Lava Smart 4 Plus : భారత మార్కెట్లోకి లావా కొత్త బడ్జెట్ ఫోన్.. రూ.10 వేల లోపే లావా స్మార్ట్ 4 ప్లస్ లాంచ్

Lava Smart 4 Plus : భారతదేశపు సొంత స్మార్ట్‌ఫోన్ బ్రాండ్ లావా బడ్జెట్ వినియోగదారులను టార్గెట్ చేస్తూ మార్కెట్లోకి సరికొత్త డివైజ్‌ను ప్రవేశపెట్టింది. లావా స్మార్ట్ 4 ప్లస్ పేరుతో ఈ ఫోన్‌ను అధికారికంగా విడుదల చేశారు. తక్కువ ధరలో ఎక్కువ ఫీచర్లు ఆశించే సామాన్య, మధ్యతరగతి ప్రజలకు ఈ ఫోన్ ఒక మంచి ఆప్షన్‌గా నిలవనుంది. రోజువారీ అవసరాలకు సరిపోయేలా ఈ ఫోన్ హార్డ్‌వేర్, సాఫ్ట్‌వేర్ ప్యాకేజీని కంపెనీ డిజైన్ చేసింది. లావా స్మార్ట్ 4 ప్లస్ స్మార్ట్‌ఫోన్ కేవలం ఒకే ఒక వేరియంట్‌లో లభిస్తుంది. 4GB ర్యామ్, 64GB ఇంటర్నల్ స్టోరేజ్ కలిగిన ఈ మోడల్ ధరను భారత మార్కెట్లో రూ.9,999గా నిర్ణయించారు. ఈ ఫోన్‌ను కొనుగోలు చేసిన వినియోగదారులకు కంపెనీ ఒక సంవత్సరం వారంటీని అందిస్తోంది. అంతేకాకుండా ఫోన్ లో ఏదైనా సమస్య వస్తే కస్టమర్ల ఇంటి వద్దకే వచ్చి ఉచితంగా సర్వీస్ అందిస్తామని లావా ప్రకటించింది. ఈ ఫోన్ ప్రస్తుతం దేశవ్యాప్తంగా ఉన్న ప్రముఖ ఆఫ్‌లైన్ రిటైల్ స్టోర్లలో అమ్మకానికి అందుబాటులో ఉంది. వినియోగదారులు దీనిని నీలగిరి బ్లూ, హిమాలయన్ సిల్వర్ రంగులలో సొంతం చేసుకోవచ్చు.

ఈ స్మార్ట్‌ఫోన్ లో 6.75-ఇంచుల హెచ్‌డీ ప్లస్ ఎల్‌సీడీ డిస్‌ప్లేను అమర్చారు. ఇది 720 x 1600 ಪಿಕ್సెల్స్ రెజల్యూషను కలిగి ఉంటుంది. బడ్జెట్ ఫోన్ అయినప్పటికీ ఇందులో 90Hz రిఫ్రెష్ రేట్‌ను ఇవ్వడం విశేషం. దీనివల్ల స్క్రీన్ స్క్రోలింగ్ చాలా స్మూత్ గా ఉంటుంది. ఈ ఫోన్ లో ఆక్టా-కోర్ యునిసోక్  UNISOC 9863A ప్రాసెసర్‌ను ఉపయోగించారు. ఇది PowerVR GE8322 జీపీయూ గ్రాఫిక్స్ కార్డ్‌తో జత చేయబడింది. ఇందులో ఉన్న 64GB స్టోరేజ్‌ను మైక్రో ఎస్‌డీ కార్డ్ సహాయంతో 512GB వరకు పెంచుకునే సదుపాయం కూడా ఉంది.

ఆపరేటింగ్ సిస్టమ్ విషయానికి వస్తే, ఈ ఫోన్ లేటెస్ట్ ఆండ్రాయిడ్ 15 ఆధారిత గో ఎడిషన్ పై రన్ అవుతుంది. తక్కువ ర్యామ్ ఉన్న ఫోన్లలో కూడా యాప్స్ వేగంగా, ల్యాగ్ లేకుండా పనిచేయడానికి ఈ గో ఎడిషన్ సాఫ్ట్‌వేర్ ఎంతగానో ఉపయోగపడుతుంది. దీనివల్ల ఫోన్ హ్యాంగ్ అవ్వకుండా యూజర్లు స్మార్ట్ ఎక్స్‌పీరియన్స్‌ను ఆస్వాదించవచ్చు.

Oppo Reno 16 : భారత మార్కెట్లోకి ఒప్పో సరికొత్త సంచలనం.. జూలై 2న ఒప్పో రెనో 16 సిరీస్ గ్రాండ్ లాంచ్

ఫోటోగ్రఫీ కోసం లావా స్మార్ట్ 4 ప్లస్ వెనుక భాగంలో డ్యూయల్ కెమెరా సెటప్‌ను అందించారు. ఇందులో 13-మెగాపిక్సెల్ ప్రైమరీ కెమెరాతో పాటు ఒక సెకండరీ ఏఐ (AI) కెమెరా లెన్స్ ఉంది. అలాగే సెల్ఫీలు, వీడియో కాల్స్ మాట్లాడుకోవడానికి ఫోన్ ముందు భాగంలో 5-మెగాపిక్సెల్ కెమెరాను కేటాయించారు. వినియోగదారుల భద్రత కోసం ఈ ఫోన్‌కు పక్కభాగంలో పవర్ బటన్‌తో కలిపి ఉండే సైడ్-మౌంటెడ్ ఫింగర్‌ప్రింట్ స్కానర్‌ను అమర్చారు.

ఈ ఫోన్ లో రోజంతా నిరంతరాయంగా పనిచేసేందుకు వీలుగా 5000mAh సామర్థ్యం గల భారీ బ్యాటరీని అందించారు. ఇది 10W నార్మల్ ఛార్జింగ్‌ను సపోర్ట్ చేస్తుంది. ఇక మిగిలిన కనెక్టివిటీ ఫీచర్ల విషయానికి వస్తే.. ఇందులో యూఎస్‌బీ టైప్-సి పోర్ట్, 3.5mm ఆడియో జాక్, ఎఫ్ఎమ్ రేడియో, డ్యూయల్ 4G VoLTE సపోర్ట్, వై-ఫై, బ్లూటూత్ 4.2, జీపీఎస్ వంటి అన్ని రకాల ప్రాథమిక ఫీచర్లను లావా ఇందులో సమకూర్చింది.