Airtel : ఎయిర్‌టెల్ కస్టమర్లకు గుడ్ న్యూస్.. రూ.299 నుంచే అపరిమిత డేటా, ఉచిత ఓటీటీ ప్లాన్లు

Airtel : ప్రముఖ టెలికాం దిగ్గజం ఎయిర్‌టెల్ తమ కస్టమర్ల కోసం ఎన్నో రకాల ఆకర్షణీయమైన ప్రీపెయిడ్ రీఛార్జ్ ప్లాన్‌లను అందుబాటులోకి తీసుకొచ్చింది. రోజువారీ హైస్పీడ్ డేటా, ఉచిత అన్‌లిమిటెడ్ వాయిస్ కాలింగ్, ఉచిత ఎస్ఎమ్‌ఎస్ సేవలు కోరుకునే వారి కోసం కంపెనీ రూ.299 నుంచి ప్రారంభమయ్యే రీఛార్జ్ ప్యాక్‌లను అందిస్తోంది. ఈ సిరీస్‌లో రూ.299, రూ.319, రూ.349, రూ.399 ప్లాన్‌లు ప్రధానమైనవి. ఈ ప్లాన్‌లన్నీ 28 రోజుల చెల్లుబాటుతో పాటు అదనపు ఓటీటీ, డిజిటల్ సబ్‌స్క్రిప్షన్లను ఉచితంగా అందిస్తున్నాయి.

ఎయిర్‌టెల్ రూ.299 రీఛార్జ్ ప్లాన్ వివరాలు 
ఎయిర్‌టెల్ ప్రారంభ రీఛార్జ్ ప్లాన్ అయిన రూ.299 ప్యాక్‌తో కస్టమర్‌లకు ప్రతిరోజూ 1GB హైస్పీడ్ డేటా లభిస్తుంది. ఈ ప్లాన్ చెల్లుబాటు కాలం 28 రోజులు. ఇందులో దేశవ్యాప్తంగా ఉచితంగా మాట్లాడుకోవడానికి అపరిమిత లోకల్, ఎస్‌టీడీ కాలింగ్ సౌకర్యం ఉంటుంది. రోజుకు 100 ఉచిత ఎస్ఎమ్‌ఎస్‌లు లభిస్తాయి. అదనపు ప్రయోజనాల కింద ఉచిత ఎయిర్‌టెల్ హలోట్యూన్స్, పర్‌ప్లెక్సిటీ ప్రో ఏఐ  సబ్‌స్క్రిప్షన్ ఉచితంగా లభిస్తాయి.

ఎయిర్‌టెల్ రూ.319 రీఛార్జ్ ప్లాన్ వివరాలు 
రూ.319 ధర గల ఈ రీఛార్జ్ ప్లాన్ ప్రతిరోజూ 1.5GB డేటాను అందిస్తుంది. 28 రోజుల చెల్లుబాటు ఉండే ఈ ప్లాన్‌లో ఉచిత అపరిమిత కాలింగ్, రోజుకు 100 ఎస్ఎమ్‌ఎస్‌లు లభిస్తాయి. వినోదం,  క్లౌడ్ స్టోరేజ్ కోరుకునే వారికి ఇది బెస్ట్ ప్లాన్. దీని ద్వారా యాపిల్ మ్యూజిక్, 30 రోజుల పాటు ఫ్రీ ఎయిర్‌టెల్ హలోట్యూన్స్, 30GB క్లౌడ్ స్టోరేజ్ అందించే గూగుల్ వన్, 12 నెలల ఉచిత అడోబ్ ఎక్స్‌ప్రెస్ ప్రీమియమ్ యాక్సెస్ లభిస్తుంది.

Amazon Great Freedom Sale : వన్‌ప్లస్ 15పై అమేజాన్ ఫ్రీడమ్ సేల్ ధమాకా.. ఏకంగా రూ.8,000 తగ్గిన ధర

ఎయిర్‌టెల్ రూ.349 రీఛార్జ్ ప్లాన్ వివరాలు 
ఎయిర్‌టెల్ అందిస్తున్న మరొక ప్రాచుర్యం పొందిన ప్లాన్ రూ.349. ఈ ప్లాన్‌లో వినియోగదారులకు ప్రతిరోజూ 1.5GB డేటా ఉచితంగా లభిస్తుంది. 28 రోజుల వాలిడిటీతో వచ్చే ఈ ప్యాక్‌లో రోజూ 100 ఉచిత ఎస్ఎమ్‌ఎస్‌లు, అన్‌లిమిటెడ్ వాయిస్ కాల్స్ లభిస్తాయి. ఈ ప్లాన్ సబ్‌స్క్రైబర్లకు 6 నెలల పాటు ఉచిత యాపిల్ మ్యూజిక్ సబ్‌స్క్రిప్షన్, ఫ్రీ ఎయిర్‌టెల్ హలోట్యూన్స్, 12 నెలల కాలానికి ఉచిత అడోబ్ ఎక్స్‌ప్రెస్ ప్రీమియమ్ బెనిఫిట్స్ అందుతాయి.

ఎయిర్‌టెల్ రూ.399 రీఛార్జ్ ప్లాన్ వివరాలు 
ఎక్కువ డేటా మరియు ఓటీటీ సేవలు కోరుకునే వినియోగదారుల కోసం రూ.399 ప్లాన్ అనుకూలంగా ఉంటుంది. ఈ ప్లాన్ ద్వారా ప్రతిరోజూ 2.5GB అపరిమిత 5G డేటా లభిస్తుంది. 28 రోజుల చెల్లుబాటు కలిగిన ఈ ప్లాన్‌లో ఉచిత అన్‌లిమిటెడ్ కాలింగ్, రోజుకు 100 ఎస్ఎమ్‌ఎస్‌లు లభిస్తాయి. ఓటీటీ ఆఫర్ల విషయానికొస్తే, ఇందులో 28 రోజుల వ్యాలిడిటీతో జియోహాట్‌స్టార్ మొబైల్ సబ్‌స్క్రిప్షన్, ఉచిత ఎయిర్‌టెల్ హలోట్యూన్స్, 12 నెలల ఉచిత అడోబ్ ఎక్స్‌ప్రెస్ ప్రీమియమ్ సేవలు లభిస్తాయి.