Vivo : ఏకంగా 7,200 mAh భారీ బ్యాటరీ.. బైపాస్ ఛార్జింగ్ సపోర్ట్‌తో రానున్న సరికొత్త వివో వి80

Vivo : భారతీయ స్మార్ట్‌ఫోన్ మార్కెట్లో కెమెరా, స్టైలిష్ డిజైన్లకు కేరాఫ్ అడ్రస్‌గా నిలిచే వివో కంపెనీ, తన పాపులర్ వి-సిరీస్‌లో మరో సరికొత్త స్మార్ట్‌ఫోన్‌ను లాంచ్ చేయడానికి సిద్ధమవుతోంది. ఈ ఏడాది ఫిబ్రవరిలో విడుదలై మంచి విజయాన్ని అందుకున్న వివో వి70 మోడల్‌కు అప్‌గ్రేడ్‌గా వివో వి80 త్వరలోనే మార్కెట్లోకి రాబోతోంది. సోషల్ మీడియా ప్లాట్‌ఫారమ్  Xలో ప్రముఖ టిప్‌స్టర్ సంజు చౌదరి ఈ అప్‌కమింగ్ ఫోన్‌కు సంబంధించిన కీలక స్పెసిఫికేషన్లను లీక్ చేశారు. ఈ సరికొత్త మొబైల్‌లో డిస్‌ప్లే, బ్యాటరీ సామర్థ్యాల విభాగంలో వివో ఊహించని రేంజ్‌లో భారీ మార్పులు చేయబోతున్నట్లు తెలుస్తోంది.

లీకైన వివరాల ప్రకారం.. వివో వి80 స్మార్ట్‌ఫోన్‌లో మొదటిసారిగా 144 Hz హై రిఫ్రెష్ రేట్ సపోర్ట్ చేసే భారీ 6.9 ఇంచుల ఫ్లాట్ AMOLED స్క్రీన్‌ను అందించబోతున్నారు. ఈ ఫోన్ పర్ఫార్మెన్స్ వేగవంతంగా ఉండేందుకు ఇందులో క్వాల్కమ్ స్నాప్‌డ్రాగన్ 7 జెన్ 4 ప్రాసెసర్‌ను అమర్చే అవకాశం ఉంది. ఈ ఫోన్ లోని అతిపెద్ద హైలైట్ ఏమిటంటే దీని బ్యాటరీ. మునుపటి మోడళ్ల కంటే పెద్దదైన ఏకంగా 7,200 mAh భారీ బ్యాటరీని ఇందులో ఇస్తున్నారు. ఇది 90W వైర్డ్ ఫాస్ట్ ఛార్జింగ్‌తో పాటు గేమర్ల కోసం ఫోన్ హీట్ ఎక్కకుండా నేరుగా మదర్‌బోర్డుకు పవర్ ఇచ్చే బైపాస్ ఛార్జింగ్ ఫీచర్‌ను కూడా సపోర్ట్ చేయనుంది.

ఫొటోగ్రఫీ పరంగా కూడా వివో వి80 టాప్ క్లాస్‌లో ఉండబోతోంది. ఈ ఫోన్ వెనుక వైపు ట్రిపుల్ రేర్ కెమెరా సెటప్‌ను అందించనున్నారు. అందులో 50 మెగాపిక్సెల్ మెయిన్ ప్రైమరీ కెమెరా, 50 మెగాపిక్సెల్ టెలిఫొటో కెమెరా, 8 మెగాపిక్సెల్ అల్ట్రా-వైడ్ యాంగిల్ లెన్స్ ఉండే అవకాశం ఉంది. ఇక సోషల్ మీడియా ప్రియుల కోసం ముందు భాగంలో కూడా 50 మెగాపిక్సెల్ పవర్‌ఫుల్ సెల్ఫీ కెమెరాను జత చేస్తున్నారు. బయోమెట్రిక్ సెక్యూరిటీని మరింత వేగంగా, సురక్షితంగా మార్చేందుకు ఈ ఫోన్ స్క్రీన్ కింద సరికొత్త 3D అల్ట్రాసోనిక్ ఫింగర్‌ప్రింట్ స్కానర్ని ఇస్తున్నారు.

Vivo : భారత మార్కెట్లోకి వివో సరికొత్త ఫోల్డబుల్ స్మార్ట్‌ఫోన్.. శామ్‌సంగ్‌కు గట్టి పోటీ ఇచ్చేలా ఎక్స్ ఫోల్డ్ 6

వివో వి80 కంటే ముందు మార్కెట్లోకి వచ్చిన పాత మోడల్ వివో వి70 ఫీచర్లను పరిశీలిస్తే.. ఇందులో 120 Hz రిఫ్రెష్ రేట్, ఏకంగా 5,000 నిట్స్ పీక్ బ్రైట్‌నెస్ కలిగిన 6.59 ఇంచుల అమోలెడ్ (2,750 × 1,260 పిక్సెల్స్) స్క్రీన్‌ను అందించారు. ఈ ఫోన్ లో కూడా స్నాప్‌డ్రాగన్ 7 జెన్ 4 చిప్‌సెట్ ఉంది. దీని వెనుక వైపు 50 మెగాపిక్సెల్ మెయిన్ కెమెరా, 50 మెగాపిక్సెల్ సూపర్ టెలిఫొటో కెమెరా, 8 మెగాపిక్సెల్ అల్ట్రా-వైడ్ కెమెరాలు ఉన్నాయి. అలాగే 6,500 mAh బ్యాటరీతో పాటు 90W ఫాస్ట్ ఛార్జింగ్ సపోర్ట్ దీని సొంతం.

వివో వి70 మోడల్‌తో పాటే కంపెనీ భారత మార్కెట్లో వివో వి70 ఎలైట్ అనే అల్ట్రా ప్రీమియం వేరియంట్‌ను కూడా లాంచ్ చేసింది. ఈ ఎలైట్ మోడల్‌లో 120 Hz రిఫ్రెష్ రేట్, 5,000 నిట్స్ బ్రైట్‌నెస్ ఉన్న 6.59 ఇంచుల అమోలెడ్ డిస్‌ప్లేను అమర్చారు. అయితే పర్ఫార్మెన్స్ పరంగా ఇందులో అత్యంత పవర్‌ఫుల్  స్నాప్‌డ్రాగన్ 8s జెన్ 3 ఫ్లాగ్‌షిప్ ప్రాసెసర్‌ను ఉపయోగించారు. ఇది ఆండ్రాయిడ్ 16 ఆధారిత ఒరిజిన్ ఓఎస్ 6 సాఫ్ట్‌వేర్‌పై రన్ అవుతుంది. ఇందులో కూడా 6,500 mAh బ్యాటరీ, 90W ఫాస్ట్ ఛార్జింగ్, 50MP + 50MP + 8MP అద్భుతమైన ట్రిపుల్ కెమెరా సెటప్ ఉన్నాయి. ఈ సిరీస్ సక్సెస్ చూస్తుంటే రాబోయే వివో వి80 సరికొత్త రికార్డులను సృష్టించడం ఖాయంగా కనిపిస్తోంది.