భార‌త్‌లోనే Nothing Phone 3 త‌యారీ.. బ‌హిర్గ‌త‌మైన డిజైన్ ఎలా ఉందంటే

Nothing Phone 3 కి సంబంధించిన కీల‌క అప్‌డేట్ వ‌చ్చేసింది. దీనిని మ‌న దేశంతోపాటు గ్లోబ‌ల్ మార్కెట్‌ల‌లో లాంఛ్ చేసేందుకు కంపెనీ స‌న్నాహాలు చేస్తోంది. ఇందులో భాగంగా ఈ స్మార్ట్ ఫోన్ డిజైన్ ను కంపెనీ టీజ్ చేసింది. అంతే కాదు, దీని గ్లిఫ్ ఇంట‌ర్‌ఫేస్ లేకుండా రానున్న‌ట్లు మార్కెట్ వ‌ర్గాలు భావిస్తున్నాయి. అలాగే, Nothing Phone 2 మాదిరిగా రాబోయే ఈ Nothing Phone 3ని స‌రికొత్త‌గా భార‌త్‌లోనే త‌యారు చేయ‌నున్న‌ట్లు కంపెనీ ప్ర‌క‌టించింది. తాజాగా ఈ ఫోన్ డిజైన్ రెండ‌ర్ బ‌య‌ట‌కు రావ‌డంతో దీని డిజైన్‌పై కొంత స్ప‌ష్ట‌త వ‌చ్చిన‌ట్ల‌యింది.జూలై 1న రానుందికొత్త ,Nothing Phone 3 కు చెందిన వెనుక ప్యానెల్‌లోని కొంత భాగం క‌నిపించేలా X వేదిక‌గా కంపెనీ ఒక పోస్ట్‌ను షేర్ చేసింది. దీనిని ప‌రిశీస్తే.. ఈ హ్యాండ్ సెట్ కుడివైపు దిగువ భాగంలో మోడ‌ల్ నంబ‌ర్ A024 ఉన్న‌ట్లు స్ప‌ష్టంగా తెలుస్తోంది. అలాగే, రాబోయే Nothing Phone 3 భార‌త్‌తోపాటు గ్లోబ‌ల్ మార్కెట్‌ల‌లో జూలై 1న అడుగుపెట్ట‌నుంది. దీనిపై మార్కెట్ వ‌ర్గాలు ఆసక్తిగా ఎదురు చూస్తున్నాయి.

మ‌న దేశంలోనే త‌యారీ

కంపెనీ త‌మ అధికారిక‌ X ఖాతాలో మ‌రో విష‌యాన్ని కూడా స్ప‌ష్టం చేసింది. త్వ‌ర‌లో రానున్న ఈ Nothing Phone 3 మ‌న దేశంలోనే త‌యారు చేయ‌బ‌డుతుంద‌ని చెప్పుకొచ్చింది. అలాగే, ఇండియాలోని Nothing ఫ్యాక్ట‌రీని మ‌ళ్లీ విజిట్ చేయాల‌ని ఉందంటూ కంపెనీ కో ఫౌండ‌ర్ అకిస్ ఎవాంజెలిడిస్ X వేదిక‌గా రాసుకొచ్చారు. అంతే కాదు, చెన్నైలోని కంపెనీ ప్లాంట్‌లో ఈ స్మార్ట్ ఫోన్ అసెంబుల్ చేయ‌నున్న‌ట్లు స‌మాచారం. ఈ ప్లాంట్‌లో ఐదు వంద‌ల మందికిపైగా ఉద్యోగులు ఉన్నారు.

గ్లిఫ్ ఇంట‌ర్‌ఫేస్ లేకుండా

ఈ Nothing Phone 3 కు సంబంధించి ఒక్కొక్క అంశం బ‌య‌ట‌కు వ‌స్తున్న ఈ స‌మ‌యంలో తాజాగా ఓ జ‌ర్న‌లిస్ట్ రాబోయే ఫోన్ కు చెందిన రెండ‌ర్‌ను బ‌హిర్గ‌తం చేశారు. అలాగే, దీనిలో హ్యాండ్ సెట్ వెనుక ప్యాన‌ల్ స్ప‌ష్టంగా క‌నిపిస్తోంది. గ‌తంలో వ‌చ్చిన మోడ‌ల్స్ మాదిరిగానే transparent ప్యానెల్ దీనిలో చూడొచ్చు. అయితే, ఇది గ్లిఫ్ ఇంట‌ర్‌ఫేస్ లేకుండా వ‌స్తోంది. ఈ ఇమేజ్‌లో ట్రిపుల్ కెమెరా యూనిట్‌ను కూడా స్ప‌ష్టంగా చూడొచ్చు. గ‌త మోడ‌ల్స్‌తో పోల్చితే ఇది మ‌రింత ఆక‌ర్ష‌ణీయంగా క‌నిపిస్తోంది.

ఈ హ్యాండ్ సెట్ ధ‌ర

రాబోయే Nothing Phone 3 గ‌తంలో వ‌చ్చిన నివేదిక‌ల బ‌ట్టీ, స్నాప్‌డ్రాగ‌న్ 8 సిరీస్ ప్రాసెస‌ర్‌, డైమెన్సిటీ 9400 ప్రాసెస‌ర్‌తో రూపొందించ‌వ‌చ్చు. అలాగే, ఇది హై ఎండ్ స్పెసిఫికేష‌న్స్‌తో రావ‌చ్చ‌ని అంచ‌నా. ఈ హ్యాండ్ సెట్ ధ‌ర GBP 800 ( సుమారు రూ. 93,000) వ‌ర‌కూ ఉంటుంద‌ని కంపెనీ సీఈఓ కార్ల్ పీ వెల్ల‌డించారు. దీనిని బట్టీ ఈ ఫోన్ Samsung Galaxy S25, iPhone 16 లాంటి ఖ‌రీదైన మోడ‌ల్స్‌తో పోటి ప‌డ‌నున్న‌ట్లు మార్కెట్ వ‌ర్గాలు అంచ‌నా వేస్తున్నాయి.