Samsung : ఎండలకే కాదు వర్షాకాలం ఉక్కపోతకూ చెక్.. బెస్పోక్ ఏఐ విండ్‌ఫ్రీ ఏసీలను తెచ్చిన శాంసంగ్

Samsung : ప్రముఖ కన్స్యూమర్ ఎలక్ట్రానిక్స్ దిగ్గజం  శాంసంగ్ భారతీయ మార్కెట్లోకి సరికొత్త హోమ్ అప్లయన్స్ లైనప్‌ను పరిచయం చేసింది. ముఖ్యంగా మన దేశంలో ఉండే విభిన్న వాతావరణ పరిస్థితులను తట్టుకునేలా, అందులోనూ వర్షాకాలంలో వచ్చే విపరీతమైన తేమ, ఉక్కపోతను తరిమికొట్టేలా 2026 బెస్పోక్ ఏఐ విండ్‌ఫ్రీ ఎయిర్ కండీషనర్ సిరీస్‌ను భారత్‌లో అధికారికంగా లాంచ్ చేసింది. ఆర్టిఫిషియల్ ఇంటెలిజెన్స్ టెక్నాలజీతో పనిచేసే ఈ సరికొత్త ఏసీలు కేవలం చల్లదనాన్ని ఇవ్వడమే కాకుండా గదిలోని హ్యూమిడిటీని కంట్రోల్ చేయడం, మెరుగైన పరిశుభ్రతను అందించడం, ఎక్కువ కాలం మన్నికగా ఉండేలా అద్భుతమైన పర్ఫార్మెన్స్‌ను ఇవ్వగలవని కంపెనీ ధీమా వ్యక్తం చేసింది.

వినియోగదారుల విభిన్న అవసరాలు, బడ్జెట్‌లను దృష్టిలో ఉంచుకుని శాంసంగ్ ఈ సరికొత్త 2026 బెస్పోక్ ఏఐ విండ్‌ఫ్రీ సిరీస్‌లో ఏకంగా 23 రకాల మోడల్స్‌ను మార్కెట్లోకి తీసుకువచ్చింది. ఇందులో విద్యుత్ ఆదా కోసం ప్రత్యేకంగా 4-స్టార్ ఎనర్జీ ఎఫిషియన్సీ రేటింగ్ కలిగిన ఆప్షన్లను కూడా కంపెనీ కల్పించింది. ఈ ఏసీలన్నీ అత్యాధునిక ఏఐ టెక్నాలజీ, స్మార్ట్ కనెక్టివిటీ ఫీచర్లతో వస్తాయి. ఇవి గదిలో ఉన్న వ్యక్తుల అలవాట్లను, బయట ఉన్న వాతావరణాన్ని ఆటోమేటిక్ గా అంచనా వేసి, దానికి తగినట్లుగా కూలింగ్‌ను అడ్జస్ట్ చేస్తూ యూజర్లకు ఒక సరికొత్త స్మార్ట్ ఎక్స్‌పీరియన్స్‌ను అందిస్తాయి.

ఈ 2026 సిరీస్ ఏసీలలో శాంసంగ్ ప్రత్యేకంగా 3-ఇన్-1 మాన్‌సూన్ కేర్ అనే అద్భుతమైన ఫీచర్‌ను ప్రవేశపెట్టింది. వర్షాకాలంలో గదుల్లో ఉండే జిగట, అదనపు తేమను దూరం చేయడానికి ఇది ఉపయోగపడుతుంది. ఇందులో మొదటిది కంఫర్ట్ డ్రైయింగ్.. ఇది గదిలో విపరీతంగా ఉండే తేమను శరవేగంగా తగ్గిస్తూనే, శరీరానికి సౌకర్యవంతంగా ఉండే ఉష్ణోగ్రతను మెయింటెన్ చేస్తుంది. ఇక రెండవది ఫ్రీజ్ వాష్.. ఈ టెక్నాలజీ ఏసీ లోపల పేరుకుపోయే దుమ్ము, ధూళి కణాలతో పాటు ప్రమాదకరమైన బ్యాక్టీరియా, బూజు, అలర్జీ కారకాలను ఆటోమేటిక్‌గా క్లీన్ చేస్తుంది. మూడవది డ్యూరాఫిన్ అల్ట్రా.. ఇది ఏసీ కండెన్సర్‌కు యాంటీ-కొరోజన్ కోటింగ్‌ను అందిస్తుంది, తద్వారా వర్షపు తేమ వల్ల ఏసీకి జంగ్ పట్టకుండా దీర్ఘకాలం పాటు రక్షణ ఇస్తుంది.

Tecno : స్మార్ట్‌ఫోన్ లవర్స్‌కు గుడ్ న్యూస్.. జూలై 17న టెక్నో క్యామన్ 50 అల్ట్రా 5జీ గ్రాండ్ ఎంట్రీ

ఈ శాంసంగ్ బెస్పోక్ ఏఐ విండ్‌ఫ్రీ ఏసీలలో డ్రై కంఫర్ట్ టెక్నాలజీని కూడా అమర్చారు. దీనికోసం ప్రత్యేకంగా పనిచేసే స్మార్ట్ సెన్సార్లు మరియు రెఫ్రిజెరెంట్ కంట్రోల్ సిస్టమ్ గదిలోని హ్యూమిడిటీని ఎప్పటికప్పుడు ఆటోమేటిక్‌గా మేనేజ్ చేస్తుంటాయి. అవసరం లేకపోయినా రూమ్‌ను ఎక్కువగా చిల్ చేయకుండా, గది లోపల అహ్లాదకరమైన వాతావరణం ఉండేలా ఇది చూసుకుంటుంది. దీనివల్ల చర్మంపై వచ్చే చిరాకు, జిగటపదనం తగ్గిపోవడమే కాకుండా ఇండోర్ ఎయిర్ క్వాలిటీ కూడా చాలా అద్భుతంగా మారుతుంది. అనవసరపు కూలింగ్‌ను తగ్గించడం వల్ల కరెంట్ బిల్లు కూడా భారీగా ఆదా అవుతుంది.

మొత్తంగా చూస్తే, ఈ సరికొత్త బెస్పోక్ ఏఐ విండ్‌ఫ్రీ సిరీస్‌ను పక్కాగా భారతీయ గృహాలు, ఇక్కడి సీజన్లను మైండ్‌లో పెట్టుకునే డిజైన్ చేసినట్లు శాంసంగ్ స్పష్టం చేసింది. ఏఐ బేస్డ్ కూలింగ్, స్మార్ట్ కనెక్టివిటీ, ఎనర్జీ సేవింగ్ ఆప్షన్లతో పాటు ఇందులో  ప్రివెంటివ్ మెయింటెనెన్స్ ఫీచర్ కూడా ఉంది. దీనివల్ల ఏసీలో ఏదైనా చిన్న సమస్య వచ్చినా లేదా సర్వీసింగ్ అవసరమైనా ముందే యూజర్లను అలర్ట్ చేస్తుంది. ఏసీని వాడే కొద్దీ అది యూజర్ల అలవాట్లను నేర్చుకుని, దానికి తగినట్లుగా బెస్ట్ పర్ఫార్మెన్స్ ఇచ్చేందుకు ప్రయత్నిస్తుంది. ఈ వేసవి, వర్షాకాలంలో సరికొత్త కూలింగ్ అనుభూతిని పొందాలనుకునే వారికి ఇది ఒక పర్ఫెక్ట్ ఛాయిస్ అని చెప్పవచ్చు.