మ‌తిపోయే AI ఫీచర్లతో Samsung Galaxy Book 4 Edge ల్యాప్‌ట్యాప్

దక్షిణ కొరియాకు చెందిన ఎలక్ట్రానిక్‌ ఉత్పత్తుల తయారీ కంపెనీ Samsung కొత్త ల్యాప్‌టాప్‌ను మార్కెట్‌కు ప‌రిచ‌యం చేసింది. Samsung Galaxy Book 4 Edge పేరుతో ప‌రిచ‌య‌మైన ఈ ల్యాప్‌ట్యాప్‌ AI ఫీచర్లతోపాటు 15-అంగుళాల డిస్‌ప్లేను క‌లిగి ఉంది. ఆక్టా-కోర్ స్నాప్‌డ్రాగన్ X ప్లస్ CPUతో దీనిని రూపొందించారు. కొత్త ల్యాప్‌టాప్ కమ్యూనికేషన్ కోసం Wi-Fi 7 స‌పోర్ట్‌ను అందిస్తుంది. vanilla Galaxy Book 4 Edge మాదిరిగానే.. న్యూ కోపిలట్+ PC Cocreator, Windows Studio Effects, లైవ్‌ క్యాప్షన్‌ల వంటి AI ఫీచర్‌లకు స‌పోర్ట్ చేస్తుంది. ఇది 16GB RAM, 512GB స్టోరేజీని కలిగి ఉంటుంది.

Samsung Galaxy Book 4 Edge 15-అంగుళాల వేరియంట్ ధరకు సంబంధించిన‌ వివరాలు ఇంకా వెల్లడి కాలేదు. ఇది అక్టోబర్ 10 నుండి ఫ్రాన్స్, జర్మనీ, ఇటలీ, కొరియా, స్పెయిన్, UK మరియు USతో సహా ఎంపిక చేసిన మార్కెట్‌లలో అందుబాటులోకి రానుంది. ఇది ఒకే Sapphire Blue రంగులో వస్తుంది.
60Hz రిఫ్రెష్ రేట్‌తో..

Galaxy Book 4 Edge 15.6-అంగుళాల ఫుల్‌-HD (1,080x1,920) డిస్‌ప్లేను 16:9 యాస్పెక్ట్ రేషియో, 300nits పీక్ బ్రైట్‌నెస్ మరియు 60Hz రిఫ్రెష్ రేట్‌తో కలిగి ఉంటుంది. ఇది కొత్తగా ప్రారంభించిన స్నాప్‌డ్రాగన్ X ప్లస్ 8-కోర్ CPUతో Adreno GPU, Qualcomm Hexagon NPUతో గరిష్టంగా 45 TOPS (సెకనుకు ట్రిలియన్ ఆపరేషన్‌లు)తో నడుస్తుంది. ఇది 16GB RAM, 256GB మరియు 512GB స్టోరేజ్ ఆప్షన్‌లతో ల‌భిస్తుంది. Galaxy Book 4 Edge 14-అంగుళాల, 16-అంగుళాల డిన్‌ప్లేల‌తో రెండు వేరియంట్‌లు ఉన్నాయి. ఈ రెండు మోడల్‌లు 12-కోర్ స్నాప్‌డ్రాగన్ X ఎలైట్ ప్రాసెస‌ర్‌తో నడుస్తాయి.

బ్లూటూత్ 5.3, Wi-Fi 7..

న్యూ Copilot+ PC Windows 11 హోమ్‌తో ర‌న్‌ చేయబడుతుంది. Cocreator, లైవ్‌ క్యాప్షన్‌లు, Windows Studio ఎఫెక్ట్‌లతో సహా ప‌లు స‌రికొత్త‌ AI ఫీచ‌ర్లు అందించ‌బ‌డ్డాయి. అయితే Windows Studio Effects సొంతంగా లైటింగ్‌ను మెరుగుపరుస్తుంది. అలాగే, వీడియో కాల్‌ల సమయంలో ఇత‌ర‌ శబ్దాలను నియంత్రిస్తుంది. 15-అంగుళాల Galaxy Book 4 Edgeకి Samsung నాక్స్ భద్రత ఉంది. ఇది బ్లూటూత్ 5.3, Wi-Fi 7ని అందిస్తుంది.

26 గంటల వీడియో ప్లేబ్యాక్

రెండు USB టైప్-సి (4.0) పోర్ట్‌లు, ఒక HDMI 2.1 పోర్ట్, ఒక USB టైప్-A (3.2) పోర్ట్, ఒక మైక్రో SD పోర్ట్, హెడ్‌ఫోన్ మైక్రోఫోన్, కాంబో మరియు సెక్యూరిటీ స్లాట్ ఉన్నాయి. ఈ ల్యాప్‌టాప్‌లో డ్యూయల్ మైక్రోఫోన్‌లు, డాల్బీ అట్మోస్ సపోర్ట్‌తో స్టీరియో స్పీకర్లను అందించారు. 65W ఫాస్ట్ ఛార్జింగ్ సపోర్ట్‌తో 61.2Wh బ్యాటరీని కలిగి ఉంది. ఒక్కసారి ఛార్జ్ చేస్తే బ్యాటరీ గరిష్టంగా 26 గంటల వీడియో ప్లేబ్యాక్ సమయాన్ని అందిస్తుంది. ఇది 356.6 x 229.7 x 15.0mm ప‌రిమాణంతో 1.50 కిలోగ్రాముల బరువు ఉంటుంది.