబాటులో ఉంది. వినియోగదారులు ఆఫీస్, స్కూల్ లేదా వ్యక్తిగత పత్రాలను సులభంగా క్రియేట్ చేసుకునేందుకు ఇందులో WPS ఆఫీస్ సాఫ్ట్‌వేర్ ముందస్తుగానే ఇన్‌స్టాల్ చేసి వస్తుంది.

Apple : యాపిల్ మైండ్ బ్లాకింగ్ ప్లాన్.. త్వరలోనే మార్కెట్‌లోకి ఫస్ట్ టచ్‌స్క్రీన్ ఓఎల్‌ఈడీ మ్యాక్‌బుక్ ప్రో

స్లిమ్ డిజైన్, ఫాస్ట్ ఛార్జింగ్ అండ్ కనెక్టివిటీ
కనెక్టివిటీ పరంగా ఈ ల్యాప్‌టాప్‌లో వై-ఫై 6, బ్లూటూత్ 5.2, టైప్-సి పోర్ట్‌లతో సహా పలు అధునాతన ఆప్షన్లు ఉన్నాయి. రోజంతా సులభంగా వాడేందుకు 65Wh బ్యాటరీని అమర్చారు, ఇది 65W USB టైప్-సి PD ఫాస్ట్ ఛార్జింగ్‌కు సపోర్ట్ చేస్తుంది. ఇక బాడీ కొలతల విషయానికొస్తే, ఈ ల్యాప్‌టాప్ మందం కేవలం 16.65 మిమీ, బరువు 1.4 కిలోలు మాత్రమే ఉంటుంది. దీని వల్ల ప్రయాణాల్లో వెంట తీసుకెళ్లడం చాలా ఈజీ. ఈ ల్యాప్‌టాప్ ధర, సేల్స్ అందుబాటు వివరాలను కంపెనీ త్వరలోనే ప్రకటించనుంది.